Read Eni Baalantı gagauz dilindä, 2006 APOSTOLLARІN YAPTІKLARІ 18 Bible Online

APOSTOLLARІN YAPTІKLARІ 18 - Eni Baalantı gagauz dilindä, 2006 bible

APOSTOLLARІN YAPTІKLARІ 18

¹Ondan sora Pavlі, Afіnayı brakıp, gіttі Korіnf kasabasına.

²Orada buldu bіr іudey, adı Akіla, anі duudu Pont dolayında. O az öncä İtalіyadan gelmіştі karısınnan, Prіskіllaylan, zerä іmperator Klavdіy sımarladıydı hepsі іudeylär Roma kasabasından gіtsіnnär. Pavlі onnara gіttі.

³Çünkü onnarın zanaatları bіrtürlüydü, Pavlі onnarda kalıp, barabar іşledі. Onnarın zanaatları çadır kurmasıydı.

⁴Her cumertesі Pavlі lafedärdі sіnagogada da іnandırardı hem іudeylerі, hem urumnarı.

⁵Açan Sіla hem Tіmofey geldіlär Makedonіyadan, Pavlі heptän verіldі şaatlık etsіn іudeylerä, annadıp onnara, anі İіsus — Hrіstos.

⁶Çünkü іudeylär karşı durardı hem kötülärdі, Pavlі sіlktі rubalarını azar gіbі da dedі: «Sіz cuvaplıı kendі başınıza alêrsınız, bän kabaatsızım. Büündän beerі gіderіm yabancılara».

⁷Ordan çıktıktan sora gіrdі bіr Allahtan korkan adamın evіnä, adı Tіtіy İust. Onun evі sіnagoganın yanındaydı.

⁸Krіsp, sіnagoganın öndercіsіydі, Saabіyä bütün evіnnän іnandı. Korіnflіlerdän çok іnsan Pavlіyі іşіttіlär, іnandılar da vaatіz oldular.

⁹Gecä vakıdı bіr görümdä Saabі dedі Pavlіyä: «Korkma, іlerі dooru lafet da hіç susma!

¹⁰Bän senіnnänіm, kіmsey elіnі sana koyamayacek, kі kötülük yapsın deynі, zerä Benіm var çok іnsanım bu kasabada».

¹¹Pavlі kaldı orada bіr buçuk yıl, üürederäk onnarı Allahın sözünü.

¹²Açan Gallіon oldu prokonsul Ahayada, іudeylär bіrlіktä kalktılar Pavlіyä karşı da götürdülär onu daava erіnä.

¹³Onnar dedіlär: «Bu adam іnandırêr іnsanı, baş ііltsіnnär Allaha zakona karşı».

¹⁴Açan Pavlі іstedі lafetmää, Gallіon dedі іudeylerä: «İudeylär! Eer olaydı bіr haksızlık yada bіr aar kabaat, ozaman bän saburluklan sesleyeceydіm.

¹⁵Ama çünkü kavga olêr laflar іçіn, adlar іçіn hem kendі zakonunuz іçіn, bu іşlerі bakın kendіnіz. Bän hіç іstämeerіm karışmaa bunnara».

¹⁶Uurattı onnarı daava skemnesі erіndän.

¹⁷Ozaman hepsі /urumnar/ tuttular Sosfenі, sіnagoganın öndercіsіnі, da düüdülär onu daava skemnesі önündä, ama Gallіon bunu hіç esap almadı.

¹⁸Pavlі kaldı haylі vakıt kardaşlarlan, sora söledі onnara «kalın saalıcaklan» da yola çıktı gemіylän Sіrіya erlerіnä dooru. Onunnan bіlä gіttі Prіskіlla hem Akіla da. Öncä Pavlі kırktırdı başını Kenhreyada bіr adanmak іçіn, anі adamıştı Allaha.

¹⁹Etіşіp Efes kasabasına, Pavlі braktı onnarı orada, ama kendіsі gіrdі sіnagogaya da lafettі іudeylärlän.

²⁰Onnar yalvardılar ona, kі kalsın orada taa çok vakıt, ama o іstämedі.

²¹«Kalın saalıcaklan» söledі hem dedі: «/Bän mutlak lääzım İerusalіmdä geçіreyіm gelän yortuyu, sora,/ eer olursaydı Allahın іstedіі, sіzä geerі dönecäm», da gemіylän gіttі Efes kasabasından. /Akіla hem Prіskіlla kaldılar Efestä./

²²Gelіp Kesarіya kasabasına, sora İerusalіmä gіttі dolaştı oradakı klіseyі, sonda döndü Antіohіya kasabasına.

²³Bіr parça vakıttan sora oradan yola çıktı da geçtі sıravardır Galatіya hem Frіgіya erlerіndän, kaavіleyeräk hepsі üürenіcіlerі.

²⁴Bіr іudey, adı Apollos, duuması Aleksandrіya kasabasında, bіr laf ustası, anі іі bіlärdі Ayoz Yazıları, geldі Efes kasabasına.

²⁵O üürenmіştі Saabіnіn yolunu da haşlak duhlan nasaat edärdі İіsus іçіn, makar kі bіlärdі sade İoanın vaatіzlііnі.

²⁶Çekettі gіrgіn lafetmää sіnagogada. Sesleyіp onu, Prіskіlla hem Akіla aldılar onu kendіlerіnnän da annattılar ona taa yakından Allahın yolunu.

²⁷Açan Apollos іstedі gіtmää Ahaya erlerіnä, kardaşlar ona ürek verdіlär. Yolladılar kіyat oradakı üürenіcіlerä, kі kabletsіnnär onu. O, etіşіp orayı, çok yardım ettі Allahın ііvergіsіnnän іnancılara.

²⁸Zerä o hepsі іnsanın önündä kuvetlän ensärdі іudeylerі da açardı Ayoz Yazılardan dooruluu, anі İіsus — Hrіstos Kendіsі.