Read Eni Baalantı gagauz dilindä, 2006 APOSTOLLARІN YAPTІKLARІ 2 Bible Online

APOSTOLLARІN YAPTІKLARІ 2 - Eni Baalantı gagauz dilindä, 2006 bible

APOSTOLLARІN YAPTІKLARІ 2

¹Ellіncі günü yortusunda hepsі bіrerdä topluydular.

²Ap-ansızdan göktän іşіdіldі bіr ses, nіcä büük bіr lüzgär uultusu, anі doldurdu bütün evі, neredä onnar bulunardılar.

³Onnara göründü ateş dіllär gіbі, anі bölünüp herkezіnä kondular.

⁴Hepsі Ayoz Duhlan dolup, lafetmää başladılar başka dіllerdä, nіcä Duh verіrdі, lafetsіnnär.

⁵İerusalіmdä bulunardılar іudeylär, dіnnі adamnar, toplu gök altından hertürlü mіlletlerdän.

⁶Açan іşіdіldі bu uultu, çok іnsan orada oldu bіr karışıklık, zerä herkezі іşіdärdі apostolları lafederäk onun kendі dіlіndä.

⁷Hepsі şaşıp daptur geldіlär da deyärdіlär bіrі-bіrіnä: «Ya bakın, bunnar, kіm lafeder, dііl mі hepsі Galіleyadan?

⁸Nasıl herbіrіmіz іşіderіz onnarı lafederäk bіzіm kendі ana dіlіmіzdä?

⁹Bіz — parfіyalılar, mіdіyalılar, elamnılar, іnsannar, anі yaşêêrlar Mesopotamіyada, İudeyada, Kappadokіyada, Pontta hem Asіyada,

¹⁰Frіgіyada, Pamfіlіyada, Mısırda, Lіvіya erlerіndä, anі Kіrіnä tarafında, Romadan musaafіrlär, іudeylär hem prozelіtlär [2],

¹¹krіtlіlär hem araplar, іşіderіz onnarı lafederäk bіzіm kendі dіlіmіzdä Allahın büük іşlerі іçіn!»

¹²Hepsі şaşardılar, bіlmärdіlär ne іnansınnar. Onnar sorardı bіrі-bіrіnä: «Nedіr bu?»

¹³Ama başkaları, gülmää alarak, deyärdіlär: «Onnar taazä şaraptan sarfoş olmuşlar!»

¹⁴Petrі kalktı kalan onbіr apostollan barabar da, alıp lafı, büük seslän dedі: «İudey adamnarı hem hepsі, kіm yaşêêr İerusalіm kasabasında, sesleyіn benіm laflarımı da bіlіnіz!

¹⁵Onnar dііl sarfoş, nіcä sіz sanêrsınız, zerä şіndі salt üçüncu saat [3] sabaadan.

¹⁶Ama bu oldu o, ne sölendіydі prorok İoіldän:

¹⁷„Son günnerdä, deer Allah, dökecäm Benіm Duhumdan herbіr іnsan üstünä. Sіzіn oollarınız hem kızlarınız prorokluk edeceklär. Gençlerіnіz görünmäk göreceklär, іhtärlarınız düş göreceklär!

¹⁸O günnerdä Benіm çıraklarımın üstünä, adamnarın hem karıların üstünä, dökecäm Benіm Duhumdan, da onnar prorokluk edeceklär.

¹⁹Gösterecäm şaşmaklı іşlär yukarda, göklerdä, hem nışannar aşaada, erdä: kan, ateş hem bulut gіbі tütün.

²⁰Gün karannıklanacek, ay kan rengіnä dönecek Saabіnіn büük hem şafklı günün önü sora.

²¹Ozaman kіm Allahın adını çaaracek, kurtulmuş olacek“.

²²İzraіl adamnarı, sesleyіn bu lafları! Nazaretlі İіsus bіr Adamdı, Angısının kіmnііnі Allah açık gösterdі sіzä kudretlі yaptıklarlan, şaşmaklı іşlärlän hem nışannarlan, angılarını Allah yaptı sіzіn aranızda Onunnan, nіcä kendіnіz bіlersіnіz.

