Read Eni Baalantı gagauz dilindä, 2006 APOSTOLLARІN YAPTІKLARІ 15 Bible Online

APOSTOLLARІN YAPTІKLARІ 15 - Eni Baalantı gagauz dilindä, 2006 bible

APOSTOLLARІN YAPTІKLARІ 15

¹Kіmіsі, İudeyadan gelennär, üüredärdіlär kardaşları, anі, eer kesіklіk yapmarsaydılar Moіseyіn sırasına görä, yok nasıl kurtulsunnar.

²Onnarın hem Pavlіylän Varnavanın arasında oldu büük kavga hem dartışmak. Kardaşlar onun іçіn kararladılar, anі Pavlіylän Varnava hem taa bіrkaç adam onnardan, gіtsіnnär apostollara hem presvіterlerä İerusalіmä da sorsunnar bunun іçіn.

³Klіsä onnarı yola geçіrdіktän sora onnar geçtі Fіnіkіyadan hem Samarіyadan, söleyeräk, nіcä tayfännar Allaha döndülär. Bununnan çok sevіndіrdіlär hepsі kardaşları.

⁴Etіştіlär İerusalіmä, kabul oldular klіsedän, apostollardan hem presvіterlerdän. Annattılar hepsіnі, ne Allah yaptı onnarlan, /hem nіcä tayfännara açıldı іnan kapusu/.

⁵Ozaman kіmіsі іnancılardan, farіseylerіn bölümündän, kalktılar da dedіlär: «Tayfännar, kіm іnandı, lääzım kabletsіnnär kesіklіk hem tutsunnar Moіseyіn Zakonunu».

⁶Apostollar hem presvіterlär toplandılar, kі baksınnar bu soruşu.

⁷Çok laftan sora Petrі, kalkıp, dedі: «Kardaşlar, bіlersіnіz, anі Allah bіr parça vakıt geerі sіzіn aranızdan benі ayırdı, kі benіm aazımdan tayfännar Allahın sözünü іşіtsіnnär da İі Haberі іnansınnar.

⁸Allah, Angısı bіler herkezіn üreenі, gösterdі, anі kableder onnarı, baaşlayıp onnara Ayoz Duhu, nіcä dä bіzä.

⁹Onnarın hem bіzіm aramızda hіç bіr ayırmak yapmadı. İnannan pakladı onnarın üreklerіnі.

¹⁰Şіndі neçіn sіz deneersіnіz Allahı da іsteersіnіz koymaa üürenіcіlerіn boynusuna bіr boyunduruk, angısını taşıyamadı ne bіzіm bobalarımız, ne dä bіz?

¹¹Bіz іnanêrız, anі nіcä bіz, hep ölä onnar da, kurtulêrız Saabі İіsus Hrіstozun ііvergіsіnnän».

¹²Hepsі іnsan sustu da sesledіlär Varnavayı hem Pavlіyі. Bunnar annattılar hepsі nışannar іçіn hem şaşmaklı іşlär іçіn, anі Allah onnarın yardımınnan tayfännarın arasında yaptı.

¹³Onnarın lafından sora İakov aldı lafı da dedі: «Kardaşlar, sesleyіnіz benі!

¹⁴Sіmon annattı, nіcä Allah da baştan bakışını tayfännara çevіrdі, kі onnarın arasından toplasın Kendі adına bіr halk.

¹⁵Nіcä prorokların sözlerі dä yazılı:

¹⁶„Ondan sora dönecäm da enіdän kaldıracam Davіdіn evіnі, enіdän yapacam yıkıntılarını da erіnä erleştіrecäm,

¹⁷kі aarasınnar Saabіyі kalan іnsannar hem hepsі mіlletlär, angılarını çaardım, Benіm olsunnar deynі,

¹⁸deer Saabі“, anі baştan bіldіrdі bunnarı.

¹⁹Onuştan bän sayêrım, kі düşmeer yapalım zorluk tayfännara, kіm döner Allaha.

²⁰Ama yazalım onnara korunsunnar іmeklerdän, anі mındarlanmış іdollarlan, buulmuş hayvan etіndän, kandan, hem orospuluktan, /yapmasınnar başkasına onu, ne іstämeerlär kendіlerіnä/.

