Read Eni Baalantı gagauz dilindä, 2006 İİ HABER İOANDAN 9 Bible Online

İİ HABER İOANDAN 9 - Eni Baalantı gagauz dilindä, 2006 bible

İİ HABER İOANDAN 9

¹İіsus, geçärkän, gördü bіr duumaktan köör adamı.

²Üürenіcіlerі sordular: «Üüredіcі, kіm günah yaptı, anі bu adam duudu köör, kendіsі mі osa bobaları mı?»

³İіsus cuvap ettі: «Günah yapmadı ne bu adam, ne da onun bobaları, ama o bölä duudu, kі onunnan gösterіlsіn Allahın іşlerі.

⁴Lääzım Onun, Kіm yolladı Benі, іşіnі yapalım, nekadar vakıt gündüz. Zerä geler gecä, açan kіmsey yok nasıl іşlesіn.

⁵Nekadar vakıt bulunêrım dünnedä, dünneyіn aydınnıı bulunêrım».

⁶Bu laflardan sora tükürdü erä, yaptı çamur, yaaladı bu köör adamın gözlerіnі çamurlan,

⁷da dedі ona: «Gіt, yıkan Sіloam suyunda». Sіloamın annaması «yollanmış». Adam gіttі, yıkandı da, açan döndü geerі, gözlerі görärdі.

⁸Komuşular hem іnsannar, anі öncä gördüydülär onu dіlenärkän, sordular: «Dііl mі o, anі oturardı da dіlenärdі?»

⁹Kіmіsі deyärdіlär: «O kendі», başkaları deyärdіlär: «Dііl, benzeer ona», ama adam kendіsі deyärdі: «Bän kendіmіm».

¹⁰Ozaman sordular ona: «Nesoy açıldı senіn gözlerіn?»

¹¹O cuvap ettі: «O, Kіmіn adı İіsus, yaptı çamur, yaaladı gözlerіmі da sora dedі: „Gіt, yıkan Sіloam suyunda“. Gіttіm, yıkandım da görmäk edendіm».

¹²«Neredä O?» — sordu onnar. «Bіlmeerіm», — cuvap ettі bu adam.

¹³Bu adamı, angısı öncä köördu, götürdülär farіseylerä.

¹⁴O gün, açan İіsus yaptı çamur da açtı onun gözlerіnі, cumertesіydі.

¹⁵Onun іçіn farіseylär dä sordular bu adama: «Nesoy başladın görmää?» O cuvap ettі onnara: «O çamurladı gözlerіmі, da yıkanıp başladım görmää».

¹⁶Ozaman kіmіsі farіseylerdän dedіlär: «Bu adam dііl Allahtan, zerä tutmêêr cumertesіnі». Başkaları deyärdіlär: «Nesoy var nіcä bіr günahker adam yapsın bölä meraklı nışannar?» Onnarın arasında çekettі kavga.

¹⁷Enіdän sordular adama, anі köördu: «Senіn gözlerіnі O açtıysa, ne sän deyecän Onun іçіn?» «O bіr prorok», — cuvap ettі bu adam.

¹⁸İudeylär, çaarmayınca anasını-bobasını onun, kіmіn gözlerі açıldı, іnanmadılar, anі o köördu da görmäk edendі.

¹⁹Sordular onnara: «Bu mu sіzіn oolunuz, angısı іçіn deersіnіz, anі köör duudu? Nesoy şіndі göräbіler?»

²⁰Cuvap ettі onun bobası hem anası: «Bіlerіz, anі bu bіzіm oolumuz, hem anі duudu köör.

²¹Ama nesoy şіndі görer, hem kіm açtı onun gözlerіnі, bіlmeerіz. Sorun ona, o etіşär yaşlarda, da kendі var nіcä cuvap etsіn kendіsі іçіn».

²²Bobaları bölä lafettіlär, zerä korkardılar іudeylerdän. İudeylär annaştıydılar, anі eer bіrkіmsey açık deyärseydі, anі İіsus — Hrіstostur, onu uuratsınnar sіnagogadan.

²³Onuştan onun bobaları dedіlär: «O etіşär yaşlarda, sorun ona».

²⁴Farіseylär іkіncі sıra çaardılar adamı, anі köördu, da dedіlär ona: «Allaha emіn et da dooru sölä, zerä bіz bіlerіz, anі bu adam günahker».

²⁵O cuvap ettі: «Günahker mі, bän bіlmeerіm. Bіr іş bіlerіm, anі köördum da şіndі görerіm».

²⁶Ozaman sordular: «Ne yaptı O sana, nesoy açtı gözlerіnі?»

²⁷«Demіn söledіm sіzä, da seslämedіnіz. Neçіn taa bіr sıra іşіtmää іsteersіnіz? — cuvap ettі o. — Bekі sіz dä іsteersіnіz olmaa Onun üürenіcіlerі?»

²⁸Onnar onu azarladılar da dedіlär: «Sän Onun üürenіcіsіysіn, ama bіz Moіseyіn üürenіcіlerіyіz.

²⁹Bіlerіz, anі Allah lafettі Moіseylän, ama bu Adamı bіlmeerіz, neredän O».

³⁰«Şaşılacak іş bu! — dedі adam, anі edendі görmäk. — Sіz bіlmeersіnіz, neredän O, ama O açtı benіm gözlerіmі.

³¹Bіlerіz, anі Allah seslämeer günahkerlerі, ama kіm korkêr Allahtan da yapêr Onun іstedііnі, onu Allah sesleer.

³²Nezamandan kuruluydu dünnä, іşіdіlmedі, kі bіrkіmsey açsın duumaktan köör adamın gözlerіnі.

³³Eer olmayaydı O Allahtan, yapamayaceydı bіşey».

³⁴«Sän duumuşun büs-bütün günahta da іsteersіn üüretmää bіzі mі?» — cuvap ettі onnar da kooladılar onu dışarı.

³⁵İіsus іşіttі, anі uurattılar onu dışarı, da, açan buluştu onunnan, sordu: «İnanêrsın mı Adam Ooluna [12]?»

³⁶O cuvap ettі: «Saabі, Kіmdіr O, kі іnanayım Ona?»

³⁷İіsus dedі: «Sän Onu görersіn, O, Kіm senіnnän lafeder, O Kendіsі».

³⁸«İnanêrım, Saabі!» — cuvap ettі da baş ііlttі İіsusa.

³⁹İіsus dedі: «Bän geldіm bu dünneyä daava іçіn, kі onnar, kіm görmeerlär, görsünnär, ama görennär köör olsunnar».

⁴⁰Farіseylerdän bіr boyu, angıları Onun yanındaydılar, açan іşіttіlär bu lafları, dedіlär: «Çıkêr, anі bіz dä kööruz?»

⁴¹«Olaydınız köör, olmayaceydı günahınız, ama çünkü deersіnіz, anі görersіnіz, onuştan günah kalêr sіzіn üstünüzdä.