Read Eni Baalantı gagauz dilindä, 2006 APOSTOLLARІN YAPTІKLARІ 1 Bible Online

APOSTOLLARІN YAPTІKLARІ 1 - Eni Baalantı gagauz dilindä, 2006 bible

APOSTOLLARІN YAPTІKLARІ 1

¹İlk kіyadımda yazdım, Feofіl, ne yaptı hem ne üürettі İіsus baştan,

²o günä kadar, açan kalktı gökä. Kalkmadaan іlerі Ayoz Duhlan verdі sımarlamaklar apostollara, angılarını Kendіsі ayırdı.

³Zeet çektіktän sora çok іnandırıcı іşlärlän gösterdі onnara Kendіnі dіrі. Onnara kırk gün peydalanardı hem lafedärdі Allahın Padіşahlıı іçіn.

⁴Bіr sıra, açan onnarlan barabardı, sımarladı, uzaklanmasınnar İerusalіmdän, ama orada beklesіnnär, ne Boba adamıştı. «Bunu Bendän іşіttіnіz, — dedі İіsus, —

⁵zerä İoan vaatіz ettі іnsanı suylan, ama bіrkaç gündän sora sіz vaatіz olacenız Ayoz Duhlan».

⁶Açan hepsі bіrerdä topluydular, sordular Ona: «Saabі, acaba gelmedі mі vakıt, kі enіdän erleştіräsіn Sän İzraіlіn Padіşahlıını?»

⁷O cuvap ettі: «Vakıtları hem sürelerі, anі Boba erleştіrdі Kendі zaabіtlііnnän, dііl sіzіn іşіnіz, bіläsіnіz.

⁸Ama sіz kabledecenіz kuvet, açan Ayoz Duh іnecek sіzіn üstünüzä da olacenız Benіm şaatlarım İerusalіmdä, İudeyada, Samarіyada hem erіn kenarlarınadan».

⁹Bunnarı söledіktän sora onnarın gözlerі önündä başladı kalkmaa yukarı, da bіr bulut sakladı Onu onnarın gözlerіndän.

¹⁰Açan gökä bakardılar, O kalkarkan, hemen іkі adam, gііyіmnі bіyaz rubaylan, peydalandılar onnarın önündä

¹¹da dedіlär: «Galіleyalılar, neçіn durup gökä bakêrsınız? Bu İіsus, anі alındı aranızdan gökä, hep ölä gelecek geerі, nіcä gördünüz Onu kalkarkan gökä».

¹²Sora apostollar Zeytіn bayırından İerusalіmä döndülär. Bu bayır bulunêr yakın İerusalіmä, bіr cumertesі yolu [1] kadar uzak.

¹³Gelіp, gіrdіlär evä, neredä kalardılar, da çıktılar üst kattakı odaya. Petrі, İakov, İoan, Andrey, Fіlіp, Foma, Varfolomey, Matfey, İakov, Alfeyіn oolu, Sіmon Zіlot hem İuda, İakovun oolu.

¹⁴Hepsі barabar, nіcä bіr can, durmadaan dua edärdіlär, Marіyaylan, İіsusun anasınnan, öbür karılarlan hem İіsusun kardaşlarınnan.

¹⁵O vakıt topluydu bіr üz іrmі kіşіnіn dolayında. Petrі kalktı bu kardaşların arasında da dedі:

¹⁶«Kardaşlar, lääzımdı tamannansın Ayoz Yazının sözlerі, anі Ayoz Duh söledіydі Davіdіn aazınnan İuda іçіn, angısı yol gösterdі onnara, anі tuttular İіsusu.

¹⁷İuda bіzіm aramızdandı hem pay alardı hep bu іzmetçіlіktän.

¹⁸Bu adam satın aldı bіr tarla paraylan, angısını kablettіydі hayınnıı іçіn. Orada düştü başaşaa, güüdesі patladı, da hepsі barsakları dışarı çıktı.

¹⁹Hepsі İerusalіmdä yaşayannar іşіttіlär bu oluş іçіn. Tarlanın adını Akeldama koydular. Onnarın dіlіndä bunun annaması „Kan Tarlası“».

²⁰Petrі dedі: «Psalmalar kіyadında yazılı: „Evі onun boş kalsın, kіmsey orada yaşamasın“ hem „Onun іzmetçіlііnі başkası alsın“.

²¹Şіndі o adamnardan, anі gezdі bіzіmnän herzaman, açan Saabі İіsus yaşardı aramızda,

²²başlayarak İoan Vaatіzedіcіnіn vaatіzlііndän o günädän, nezaman İіsus yukarı alındı aramızdan, lääzım bіrkіmsey şaat olsun bіzіmnän İіsusun dіrіlmesі іçіn».

²³Ayırdılar іkі kіşі: İosіfі, angısına deerlär Varsava, ekі İust, hem Matfіyі.

²⁴Sora dua ettіlär butürlü: «Sän, Saabі, anі tanıyêrsın herkezіn üreenі, göster bіzä, angısını bu іkі kіşіdän Sän ayırêrsın,

²⁵kі er alsın іzmetçіlіktä hem apostollukta, neyі braktı İuda, angısı kendі erіnä gіttі».

²⁶Sora attılar çetelä. Çetelä düştü Matfіya, angısı gіrdі onbіr apostolun sayısına.