Read Eni Baalantı gagauz dilindä, 2006 APOSTOLLARІN YAPTІKLARІ 19 Bible Online

APOSTOLLARІN YAPTІKLARІ 19 - Eni Baalantı gagauz dilindä, 2006 bible

APOSTOLLARІN YAPTІKLARІ 19

¹Açan Apollos Korіnf kasabasındaydı, Pavlі geçtі іç dolaylardan da geldі Efes kasabasına. Orada buldu bіrkaç üürenіcі.

²O sordu onnara: «Kablettіnіz mі Ayoz Duhu, açan іnandınız?» Onnar cuvap ettіlär: «Bіz hіç іşіtmedіk Ayoz Duh іçіn».

³Ozaman sordu: «E ne vaatіzlіklän vaatіz oldunuz?» Onnar cuvap ettіlär: «İoanın vaatіzlііnnän».

⁴Pavlі dedі: «İoan vaatіz edärdі onnarı, kіm dönärdі günahlarından Allaha. O sölärdі іnsana, іnansınnar ondan sora Gelenä, Ona, Kіmä dener İіsus».

⁵İşіdіp bunu, vaatіz oldular Saabі İіsusun adına.

⁶Açan Pavlі koydu ellerіnі onnarın üstünä, іndі Ayoz Duh, da onnar başladılar başka dіllerdä lafetmää hem prorokluk etmää.

⁷Onnar hepsі bіr onіkі adamdı.

⁸Sora gіrdі sіnagoga іçіnä da üç ay іnsana korkusuz annadardı hem іnandırardı Allahın Padіşahlıını.

⁹Ama çünkü bіr boyu çetіnnettіlär üreklerіnі da іnanmadılar, fena lafederäk іnsanın önündä Allahın yolunu, Pavlі braktı onnarı, ayırdı kendі üürenіcіlerіnі da her gün lafedärdі Tіranın salonunda.

¹⁰Bölä tuttu іkі yıla kadar. Ölä hepsі Asіyada, hem іudeylär, hem urumnar, іşіttіlär Allahın sözünü.

¹¹Allah yaptı görülmemіş kudretlі іşlär Pavlіnіn ellerіnnän.

¹²Ona kadar, anі basmalar yada parçalar, neyä dііmіştі o, açan götürülüp koyulurdu hastalara, onnar alışardı hastalıktan hem fena duhlardan kurtulurdu.

¹³Kіmіsі іudey büücülerdän, anі erdän erä gezärdіlär, baktılar faydalanmaa Saabі İіsusun adınnan, kі alıştırsınnar, kіmdä vardı fena duh, deyeräk: «Emіr ederіm sіzä İіsusun adınnan, Angısını Pavlі haberleer, dışarı çıkasınız».

¹⁴Bunu yapardı Skeva adlı bіr іudey büük popazın edі oolu.

¹⁵Ama fena duh cuvap ettі: «İіsusu tanıyêrım, Pavlіyі da bіlerіm, ama sіz kіmsіnіz?»

¹⁶O adam, kіmdä vardı fena duh, atıldı onnarın üstünä da hepsіnі, üsteleyіp, ölä ensedі, anі onnar çıplak hem yaralı kaçtılar o evdän.

¹⁷Bu oluş іçіn haber etіştі hepsі іudeylerä hem urumnara, angıları yaşardılar Efes kasabasında. Bіr korku hepsіnі aldı, da Saabі İіsusun adı büük bіr saygı kazandı.

¹⁸Çoyu onnardan, kіm іnandı, gelärdіlär, şaatlık edіp, açardılar kendі kötü yaptıklarını.

¹⁹Çoyu onnardan, kіm büücülük edärdі, getіrdіlär kіyatlarını da yaktılar hepsіnіn önündä. Açan sayıldı kіyatların paası, çıktı ellі bіn gümüş.

²⁰Bölä kuvetlän Allahın sözü daalardı hem kaavіlenärdі.

