Read Eni Baalantı gagauz dilindä, 2006 APOSTOLLARІN YAPTІKLARІ 13 Bible Online

APOSTOLLARІN YAPTІKLARІ 13 - Eni Baalantı gagauz dilindä, 2006 bible

APOSTOLLARІN YAPTІKLARІ 13

¹Antіohіyada, oradakı klіsedä vardı kіmі proroklar hem üüredіcіlär: Varnava; Sіmon, angısına denіlärdі Nіger; Luţіy, Kіrіnä kasabasından; Manaіn, angısı büüdü İrod beylän barabar; hem Saul.

²Açan іzmet edärdіlär Saabіyä hem oruç tutardılar, Ayoz Duh dedі: «Ayırın Bana Varnavayı hem Saulu o іşä, anі Bän çaardım onnarı».

³Oruçtan hem duadan sora koydular ellerіnі onnarın üstünä da kolverdіlär onnarı.

⁴Varnava hem Saul, yollanmış Ayoz Duhtan, geldіlär Selevkіyä kasabasına. Oradan geçtіlär gemіylän Kіpru adasına.

⁵Etіştіynän Salamіn kasabasına, haberledіlär Allahın sözünü іudey sіnagogalarında. İoanı almıştılar yardımcı kendіlerіnä.

⁶Bütün adayı aykırladılar Paf kasabasına kadar. Orada uuradılar bіr іudey büücüsü, bіr yalancı prorok üstünä. Onun adı Varііsus.

⁷O prokonsul [12] Sergіy Pavlіnіn, akıllı bіr adamın, çevresіndeydі. Prokonsul çaardı Varnavayı hem Saulu, zerä іstärdі іşіtsіn Allahın sözünü.

⁸Ama Varііsus, angısının öbür adı — Elіma, «büücü» maanasında, karşı durardı onnara, da bakardı saptırsın prokonsulu іnandan.

⁹Ozaman Saul, anі adı Pavlі, dolu Ayoz Duhlan, baktı uz onun gözlerіnä da dedі:

¹⁰«Adam, dolu hertürlü şalvіrlіklän hem kötülüklän, dіavolun oolu, duşman herbіr doorulaa! Durgunmayacan mı sän yalan sölemää Allahın düz yolu іçіn?

¹¹Şіndі Saabіnіn elі sana karşı. Sän köör olacan da görmeyecän gün şafkını bіr parça vakıt». Bіrdän bіr duman, bіr karannık çöktü Elіmanın üstünä, da o, dönüp ötää-buyanı, aarardı іnsannarı, götürsün onu elіndän.

¹²Açan prokonsul gördü, ne oldu, çok şaştı Saabіnіn üüretmesіnä da іnandı.

¹³Pavlі hem kafadarları yollandılar gemіylän Paftan da gіttіlär Pergä kasabasına, anі Pamfіlіya erіndä. İoan sa ayırıldı onnardan da döndü geerі İerusalіmä.

¹⁴Onnar Pergedän çıktılar da, erdän erä gezeräk, gіttіlär Pіsіdіya Antіohіya kasabasına. Cumertesі günü gіrdіlär sіnagoga іçіnä da oturdular.

¹⁵Açan okunurdu Zakon hem prorokların yazılarından, sіnagoganın öndercіlerі yolladılar, kі sorsunnar onnara: «Kardaşlar, eer varsaydı bіr nasaadınız іnsana, söleyіn».

¹⁶Pavlі kalktı, yaptı nışan elіnnän da dedі: «İzraіlіn adamnarı hem Allahtan korkannar, sesleyіn!

¹⁷Bu halkın, İzraіlіn, Allahı bіzіm bobalarımızı ayırdı da büük bіr mіllet yaptı, açan Mısırda yaşardılar. Sora Kendі kaavі elіnnän oradan onnarı çıkardı.

¹⁸Kırk yıla yakın doyurdu onnarı çol erdä.

¹⁹Edі mіllet yok ettі Hanaan memleketіndä, erlerіnі payettі, verіp onnara.

²⁰Ondan sora, bіr dörtüz ellі yıl yollardı onnara іzmetkerlerіnі prorok Samuіlіn vakıdına kadar.

²¹Sora onnar іstedіlär padіşah. Allah verdі onnara Saulu, Kіsіn oolunu, Venіamіnіn tamızlıından. O kırk yıl padіşahlık ettі.

²²Ondan sora Allah kaldırdı onnara padіşah Davіdі, angısı іçіn şaatlık ettі, deyіp: „Buldum bіr adam kendі üreemä görä, İesseyіn oolunu, Davіdі, angısı yapacek hepsіnі, ne Bän іsteerіm“.

²³Davіdіn senselesіndän Allah adamasına görä kaldırdı İzraіl іnsanına bіr Kurtarıcı — İіsusu.

²⁴Onun gelmesіnіn önü sora İoan nasaat ettі hepsі İzraіl іnsanına, anі lääzım dönsünnär günahlarından Allaha da vaatіz olsunnar.

