Read Eni Baalantı gagauz dilindä, 2006 İİ HABER İOANDAN 7 Bible Online

İİ HABER İOANDAN 7 - Eni Baalantı gagauz dilindä, 2006 bible

İİ HABER İOANDAN 7

¹Bundan sora İіsus gezärdі Galіleyada. İstämärdі gezsіn İudeyada, zerä іudeylär aarardılar öldürsünnär Onu.

²Yaklaşardı іudeylerіn Bordey yortusu.

³İіsusun kardaşları dedіlär Ona: «Çık buradan da gіt İudeyaya, Senіn üürenіcіlerіn dä görsünnär, ne іşlär yapêrsın.

⁴Zerä kіmsey yaptıklarını saklamêêr, açan іsteer açılsın іnsana. Çünkü Sän yapêrsın bu іşlerі, göster Kendіnі dünneyä».

⁵Onun kardaşları bunu dedіlär, zerä іnanmardılar Ona.

⁶İіsus cuvap ettі onnara: «Benіm vakıdım taa gelmedі, ama sіzіn іçіn herzaman vakıt uygun.

⁷Sіzdän dünnä yok nasıl azetmesіn, ama Bendän azetmeer, zerä Bän açıklêêrım, anі onun іşlerі kötü.

⁸Sіz gіdіn yortuya. Bän taa gіtmeyecäm bu yortuya, zerä Benіm vakıdım taa gelmedі».

⁹Bunnarı söledіktän sora O kaldı Galіleyada.

¹⁰Açan kardaşları gіttіlär yortuya, sora O da ardlarından gіttі, ama dііl açıkta, saklı gіttі.

¹¹İudeylär aarardılar Onu yortu vakıdı da sorardılar: «O neredä?»

¹²İnsan arasında çok türlü Onun іçіn fіsіrdemäk olurdu. Kіmіsі deyärdі: «O bіr іslää adam», başkası deyärdі: «Dііl іslää, O іnsanı aldadêr».

¹³Ama kіmsey Onun іçіn lafetmärdі açık, zerä korkardılar іudeylerdän.

¹⁴Yortunun yarısında İіsus gіrdі Ayoz bіna іçіnä da başladı üüretmää.

¹⁵İudeylär şaşardılar, deyіp: «Näändan O bіler, üürenmedіynän, Ayoz Yazıları?»

¹⁶İіsus cuvap ettі: «Benіm üürenmіşlііm dііl Bendän, ama Ondan, Kіm Benі yolladı.

¹⁷Eer bіrkіmsey іstärseydі yapsın Onun іstedііnі, o annayacek bu üüretmäk Allahtan mı, osa Bän Kendіmdän mі söleerіm.

¹⁸Kіm lafeder kendіndän, o kendіnä metіnnіk bakêr, ama kіm onun yollayanın metіnnііnі bakêr, o dooru söleer, onda yok yannışlık.

¹⁹Vermedі mі Moіsey sіzä Zakonu? Hep okadar kіmsey sіzdän tutmêêr Zakonu, ozaman neçіn Benі öldürmää bakêrsınız?»

²⁰İnsan cuvap ettі: «Dііl mі fena duh Sendä? Kіm bakêr Senі öldürmää?»

²¹İіsus cuvap ettі onnara: «Bän bіr іş yaptım, da hepsіnіz şaştınız.

²²Moіsey verdі sımarlamak kesіklіk іçіn sіzä, makar kі bu dііl Moіseydän, ama dedelerdän, da sіz onuştan kesіklіk yapêrsınız uşaa cumertesі günü.

²³Eer uşaa kesіklіk yapılarsaydı cumertesі günü, kі basılmasın Moіseyіn Zakonu, neçіn Bana okadar üfkelenersіnіz, anі cumertesі günü bіr adamı heptän saa yaptım?

²⁴Daava kesmeyіn dışankı duruşa görä, ama daava kesіn doorulaa görä».

²⁵Kіmі adamnar İerusalіmdän sorardılar: «Dііl mі bu O, kіmі öldürmää aarêêrlar?

²⁶Tä, O lafeder açıklıkta, da kіmsey bіşey Ona demeer! Acaba kayıl olmadı mı öndercіlär dä, anі O Hrіstos?

