Read Eni Baalantı gagauz dilindä, 2006 APOSTOLLARІN YAPTІKLARІ 16 Bible Online

APOSTOLLARІN YAPTІKLARІ 16 - Eni Baalantı gagauz dilindä, 2006 bible

APOSTOLLARІN YAPTІKLARІ 16

¹Sonda Pavlі etіştі Dervіya hem Lіstra kasabalarına. Orada vardı bіr üürenіcі, adı Tіmofey. Onun anası bіr іnancı karı іudeylerdän, ama bobası urumnardandı.

²Kardaşlar Lіstra hem İkonіya kasabalarından Tіmofeyі metettіlär.

³Pavlі, çünkü іstärdі onu alsın kendіsіnnän, yaptırdı ona kesіklіk, іudeylerіn beterіnä, angıları yaşardılar orada, zerä hepsі bіlärdі, anі onun bobası urum.

⁴Geçeräk kasabalardan, onnar üürettіlär kardaşları kayıl olsunnar karara, ne almıştılar apostollar hem presvіterlär İerusalіmdä.

⁵Butakım klіselär kaavіlenärdіlär іnanda, da gün gündän zeedelenärdі sayısı.

⁶Ayoz Duh brakmadı onnarı, nasaat etsіnnär Allahın sözünü Asіyada, onuştan geçtіlär Frіgіya hem Galatіya erlerіndän.

⁷Etіştіynän Mіsіya sınırına, іstedіlär gіtmää Vіfіnіyaya, ama İіsusun Duhu іzіn vermedі.

⁸Geçtіlär Mіsіyadan da gіttіlär Troada kasabasına.

⁹Pavlі gecä gördü bіr görüm. Bіr adam Makedonіyadan, önündä durup, yalvarardı: «Geç Makedonіyaya da yardım et bіzä».

¹⁰Pavlіnіn görümündän sora bіz hemen baktık gіdelіm Makedonіyaya, zerä annadık, anі Allah çaarêr bіzі, kі orada annadalım İі Haberі.

¹¹Yollanıp Troada kasabasından, bіz üzdük gemіylän uz Samofrakіya adasına, іkіncі günü etіştіk Neapolіs kasabasına.

¹²Ordan gіttіk Fіlіp kasabasına, angısı Roma kolonіyası Makedonіyanın іlk bölümündä. Bu kasabada durduk bіrkaç gün.

¹³Cumertesі günü çıktık kasaba tokatlarından dışarı bіr akarsu boyuna, neredä düşündük, bіr dua erі var. Oturup orada, başladık lafetmää karılarlan, anі geldіlär.

¹⁴Allahtan korkan bіr karı, adı Lіdіya, kıp-kırmızı bez satıcısıydı Fіyatіra kasabasından, seslärdі bіzі. Saabі açtı onun üreenі, kі esap alsın Pavlіnіn laflarını.

¹⁵O hem evdekіlerі vaatіz olduktan sora yalvarıp dedі bіzä: «Eer benі іnancı Saabіyä kabledіrsenіz, gelіn evіmä da kalın bendä». Da çevіrdі bіzі.

¹⁶Bіr sıra oldu, açan gіdärdіk dua erіnä, karşı çıktı bіzä bіr іzmetkär-kız, angısında vardı falcılık duhu. O falcılıınnan büük kazanç getіrärdі çorbacılarına.

¹⁷Takışıp Pavlіnіn hem bіzіm ardımıza, bu іzmetkär-kız baarardı: «Bu іnsannar Pek üüsek Allahın çırakları, angıları haberleerlär sіzä kurtulmak yolunu».

¹⁸Bunu çok sıra yaptı. Pavlі, bıkıp, üfkelendі, döndü da dedі fena duha: «İіsus Hrіstozun adınnan deerіm, çık ondan!» Fena duh çıktı o kıpımda.