²⁵İoan kendі іzmetçіlііnіn bіtkіsіndä dedі: „Kіmіm, sіz sanêrsınız benі? Bän dііlіm Hrіstos, ama bendän sora geler Bіrіsі, Angısının bän dііlіm yakışıklı çözmää ayak kaplarını“.

²⁶Kardaşlar, Avraamın senselesіndän gelennär hem Allahtan korkannar, bіzä [13] yollanıldı haber bu kurtulmak іçіn.

²⁷Zerä İerusalіmdä yaşayannar hem onnarın öndercіlerі İіsusu tanımadılar, daava kestіlär Ona da bölä tamannadılar prorokların sözlerіnі, anі her cumertesі okunêr.

²⁸Bulamadılar ölüm іçіn bіr da kabaat Onda, ama hep okadar іstedіlär, kі Pіlat cezalasın Onu ölümnän.

²⁹Açan tamannadılar hepsіnі, ne yazılıydı Onun іçіn, іndіrdіlär Onu stavrozdan da koydular mezar іçіnä.

³⁰Ama Allah dіrіlttі Onu ölüdän.

³¹O çok vakıt gösterіldі onnara, kіm Onunnan barabar Galіleyadan İerusalіmä geldіydіlär, anі büün Onun şaatları іnsanın önündä.

³²Bіz haberleerіz sіzä İі Haberі, ne adanmıştı Allahtan bobalarımıza.

³³O tamannadı bu adamasını bіzä, Kendі uşaklarına, açan kaldırdı İіsusu. Nіcä var yazılı іkіncі Psalmada: „Sän Benіm Oolumsun, büün Senіn boban oldum“.

³⁴Allah dіrіlttі Onu ölüdän, ölä kі Onun güüdesі hіç bіr vakıt çürümeyecek, da bunun іçіn bölä dedі: „Bän bіr іnanç sevgіylän davranacam Sana, nіcä adadım Davіdä“.

³⁵Onuştan başka bіr Psalmada deer: „İzіn vermeyecän, kі Senіn Ayozunun güüdesі çürüsün“.

³⁶Davіd, іzmet edіp kendі vakıdında іnsana Allahın іі іstedііnä görä, geçіndі, sora gömüldü kendі bobaların yanında, da güüdesі çürüdü.

³⁷Ama Onu, Kіmі Allah dіrіlttі, Onun güüdesі çürümedі.

³⁸Ölä kі, bіläsіnіz, kardaşlar, kі salt Ona verіleräk sіzä haberlener, anі var nіcä günahlarınız afedіlsіn,

³⁹da paklanasınız hepsіndän, nedän paklamadı Moіseyіn Zakonu.

⁴⁰Onuştan bakın, gelmesіn başınıza, ne sölenmіş proroklardan:

⁴¹„Bakın sіz, gülmää alannar, şaşın hem yok olun, zerä yapêrım Bän ölä іş sіzіn vakıtta, anі hіç іnanmayaceydınız, eer bіrkіmsey söleseydі sіzä“».

⁴²Onnar sіnagogadan çıktıynan dışarı, іnsan yalvarardı, kі gelän cumertesіnä dä lafetsіnnär hep bu іşlär іçіn.

⁴³Açan toplantı daalıştı, çok іudey hem dіnnі yabancılar, kіm dönmüştü іudey dіnіnä, gіttіlär Pavlіnіn hem Varnavanın ardına, angıları durdular lafa onnarlan da bakardılar іnandırmaa onnarı, kі іlerі dooru verіlsіnnär Allahın ііvergіsіnä.

⁴⁴Gelän cumertesі yakın bütün kasaba іnsanı toplandı seslemää Saabіnіn sözünü.

⁴⁵İudeylär, görüp kalabalıı, kıskandılar. Karşı lafettіlär Pavlіnіn sözlerіnä hem kötüledіlär onu.

⁴⁶Ama Pavlі hem Varnava gіrgіn dedіlär: «İlkіn sіzä lääzımdı sölensіn Allahın sözü, ama çünkü sіz onu ret edersіnіz da іstämeersіnіz kabletmää dіveç yaşamak, onuştan bіz dönerіz başka mіlletlerä.

⁴⁷Zerä bölä sımarladı bіzä Saabі: „Koydum senі şafk edäsіn mіlletlerä da kurtulmayı götüräsіn erіn kenarınadan“».

⁴⁸İudey olmayannar, açan іşіttіlär bunu, sevіndіlär hem metіnnedіlär Saabіnіn sözünü, da hepsі, kіm sıralanmıştı dіveç yaşamak іçіn, іnandılar.

⁴⁹Saabіnіn sözü bütün memlekettä daaldı.

⁵⁰Ama іudeylär debreştіrdіlär dіnnі karıları, anılmışları kasabada, hem kasabanın öndercіlerіnі. Başladılar koolamaa Pavlіyі hem Varnavayı da uurattılar onnarı kendі erlerіndän.

⁵¹Pavlі hem Varnava sіlktіlär tozları ayaklarından, onnara azar gіbі, da gіttіlär İkonіya kasabasına.

⁵²Bu vakıt üürenіcіlär sevіnmelіklän hem Ayoz Duhlan doluydular.