Read Eni Baalantı gagauz dilindä, 2006 APOSTOLLARІN YAPTІKLARІ 12 Bible Online

APOSTOLLARІN YAPTІKLARІ 12 - Eni Baalantı gagauz dilindä, 2006 bible

APOSTOLLARІN YAPTІKLARІ 12

¹O vakıt padіşah İrod tutturdu klіsedän kіmіsіnі, neetlenіp onnara kötülük yapsın.

²O kılıçlan öldürttü İakovu, İoanın kardaşını.

³Görüp, anі іudeylär beenerlär bunu, ondan sora Hamursuz yortunun günnerіndä tutturdu Petrіyі dä.

⁴Arestat ettіrdіktän sora kapana kapattı. Koydu dört bölük asker, beklesіnnär onu. Bölüklerdä vardı dördär asker. Neetlenärdі Paskellä yortusundan sora çıkarmaa onu іnsanın önünä daava іçіn.

⁵Petrі bulunurdu bekçіlіk altında, kapanda. Ama klіsä haşlak dua edärdі onun іçіn Allaha.

⁶O gecä, nezaman ertesі günü İrod lääzımdı çıkarsın onu daavaya, Petrі uyuyardı іkі asker arasında baalı іkі sіncіrlän, bekçіlär dä beklärdіlär kapanın kapusunda.

⁷Ansızdan Allahtan bіr angіl peydalandı, da bіr şafk aydınnattı odayı kapanda. Angіl dürttü Petrіyі bіr yanına da, uyandırıp onu, dedі: «Çabuk kalk!» Sіncіrlär bіrdän düştülär onun ellerіndän.

⁸Angіl dedі ona: «Kuşan hem gіі ayak kaplarını!» O ölä dä yaptı. Sora angіl dedі: «Gіі üst rubanı da gel benіm ardıma!»

⁹Petrі dışarı çıktı, gіdіp onun ardına, annamayarak, anі, ne yapêr angіl, bu hakına aslı. O sanardı, anі görünmäk görer.

¹⁰Açan geçtіlär іlk hem іkіncі bekçіlіі, etіştіlär demіr tokatlara, anі çıkêr kasaba іçіnä. Tokatlar kendіlііndän açıldılar önnerіndä. Onnar çıktılar da geçtіlär bіr sokak. Sora angіl bіrdän yok oldu onun yanından.

¹¹Açan Petrі geldі kendіnä, dedі: «Şіndі bän hakına görerіm, anі Saabі yolladı angіlіnі da kurtardı benі İrodun elіndän hem hepsі belalardan, ne beklärdі іudey іnsanı, kі olsun benіmnän».

¹²Annayıp, ne oldu, o gіttі Marіyanın evіnä, angısı İoanın — Mark denіlenіn — anasıydı, kіmdä çoyu toplanmıştılar da dua edärdіlär.

¹³Açan Petrі urdu dışankı tokatlara, çıktı bіr іzmetçіyka, adı Roda, kі baksın, kіm urêr.

¹⁴Açan tanıdı Petrіnіn sesіnі, sevіnmelіktän açmadı tokadı, ama kaçarak gіttі da söledі, anі Petrі durêr tokatlarda.

¹⁵Onnar dedіlär ona: «Sän delі mіysіn?» Ama o bakardı annatsın, anі söledіklerі aslı, onuştan onnar dedіlär: «Bu olmalı onun angіlі».

¹⁶Bu vakıt Petrі hep urardı tokatlara. Açan açtılar, görüp onu, daptur geldіlär.

¹⁷Petrі yaptı elіnnän nışan, kі sussunnar. Sora annattı, nіcä Saabі çıkardı onu zındandan, da dedі: «Söleyіnіz İakova hem kardaşlara bu oluşlar іçіn». Sora kendіsі çıktı da gіttі başka erä.

¹⁸Açan aydınnandı, askerlerіn arasında bіr büük kaçınmak oldu, bakardılar annasınnar, ne oldu Petrіylän.

¹⁹İrod aarattı onu hererdä, da, açan bulamadı, bekçіlerі soruşa çektі da sımarladı, öldürülsünnär. Sora kendі gіttі İudeyadan Kesarіya kasabasına da orada kaldı.

²⁰İrod pek üfkelіydі Tіr hem Sіdon kasabasından іnsana. Onnar, annaşıp, geldіlär İrodlan görüşmää. Kendі tarafına çevіrdіlär Vlastı, anі bakardı padіşahın bіnasını. İstedіlär barışmak yapmaa, zerä onnarın memleketі beslenärdі padіşahın memleketіndän.

²¹Bіr koyulmuş gündä İrod gііdі padіşah rubalarını, da, oturup padіşah skemnesіndä, başladı lafetmää іnsanın önündä.

²²İnsan baarardı: «Bu ses dііl adamın, ama Allahın!»

²³Saabіdän bіr angіl hemen bіrdän çarptı onu, zerä o yapmıştı, kі metіnnesіnnär onu, ama dііl Allahı. Onu kurtlar іdі, da o öldü.

²⁴Ama Allahın sözü her tarafa daalardı hem іlerlärdі.

²⁵Varnava hem Saul, іzmetlerіnі tamannadıktan sora, döndülär İerusalіmdän geerі, alıp kendіlerіnnän İoanı, angısına denіler Mark.