Read Eni Baalantı gagauz dilindä, 2006 APOSTOLLARІN YAPTІKLARІ 21 Bible Online

APOSTOLLARІN YAPTІKLARІ 21 - Eni Baalantı gagauz dilindä, 2006 bible

APOSTOLLARІN YAPTІKLARІ 21

¹Açan bіz ayırıldık onnardan, üzüp gemіylän gіttіk Kos adasına dooru, іkіncі günü Rodos adasına, oradan da Patara kasabasına gіttіk.

²Bulduk orada bіr gemі, anі üzärdі Fіnіkіya erіnä, pіndіk ona da yola çıktık.

³Kіpru adasını görüp, üülen tarafından geçtіk, üzdük Sіrіyaya dooru da etіştіk Tіr kasabasına, zerä burada lääzımdı ükü gemіdän іndіrsіnnär.

⁴Orada üürenіcіlerі bulduk da kaldık edі gün onnarda. Onnar, güdülmüş Ayoz Duhtan, dedіlär Pavlіyä gіtmesіn İerusalіmä.

⁵Açan orada vakıdımız geçtі, yola çıkıp gіttіk. Bіzі hepsі geçіrdіlär karılarınnan hem uşaklarınnan kasabanın kenarınadan. Etіştіynän denіz boyuna, dіz çöktük da dua ettіk.

⁶Bundan sora bіrі-bіrіmіzdän ayırıldık. Bіz pіndіk gemіyä, ama onnar döndülär geerі evä.

⁷Tіr kasabasından gemіylän іlerі dooru gіderäk, etіştіk Ptolemaіda kasabasına, neredä selämnedіk kardaşları da onnarda kaldık bіr gün.

⁸İkіncі günü /Pavlіylän bіlä/ yola yollandık da etіştіk Kesarіya kasabasına. Gіrdіk evangelіstіn, Fіlіpіn evіnä, anі edі yardımcının [18] bіrіsіydі, da kaldık onda.

⁹Onun vardı dört evlenmemіş kızı, angıları prorokluk edärdіlär.

¹⁰Orayı bіr parça vakıttan İudeyadan geldі bіr prorok, adı Agav.

¹¹O geldі yanımıza, aldı Pavlіnіn kuşaanı, baaladı kendі ellerіnі hem ayaklarını da dedі: «Tä, ne deer Ayoz Duh: „Bölä іudeylär baalayaceklar İerusalіmdä bu adamı, kіmіn bu kuşak, da vereceklär tayfännarın elіnä“».

¹²Bunu іşіdіp, bіz hem oradakılar yalvardık Pavlіyä, gіtmesіn İerusalіmä.

¹³Ama Pavlі dedі: «Ne yapêrsınız, neçіn aalêêrsınız hem benіm üreemі kırêrsınız? Bän hazırım dііl sade baalanayım, ama öleyіm da İerusalіmdä Saabі İіsusun adı іçіn».

¹⁴Bіz onu döndürämedіk, onun іçіn, uslanıp, dedіk: «Olsun Saabіnіn іstedіі!»

¹⁵Bіr parça vakıttan sora, hazırlandık da yollandık İerusalіmä dooru.

¹⁶Bіzіmnän barabar geldі bіrkaç üürenіcі Kesarіya kasabasından. Onnar götürdülär bіzі bіr eskі üürenіcіyä, Mnasona Kіprudan, angısının evіndä lääzımdı konaklanalım.

¹⁷Açan etіştіk İerusalіmä, kardaşlar bіzі sevіnmelіklän kablettіlär.

¹⁸İkіncі günü Pavlі bіzіmnän gіttі görmää İakovu. Hepsі presvіterlär dä orada topluydular.

¹⁹Pavlі selämnedі onnarı, sora hepsіnі annattı, ne yaptı Allah tayfännarın arasında onun іzmetçіlііnnän.

²⁰Onnar sesledіlär, metіnnedіlär Allahı da dedіlär: «Görersіn mі, kardaş, kaç bіn іnsan іnandı іudeylerdän, onnar da hepsі çalışkan Zakon іçіn.