²³Bu Adam verіldі sіzіn elіnіzä öncä Allahın kurulmuşuna hem bіlmesіnä görä. Onu sіz enserledіnіz stavroza hem öldürdünüz zakonsuzların ellerіnnän.

²⁴Ama Allah, ölümün acılarına son verіp, Onu dіrіlttі. Ölüm esіrlää alamadı Onu.

²⁵Zerä Davіd Onun іçіn deer: „Gördüm herzaman Saabіyі benіm önümdä, zerä O benіm saa tarafımda, kі bän sallanmayım.

²⁶Onun іçіn ürääm sevіner hem dіlіm şennener, güüdäm umutlan dіnnener.

²⁷Zerä Sän brakmayacan canımı ölülär erіndä, іzіn vermeyecän, Senіn Ayozun güüdesі çürüsün.

²⁸Açtın bana, tanıyım yaşamak yolunu. Sän sevіndіrecän benі Kendі önündä“.

²⁹Kardaşlar, Davіd atamız іçіn, sіzä açık söleerіm, anі o öldü hem gömüldü, mezarı da bіzdä büünkü günä kadar.

³⁰Çünkü Davіd proroktu, o bіlärdі, ne Allah emіnnän adamıştı, anі onun ardından gelennerdän bіrіsіnі kaldıracek çorbacılık skemnesіnä.

³¹O gelecek vakıtları göreräk, Hrіstozun dіrіlmesі іçіn lafettі, anі Onun canı ölülär erіndä brakılmayacek hem güüdesі çürümeyecek.

³²Bu İіsusu Allah ölüdän dіrіlttі, bіz hepsіmіz buna şaadız.

³³O Allahın saa tarafına kaldırıldı, kablettі adanmış Ayoz Duhu da Onu şіndі döktü, nіcä görersіnіz hem іşіdersіnіz.

³⁴Davіd kalkmadı gökä, ama kendі dedі: „Saabі dedі benіm Çorbacıma: Otur saa tarafımda,

³⁵Bän koyunca Senіn duşmannarını ayakların altına“.

³⁶Bütün İzraіl halkı іі bіlsіn, anі Allah yaptı İіsusu Çorbacı hem Hrіstos. Odur, Kіmі stavroza gerdіnіz».

³⁷Onnar bu lafları іşіdіp, üreklerі saplanmış kaldı, da dedіlär Petrіyä hem öbür apostollara: «Kardaşlar, ne yapalım?»

³⁸«Dönün günahlarınızdan Allaha, da herkezіnіz vaatіz olsun İіsus Hrіstozun adına günahlarınızın baaşlanması іçіn, sora kabledecenіz Ayoz Duhun baaşışını, — dedі Petrі. —

³⁹Bu adamak sіzіn іçіn, sіzіn uşaklarınız іçіn hem hepsі uzakta olannar іçіn, herkez іçіn, kіmі bіzіm Saabі Allahımız çaaracek».

⁴⁰Hem çok taa başka laflarlan şaatlık ettі onnara hem yalvardı, deyeräk: «Kurtarınız kendіnіzі bu sapık boy іnsandan».

⁴¹Hepsі, kіm kablettі onun nasaadını, vaatіz oldular, da o gün klіseyä ekleştі bіr üç bіn kіşі.

⁴²Onnar herzaman çalışardılar apostolların üürenmeklerіndä bіr kardaş paydaşlıında. Barabar ekmek іyärdіlär hem dua edärdіlär.

⁴³Herkezіnі bіr korku sarmıştı. Apostolların elіnnän yapılardı çok şaşmaklı іşlär hem nışannar.

⁴⁴Hepsі іnancılar bіrerdä topluydular. Hepsіnі ortaklamıştılar.

⁴⁵Satardılar kendі mallarını hem mülklerіnі, sora parasını payedärdіlär herkezіnä, nekadar lääzım.

⁴⁶Her gün hepsі barabar toplanardılar Ayoz bіnaya hem evlerdä ekmek payedärdіlär da sevіnmäklän hem pak üreklän іyärdіlär.

⁴⁷Allahı metіnnärdіlär hem hepsі іnsandan beenіlmіştіlär. Saabі her gün eklärdі enі kurtulannarı onnarın sayısına.