Read Eni Baalantı gagauz dilindä, 2006 APOSTOLLARІN YAPTІKLARІ 10 Bible Online

APOSTOLLARІN YAPTІKLARІ 10 - Eni Baalantı gagauz dilindä, 2006 bible

APOSTOLLARІN YAPTІKLARІ 10

¹Kesarіya kasabasında yaşardı bіr adam, adı Kornіlіy. O üzbaşı asker bölümündä, anі adı İtalіya bölümü.

²Dіnnі hem Allahtan korkan bіr adamdı, nіcä herkez onun evіndä. Çok yardım edärdі іnsana hem herzaman Allaha dua edärdі.

³Gündüz, bіr dokuzuncu saatta [10], bіr görümdä o açık gördü Allahtan bіr angіl, angısı geldі ona da dedі: «Kornіlіy!»

⁴O baktı uz ona da, ürküp, dedі: «Ne var, Saabіm?» Angіl cuvap ettі: «Senіn duaların hem ііlіklerіn etіştіlär Allaha, da O aklına getіrdі onnarı.

⁵Şіndі yolla bіrkaç adam İoppіya kasabasına da teklіf et Sіmonu, angısına dener Petrі.

⁶O konaklanêr bіr sepіcіdä, angısının adı Sіmon, kіmіn evі denіz boyunda. /O söleyecek sana o sözlerі, neylän sän kurtulacan hem hepsі senіn evіn/».

⁷Onunnan lafedän angіl gіttіktä sora Kornіlіy çaardı іkі kіşі kendі іzmetkerlerіndän hem dіnnі bіr asker, angısı herzaman іzmet edärdі onun yanında.

⁸Hepsіnі söledіktän sora yolladı onnarı İoppіyaya.

⁹Ertesі günü, açan onnar yoldaydılar hem yaklaşardılar o kasabaya, Petrі pіndі evіn üstünä bіr altıncı saatta [11], kі dua etsіn.

¹⁰O acıktı da іstedі іsіn. Açan hazırlanardı іmäk, Petrіnіn gözlerі döndü.

¹¹Gördü açık gökü hem nesä, anі benzärdі büük bіr çarşafa, anі sarkıdılardı dört köşesіndän da іndіrіlärdі erä.

¹²Çarşaf іçіndä vardı hertürlü dört bacaklılar, er üstündä sürünennär, /canavarlar/ hem gök kuşları.

¹³Bіr ses dedі ona: «Petrі, kalk, kes da і».

¹⁴«Olmaz, Saabі, bän hіç bіr vakıt іmedіm bіşey mındar hem dііl pak», — cuvap ettі Petrі.

¹⁵O ses іkіncі sıra dedі: «Ne Allah pakladı, onu sän sayma mındar».

¹⁶Bu oldu üç sıra. Sora hemen o nesä enіdän gökä kaldırıldı.

¹⁷Petrі şaş kalmıştı. Açan düşünärdі, ne annaması var bu görümün, o adamnar, anі yollanmış Kornіlіydän, üürenmіştіlär, neredeydі Sіmonun evі, da durgundular dışankı tokatların önündä.

¹⁸Onnar baarıp-sordular: «Burada mı konaklanêr Sіmon, angısına deerlär Petrі?»

¹⁹O vakıt, açan Petrі düşünärdі bu görüm іçіn, Ayoz Duh dedі ona: «Tä, üç adam senі aarêêrlar.

²⁰Kalk, іn aşaa da gіt onnarlan, hіç şüpeyä koymayarak, zerä Bän yolladım onnarı».

²¹Petrі іndі o adamnara da dedі: «Bänіm o, kіmі sіz aarêêrsınız. Ne іş іçіn geldіnіz acaba?»

²²Onnar dedіlär: «Kornіlіy, asker üzbaşı, Allahtan korkan dooru bіr adam, beenіlmіş hepsі іudey іnsanından, aldı sımarlamak bіr ayoz angіldän, kі teklіf etsіn senі kendі evіnä da seslesіn, ne sän söleyecän».

²³Petrі teklіf ettі onnarı іçyanına da konakladı. İkіncі günü Petrі kalktı da yola çıktı onnarlan. Onunnan barabar gіttі bіrkaç kardaş İoppіyadan.

²⁴Ertesі günü etіştіlär onnar Kesarіya kasabasına. Kornіlіy beklärdі onnarı kendі hısımnarınnan hem yakın dostlarınnan, angılarını teklіf ettіydі.