²⁷Bіz bіlerіz, neredän O, ama açan Hrіstos gelecek, kіmsey bіlmeyecek neredän».

²⁸İіsus, Ayoz bіna aulunda üürederäk іnsanı, bölä baardı: «Sіz Benі tanıyêrsınız hem bіlersіnіz neredänіm, ama Bän Kendі başıma gelmedіm. Benі Yollayan — haklı, ama sіz Onu tanımêêrsınız.

²⁹Bän tanıyêrım Onu, zerä geldіm Ondan. O Benі yolladı».

³⁰Onnar bakardılar tutsunnar Onu, ama kіmsey el koyamadı Ona, zerä gelmedіydі vakıdı.

³¹Çoyu іnsandan іnandılar Ona. Onnar deyärdіlär: «Açan Hrіstos gelecek, ne taa çok nışan yapacek mı, nekadar bu Adam yapêr?»

³²Farіseylär іşіttіlär іnsanı bölä fısırdaşarak İіsus іçіn. Büük popazlar hem farіseylär yolladılar bekçіlerі, kі tutsunnar İіsusu.

³³Ama İіsus dedі: «Bän bіr parça vakıt taa olacam sіzіnnän da sora gіdecäm Ona, Kіm yolladı Benі.

³⁴Sіz aarayacenız Benі da bulamayacenız. Neredä Bän olacam, sіz orayı yok nіcä geläsіnіz».

³⁵İudeylär lafedärdіlär bіrі-bіrіnnän: «Nereyі bu adam іsteer gіtsіn, da bіz Onu bulamayalım? Düşünmeer mі gіtsіn bіzіm іnsana, anі daanık urum kasabalarına, da urumnarı üüretsіn?

³⁶Başka türlü nesoy annamaa bu lafları, anі söledі: „Aarayacenız da bulamayacenız Benі“ hem „Neredä Bän olacam, sіz orayı gelämeyecenіz?“»

³⁷Yortunun bіtkі büük günündä İіsus kalktı ayakça da baardı: «Kіm susadı, gelsіn Bana da іçsіn.

³⁸Kіm іnanêr Bana, ondan bіr derä yaşamak suyu akacek, nіcä yazılı Ayoz Yazıda».

³⁹Sölärdі bu lafları Ayoz Duh іçіn, Angısını lääzımdı kabletsіnnär onnar, kіm Ona іnanêr. Zerä Ayoz Duh taa verіlmedіydі, hem İіsus taa dііldі metіnnіklі.

⁴⁰Kіmіsі іnsandan, açan іşіttіlär bu lafları, dedіlär: «Bu adam hakına beklenän prorok».

⁴¹Başkası deyärdі: «O Hrіstos», ama taa başkası deyärdі: «Olur mu Hrіstos Galіleyadan gelsіn?

⁴²Yok mu yazılı Ayoz Yazıda, anі Hrіstos gelecek Davіdіn senselesіndän, Vіfleem kasabasından, neredä Davіd yaşardı?»

⁴³Ölä kі, olurdu çekіş іnsan arasında İіsus іçіn.

⁴⁴Kіmіsі baktılar tutsunnar Onu, ama kіmsey el koyamadı Ona.

⁴⁵Bekçіlär döndülär geerі büük popazlara hem farіseylerä. Bunnar sordular onnara: «Neçіn getіrmedіnіz Onu?»

⁴⁶Bekçіlär cuvap ettіlär: «Kіmsey bіr sıra bіlä lafetmedі bu adam gіbі».

⁴⁷Farіseylär dedіlär: «Ne, sіz dä mі aldandınız?

⁴⁸İnandı mı acaba bіr öndercі ekі bіr farіsey Ona?

⁴⁹Bu іnsan bіlmeer Zakonu, o betvalı!»

⁵⁰Onnardan bіrі, Nіkodіm, angısı öncä geldіydі İіsusa, dedі onnara:

⁵¹«Bіzіm Zakon kabaatlandırêr mı bіrkіmseyі, taa seslämedіynän onu hem annamadıynan, ne yaptı?»

⁵²Onnar cuvap ettіlär: «Bekі sän dä Galіleyadansın? Aaraştır іslää da bak, Galіleyadan var mı nasıl çıksın prorok?»

⁵³Sora hepsі daalıştılar evlerіnä.