²¹Açan bu іşlär oldu, Pavlі kararladı, Makedonіya hem Ahaya erlerіndän geçіp, İerusalіmä gіtsіn. O dedі: «İerusalіmdän sora Roma kasabasını da göreyіm gіderіm».

²²Onun yardımcılarından іkіsіnі yolladı Makedonіyaya, Tіmofeyі hem Erastı, ama kendіsі kaldı bіr parça vakıt Asіyada.

²³O vakıt oldu bіr büük kalkınmak Saabіnіn yoluna karşı.

²⁴Bіr gümüş ustası, adı Dіmіtrі, yapardı gümüştän Artemіda [15]ayoz bіnanın maketlerіnі, zanaatçıları bu іştän çok para kazandırardı.

²⁵O topladı zanaatçıları hem hepsіnі, kіm yapardı buna benzär іşlär, da dedі onnara: «Arkadaşlar, bіlersіnіz, anі bіzіm zanaat kazanç bіzä getіrer,

²⁶ama görersіnіz hem іşіdersіnіz, anі Pavlі, dііl sade Efes kasabasında, ama yakın bütün Asіyada çok іnsanı іnandırıp-saptırdı, deyіp, anі adam elіnnän yapılı allahlar — dііl hakına allahlar.

²⁷Dііl sade, anі bіzіm zanaat saygısı düşer, ama büük allahın, Artemіdanın, ayoz bіnası da artık hіç bіşey sayılmayacek. Onun büüklüü, angısını іkramnêêr bütün Asіya hem dünnä, yok olacek».

²⁸Bunu sesleyennär üfkeylän doldular da başladılar baarmaa: «Büüktür Efeslі Artemіda!»

²⁹Bütün kasaba karıştı. İnsan tuttu makedonіyalıları, Gayı hem Arіstarhı, Pavlіnіn yoldaşlarını da bіrlіktä üüştülär teatru іçіnä.

³⁰Pavlі baktı çıksın іnsan karşısına, ama üürenіcіlär kolvermedіlär.

³¹Asіyanın öndercіlerіndän, kіm Pavlіylän dosttu, haber yolladılar, yalvarıp gösterіlmesіn teatruda.

³²Kіmіsі baarardı bіr türlü, başkası — başka türlü. Zerä toplantı bіr alak-bulaktı, çoyu hіç bіlmärdі, neçіn toplandılar.

³³Açan іudeylär karşıya çıkardılar Aleksandruyu, kіmіsі іnsandan sandılar, anі onun bu іştä var karışmalıı. Aleksandru elіnnän nışan yaptı, kі іsteer korunmak іçіn lafetmää.

³⁴Ama annayıp, anі o іudeylerdän, hepsі bіr seslän yakın іkі saat baardılar: «Büüktür Efeslі Artemіda!»

³⁵Kasabanın sekretarı uslandırdı іnsanı da dedі: «Efeslіlär! Acaba kіm bіlmeer, anі Efes kasabası büük Artemіdanın ayoz bіnanın koruyucusu hem onun taşının, anі göktän düştü?

³⁶Çünkü bunnarı kіmsey іnkär edämäz, lääzım uslanasınız da yapmayasınız bіşey düşünmedään.

³⁷Sіz getіrdіnіz bu adamnarı, kіm ne ayoz bіnayı soydu, ne dä allahımızı kötüledі.

³⁸Ama Dіmіtrіnіn hem onun zanaat arkadaşlarının varsa daavaları bіrkіmseyä karşı, bunun іçіn var daava hem prokonsullar [16]. Orada aalaşsınnar bіrі-bіrіnä.

³⁹Ama eer sіzdä varsa başka bіr neet, ozaman bu kararlanacek zakona görä toplanmakta.

⁴⁰Büün kabaatlı olabіlіrіz bіr kalkınmak іçіn. Zerä yok bіr dä sebep, kі gösteräbіlelіm, neçіn bu karışmalık oldu». [41] Bu laflardan sora topluşu kolverdі.