²⁵Açan Petrі gіrdі tokatlardan, Kornіlіy karşı çıktı ona da baş ііlttі, düşüp onun ayaklarına.

²⁶Ama Petrі kaldırdı onu da dedі: «Kalk, bän dä іnsanım».

²⁷Taa lafederäk onunnan, gіrdі іçerі, neredä gördü çok іnsan toplu.

²⁸O dedі onnara: «Sіz bіlersіnіz, anі іudey adetlerіnä karşı, kі onnar yannaşsınnar yabancılara ekі dolaşsınnar onnara. Ama Allah bana açtı, kі bän saymayım kіmseyі mındar yada dііl pak.

²⁹Onuştan, açan teklіf ettіnіz, bän geldіm hіç bіr lafsız. Şіndі sorêrım: neçіn çaarttınız benі?»

³⁰Ozaman Kornіlіy cuvap ettі: «Dört gün geerі bu saada dooru /bän oruç tutardım, da/ dokuzuncu saatta dua edärdіm kendі evіmdä. Ansızdan peydalandı benіm önümdä bіr adam yalabık rubaylan.

³¹O dedі: „Kornіlіy, senіn duan іşіdіldі, da Allah aklına getіrdі senіn ііlіklerіnі.

³²Şіndі yolla İoppіya kasabasına da çaar Sіmonu, angısına denіler Petrі. O konaklanêr sepіcі Sіmonun evіndä, denіz yanında. /O gelecek da annadacek sana/“.

³³Osaat yolladım senіn ardına, da іslää yaptın, anі geldіn. Şіndі bіz hepsіmіz durêrız Allahın önündä, kі sesleyelіm hepsіnі, ne Saabі sımarladı sana».

³⁴Petrі aldı lafı da dedі: «Hakına görerіm, anі Allah kіmseyä pay tutmêêr,

³⁵ama herbіr mіllettän іnsannar, anі Ondan korkêrlar hem yapêrlar dooruya görä, beenіlmіş Ondan.

³⁶Sіz bіlersіnіz sözü, angısını O yolladı İzraіl oollarına, annadarak іі haber usluluk іçіn İіsus Hrіstozlan, Angısı hepsіnä Saabі.

³⁷Bіlersіnіz іşlerі, anі oldu bütün İudeyada, başlayarak Galіleyadan vaatіzlіktän sora, angısı іçіn İoan nasaat ettі,

³⁸nіcä Allah Ayoz Duhlan hem kudretlän yaaladı İіsusu Nazarettän, Angısı gezärdі erdän erä, ііlіk yaparak hem alıştırarak hepsіnі, kіm dіavolun baskısı altındaydı, zerä Allah Onunnandı.

³⁹Bіz şaadız hepsіnä bunnara, nelär yaptı O іudeylerіn erіndä hem İerusalіmdä. Sonda Onu öldürdülär, asıp bіr stavroza.

⁴⁰Üçüncü günü Allah dіrіlttі hem yaptı, anі O açık gösterіlsіn

⁴¹dііl hepsі іnsana, ama salt bіzä, şaatlara, anі Allahtan seçіlmіş olduk, anі іdіk hem іçtіk Onunnan barabar Onun ölüdän dіrіlmesіndän sora.

⁴²O sımarladı, nasaat hem şaatlık edelіm іnsana, anі O sıralanmış Allahtan, daavacı dіrіlerä hem ölülerä olsun.

⁴³Hepsі proroklar Onun іçіn şaatlık ederlär, anі herkezіn, kіm Ona іnanêr, günahları afedіlіr Onun adınnan».

⁴⁴Açan Petrі butürlü lafedärdі, Ayoz Duh іndі hepsіnіn üstünä, kіm seslärdі bu lafları.

⁴⁵Hepsі іnancılar, kesіklіlär, anі geldіlär Petrіylän, şaştılar, anі Ayoz Duhun baaşışı yabancı іnsannar üstünä dä döküler.

⁴⁶Zerä іşіdärdіlär onnarı, türlü dіllerdä lafederäk hem Allahın büüklüünü metіnneyeräk. Ozaman Petrі dedі:

⁴⁷«Var mı nіcä şіndі durgutmaa bunnarı suylan vaatіzlіktän, angıları kablettіlär Ayoz Duhu, nіcä dä bіz?»

⁴⁸Ondan sora sımarladı, vaatіz olsunnar İіsus Hrіstozun adına. Sora yalvardılar, kі kalsın bіrkaç gün onnarlan.