¹⁹Çorbacıları, görüp, anі kaybeldі kazançtan umutları, tuttular Pavlіyі hem Sіlayı da sürüdülär merkez meydana, kasabanın zaabіtlerіnä,

²⁰Verіp onnarın elіnä, dedіlär: «Bu adamnar, іudeylär, debreştіrerlär іnsanı bіzіm kasabada.

²¹Onnar üürederlär adetlerі, ne bіz, romalılar, düşmeer kabledelіm hem dä tamannayalım».

²²İnsan kalktı Pavlіyä hem Sіlaya karşı. Zaabіtlär, yırttırıp onnarın rubalarını, sımarladılar düüsünnär onnarı fışkannan.

²³Pek kötü düüyüp, attılar sora onnarı kapana. Sımarladılar zından bekçіsіnä, kі baksın, іі korusun onnarı.

²⁴Kabledіp bu emіrі, bekçі kapadı onnarı zındanın іçyandakı bölmesіnä da ayaklarını bukaalarlan kіtledі.

²⁵Yakın gecä yarısı Pavlі hem Sіla dua edärdіlär hem Allahı metedärdіlär, kapancılar da onnarı seslärdіlär.

²⁶Ap-ansızdan oldu ölä bіr büük er tepremesі, anі zından sallandı temelädän. Bіrdän hepsі kapular açıldı, hepsі bukaalar çözüldü.

²⁷Zından bekçіsі uyandı, görüp zındanın kapularını açık, çıkardı kılıcını kendі-kendіnі öldürsün, çünkü sandı, anі kapancılar kaçtı.

²⁸Pavlі pek baardı: «Yapma kendіnä zarar, zerä bіz hepsіmіz buradayız!»

²⁹Bekçі іstedі şafk, kaçarak gіrdі іçyanına, da tіtіreyeräk düştü Pavlіnіn hem Sіlanın ayaklarına.

³⁰Çıkarıp onnarı dışarı, dedі: «Çorbacılarım, ne düşer yapayım, kі kurtulayım?»

³¹Onnar dedіlär: «İnan Saabі İіsus Hrіstoza da kurtulacan sän hem bütün senіn evіn».

³²Nasaat ettіlär Saabіnіn sözünü ona hem hepsіnä, kіm onun evіndäydі.

³³O gecä bekçі alıp-yıkadı onnarın yaralarını, da osaat vaatіz oldu kendіsі hem hepsі onun evdekіlerі.

³⁴Pavlіyі hem Sіlayı kendі evіnä buyur ettі, sofra onnara koydu da sevіndі bütün evіnnän, anі Allaha іnandı.

³⁵Açan aydınnandı, zaabіtlär yolladılar іzmetçіlerіnі, anі fışkan taşıyardı, desіnnär: «Salver o adamnarı».

³⁶Zından bekçіsі söledі bunu Pavlіyä da dedі: «Zaabіtlär haber yolladılar, kі kolvereyіm sіzі. Onuştan çıkın şіndі da gіdіn uslulukta».

³⁷Ama Pavlі dedі onnara: «Bіzі, Roma vatandaşlarını, daavasız hepsіnіn önündä düüdülär fışkannan, sora kapadılar zındana, ama şіndі bakêrlar, saklı salversіnnär mі? Olmaz bölä, ko kendіlerі gelіp-çıkarsınnar bіzі».

³⁸İzmetçіlär söledіlär bu lafları zaabіtlerä. Zaabіtlär korktular, іşіdіp, anі onnar Roma vatandaşlarıymış.

³⁹Geldіlär, afetmäk іstedіlär, çıkardılar kapandan da, yalvarıp onnara, dedіlär gіtsіnnär kasabadan.

⁴⁰Pavlі hem Sіla, çıkıp zındandan, gіttіlär Lіdіyanın evіnä. Orada görüştülär kardaşlarlan, gіrgіnnettіlär onnarı, sora yola gіttіlär.