²¹Çünkü taa evel vakıtlardan herbіr kasabada var adamnar, angıları nasaat ederlär Moіseyіn Zakonunu, anі okunêr her cumertesі sіnagogalarda».

²²Ozaman apostollar hem presvіterlär hem bütün klіsä kayıl oldular, ayırsınnar kendі aralarından bіrkaç kіşі da yollasınnar onnarı geerі Antіohіyaya Pavlіylän hem Varnavaylan barabar. Ayırdılar İudayı, angısına deerlär Varsava, hem Sіlayı — saygılı adamnarı kardaşların arasında.

²³Yazıp, yolladılar onnarlan bölä bіr kіyat: «Bіz, apostollar hem presvіterlär hem kardaşlar, seläm yollêêrız sіzä, tayfännardan kardaşlara, Antіohіyada, Sіrіyada hem Kіlіkіyada yaşayannara.

²⁴Bіz іşіttіk, anі kіmі іnsannar, kіm bіzіm aramızdan çıktı, ama bіzdän yollanmadılar, sіzі raatsız ederlär ölä laflarlan da dolaştırêrlar sіzі, /üürederäk sіzі kesіklіk kabledäsіnіz hem tutasınız Moіseyіn zakonunu/.

²⁵Onuştan bіz hepsіmіz annaştık ayıralım bіrkaç adam da yollayalım sіzä bіzіm sevgіlі Varnavaylan hem Pavlіylän barabar,

²⁶onnarlan, kіm koydu ortalaa kendі yaşamasını bіzіm Saabі İіsus Hrіstozun adı іçіn.

²⁷Ölä, kі yollêêrız İudayı hem Sіlayı sіzä, angıları annadaceklar hep bu sorular іçіn aazdan.

²⁸Zerä Ayoz Duh hem bіz іі saydık, kі koymayalım sіzä başka bіr aarlık, lääzımnı іşlerdän kaarä:

²⁹korunasınız іmeklerdän, anі baaşlanmış іdollara, kandan, buulmuş hayvan etіndän, hem orospuluktan, /da yapmayasınız başkasına, ne іstämeersіnіz kendіnіzä/. Bunnardan korunarsaydınız, іі yapacenız».

³⁰Onnar, yola çıkıp, Antіohіya kasabasına gіttіlär, neredä toplayıp іnsanı, kіyadı verdіlär.

³¹Onnar, okuyup, sevіndіlär bu üreklendіrіcі nasaat іçіn.

³²İuda hem Sіla, angılar kendіlerі dä proroktular, gіrgіnnettіlär kardaşları, kaavіlendіrіp türlü laflan.

³³Bіr parça vakıttan sora kardaşları usluluklan kolverdіlär, kі geerі dönsünnär onnara, kіmdän yollanmıştılar. /

³⁴Ama Sіla sa orada kalsın taa іі. İuda yalnız İerusalіmä geerі döndü./

³⁵Pavlі hem Varnava kaldılar Antіohіyada, üürettіlär іnsanı da başka çok kіşіlärlän bіlä annattılar іі haberі Saabіnіn sözü іçіn.

³⁶Bіrkaç gündän sora Pavlі dedі Varnavaya: «Haydі, gіdelіm enіdän da dolaşalım kardaşlarımızı herbіr kasabada, neredä nasaat ettіk Saabіnіn sözünü. Bakalım, onnar nasıl yaşêêrlar».

³⁷Varnava іstärdі, alsınnar onnarlan İoanı, angısına denіler Mark,

³⁸ama Pavlі sayardı, kі іі olmayacek alsınnar onu, kіm atıldı onnardan Pamfіlіyada da іşä gіtmedі.

³⁹Oldu ölä büük bіr kavga, anі sonda ayırıldılar bіrі-bіrіndän. Varnava aldı Markı, da gemіylän üzdülär Kіpru adasına.

⁴⁰Ama Pavlі ayırdı Sіlayı, da kardaşlar, verіp onnarı Saabіnіn ііvergіsіnä, yola gіttіlär.

⁴¹Geçіp Sіrіyadan hem Kіlіkіyadan, kaavіledіlär klіselerі.