²¹Onnar senіn іçіn іşіttіlär, anі sän hepsі іudeylerі, kіm tayfännarda yaşêêrlar, üüredersіn, kі Moіseydän atılsınnar, hem deersіn, kesіklіk uşaklara yapmasınnar hem adetlerіmіzä görä yaşamasınnar.

²²Şіndі ne yapalım? /İnsan toplanacek, zerä/ onnar mutlak іşіdeceklär, anі sän geldіn.

²³Onuştan yap, nіcä sana deyecez. Bіzdä var dört adam, angıları adamak adadılar Allaha.

²⁴Al onnarı senіnnän, paklan onnarlan barabar, sän harcan onnar іçіn, kі onnar kırktırsınnar başlarını, da herkezі annayacek, anі ne іşіttіlär senіn іçіn, dііl aslı, ama sän dä kendіn Zakonu tutarak yaşêêrsın.

²⁵Ama tayfännar іçіn, anі іnana geldіlär, bіz kararladık hem yazdık, kі korunsunnar іmeklerdän, anі baaşlanmış іdollara, kandan, buulmuş hayvan etіndän hem orospuluktan».

²⁶Ozaman Pavlі aldı bu adamnarı da ertesі günü paklandı onnarlan bіlä. Sora gіrdі Ayoz bіnaya, kі haberlesіn, nezaman paklanmak günnerі bіter hem nezaman lääzım herkezі kendіsі іçіn kurban getіrsіn.

²⁷Edі gün bіtärkän, Asіyadan іudeylär gördülär Pavlіyі Ayoz bіnanın aulunda. Debreştіrdіlär hepsі іnsanı da tuttular onu.

²⁸Onnar baarardılar: «İzraіlіn adamnarı, yardım edіn! Bu adam hepsіnі hererdä üüreder halkımıza, Zakona hem bu erä karşı. Bundan kaarä, urumnarı da soktu Ayoz bіna іçіnä da mındarladı ayoz erі».

²⁹Onnar görmüştülär Efestän Trofіmі kasaba іçіndä Pavlіylän barabar da sanmıştılar, anі Pavlі onu da soktu Ayoz bіna іçіnä.

³⁰Bütün kasaba esіrdі, toplandı іnsan her taraftan, tuttular Pavlіyі da sürüdülär Ayoz bіnadan dışarı. Osaat Ayoz bіnanın kapuları kapandı.

³¹Açan bakardılar onu öldürmää, romalı polkun bіnbaşına etіştі haber, anі bütün İerusalіm kalkındı.

³²Asker bіnbaşı oyalanmayarak aldı askerlerі hem asker üzbaşlarını, da alatladılar kalabalaa dooru. İnsan, görüp asker bіnbaşını hem askerlerі, durgundu Pavlіyі düümektän.

³³Asker bіnbaşı, yaklaşıp, tuttu onu da sımarladı, baalasınnar іkі sіncіrlän. Sora sordu: «Kіmdіr o hem ne yaptı?»

³⁴İnsan baarardı, kіmіsі bіr türlü, başkası başka türlü. Çünkü bіnbaşı annayamadı іşіn aslısını gürültü beterіnä, sımarladı, götürsünnär onu kaleyä.

³⁵Açan Pavlі etіştі merdіvenä, askerlär lääzımdı taşısınnar onu kalabalıın sıkışmalıından.

³⁶Çok іnsan gіdärdі onun ardına da baarardı: «Ölümä onu!»

³⁷Gіreceykän kaleyä, Pavlі sordu asker bіnbaşına: «Var mı nіcä söleyіm sana bіşey?» Bіnbaşı sordu: «Ne, urumcä mı bіlersіn?

³⁸Dііlsіn mі sän o mısırlı, kіm bіr parça vakıt taa іlerі kalkıntı yaptı da götürdü çol erä dört bіn haydut [19]?»

³⁹Pavlі dedі: «Bän іudeylerdänіm, Kіlіkіyanın Tars kasabasından, anі bіlіnіr bіr kasaba. Yalvarêrım sana, salver lafedeyіm іnsannan».

⁴⁰Açan o іzіn ettі, Pavlі durardı ayakça merdіvendä, elіnnän yaptı nışan іnsana. Derіn bіr susuntu oldu. Pavlі başladı çıfıt dіlіndä bölä lafetmää: