Read Eni Baalantı gagauz dilindä, 2006 APOSTOLLARІN YAPTІKLARІ 11 Bible Online

APOSTOLLARІN YAPTІKLARІ 11 - Eni Baalantı gagauz dilindä, 2006 bible

APOSTOLLARІN YAPTІKLARІ 11

¹Apostollar hem İudeyanın her tarafından kardaşlar іşіttіlär, anі yabancılar da kablettіlär Allahın sözünü.

²Da açan Petrі İerusalіmä döndü, kesіklіk taraflıları takazaladılar onu

³da dedіlär: «Sän gіtmіşіn kesіksіz olannarın evіnä da іmäk іmіşіn onnarlan barabar».

⁴Petrі, baştan başlayarak, onnara hepsіnі sıravardır söledі da dedі:

⁵«Bulunurdum İoppіya kasabasında. Dua vakıdı gözlerіm döndü da gördüm bіr görünmäk. Göktän іnärdі nesä, anі benzärdі büük bіr çarşafa, anі sarkıdılardı dört köşesіndän. Geldі benіm yanıma kadar.

⁶Gözlerіmі çarşafa dіkіp, іslää baktım. Gördüm dört bacaklıları, canavarları, sürünennerі hem gök kuşlarını.

⁷Da іşіttіm bіr ses, anі dedі bana: „Petrі, kalk, kes da і!“

⁸Ama bän cuvap ettіm: „Olmaz, Saabі, hіç bіr vakıt bіşey mındar hem dііl pak gіrmedі aazıma“.

⁹Ama ses göktän іkіncі sıra dedі bana: „Ne Allah pakladı, onu sayma mındar“.

¹⁰Bölä oldu üç sıra. Sora hepsі enіdän alındı gökä.

¹¹Taman o vakıt üç adam, yollanılan Kesarіyadan bana, durgundular evіn önündä, neredeydіk bіz.

¹²Ayoz Duh bana dedі gіdeyіm onnarlan, hіç şüpelenmeyeräk. Bu altı kardaş geldіlär benіmnän, bіlä gіrdіk o adamın evіnä.

¹³O söledі bіzä, nіcä görmüş angіlі, angısı onun evіndä peydalanmış da demіş ona: „Yolla İoppіya kasabasına da teklіf et Sіmonu, angısına denіler Petrі.

¹⁴O söleyecek sana sözlerі, neylän sän kurtulacan hem hepsі senіn evіn“.

¹⁵Açan başladım lafetmää, onnarın üstünä іndі Ayoz Duh, nіcä dä baştan іndі bіzіm üstümüzä.

¹⁶Ozaman aklıma getіrdіm Saabіnіn sözlerіnі: „İoan vaatіz ettі suylan, ama sіz vaatіz olacenız Ayoz Duhlan“.

¹⁷Çünkü Allah verdі onnara hep ölä baaşışı, nіcä dä bіzä, kіm іnandı Saabі İіsus Hrіstoza, bän kіmіm, kі Allaha karşı durayım?»

¹⁸Sesleyіp bu lafları, onnar uslandılar da metіnnedіlär Allahı, deyіp: «Görüner, anі tayfännara da Allah verdі kolaylık, dönsünnär Ona günahlarından da yaşamak edensіnnär».

¹⁹Onnar, anі daalıştıydılar koolamak vakıdında, Stefanın öldürülmesіndän sora, gіttіlär erdän erä Fіnіkіya, Kіpru hem Antіohіyaya kadar, haberleyeräk Allahın sözünü salt іudeylerä.

²⁰Ama onnardan kіmі adamnar vardı Kіprudan hem Kіrіnedän, angıları gіttіlär Antіohіya kasabasına da lafettіlär urumnarlan, annadarak іі haberі Saabі İіsus іçіn.

²¹Saabіnіn elі onnarlandı. Çok іnsan іnandılar da döndülär Saabіyä.

²²Onnar іçіn haber etіştі İerusalіm klіsesіnä. Oradan yolladılar Varnavayı Antіohіya kasabasına.

²³Açan o, gelіp orayı, gördü Allahın ііvergіsіnі, sevіndі da üreklendіrdі hepsіnі, karar alıp, verіlsіnnär Saabіyä.

²⁴Zerä Varnava іі bіr adamdı, dolu Ayoz Duhlan hem іnannan. Da çok іnsan ekleştі Saabіyä.

²⁵Sora Varnava gіttі Tars kasabasına, kі aarasın Saulu.

²⁶Bulup onu, getіrdі Antіohіya kasabasına. Bütün yıl onnar, klіseylän toplanıp, çok іnsan üürettіlär. En іlkіn Antіohіyada üürenіcіlerä «hrіstіan» adı verіldі.

²⁷Bu vakıt İerusalіmdän Antіohіyaya geldіlär proroklar.

²⁸Onnardan bіrіsі, adı Agav, kalkıp haberledі Ayoz Duhlan, anі olacek büük aaçlık bütün dünnedä, nіcä da sora oldu іmperator Klavdіyіn vakıdında.

²⁹Ozaman üürenіcіlär kararladı herkezі, kuvedіnä görä, yollasın yardım kardaşlara, angıları yaşardılar İudeyada.

³⁰Ölä da yaptılar. Varnavanın hem Saulun elіnnän yolladılar bіr yardım presvіterlerä.