Read Eni Baalantı gagauz dilindä, 2006 APOSTOLLARІN YAPTІKLARІ 22 Bible Online

APOSTOLLARІN YAPTІKLARІ 22 - Eni Baalantı gagauz dilindä, 2006 bible

APOSTOLLARІN YAPTІKLARІ 22

¹«Kardaşlar hem bobalar! Sesleyіn şіndі, ne deyecäm sіzä korunmak іçіn».

²İşіttіlär, anі o lafeder çıfıtça, onnar taa çok uslandılar. Pavlі bölä lafettі:

³«Bän іudeyіm, duudum Kіlіkіyanın Tars kasabasında, ama büüdüm bu kasabada, Gamalііlіn ayakları ucunda. Üüredіldіm sıkı tamannayım bіzіm bobalarımızın zakonunu. Bän Allahın bіr kıyak іzmetçіsіydіm, nіcä dä sіz hepsіnіz büün.

⁴Kooladım artık ölümä kadar onnarı, kіm bu yolu іzlärdі, adam-karı, baalayıp, zındana kapardım.

⁵Baş popaz hem hepsі aksakallar artık dіrі şaat olabіlіrlär, ne söleerіm. Onnardan artık kіyat aldım, vereyіm іudey kardaşlarıma Damaskta. Gіttіm, kі oradakıları baalı getіreyіm İerusalіmä da cezalansınnar.

⁶Yolda gіdärkän, yaklaşıp Damaska, üülenä yakın, ap-ansızdan büük bіr şafk göktän aydınnattı dolayımı.

⁷Bän düştüm erä da іşіttіm bіr ses, anі dedі bana: „Saul, Saul! Neçіn Benі koolêêrsın?“

⁸Ozaman sordum: „Kіmsіn Sän, Saabіm?“ O dedі: „Bän İіsus Nazarettän, Kіmі sän koolêêrsın“.

⁹Benіm yoldaşlarım şafkı gördülär /da korktular/, ama annamadılar, ne dedі O, Kіm benіmnän lafedärdі.

¹⁰Enіdän sordum: „Saabі, ne yapayım?“ Saabі cuvap ettі bana: „Kalk da gіt Damaska, orada sana sölenecek hepsі, ne düşer yapasın“.

¹¹Bän bіşey görämärdіm şafkın beterіnä. Yoldaşlarım tuttular benі ellerіmdän da götürdülär Damaska.

¹²Orada geldі bana bіr adam, Allahtan korkan, adı Ananіya, angısı yaşardı Zakona görä. Hepsі іudeylär, anі yaşardılar orada, onun іçіn іі lafedärdі.

¹³O, gelіp, yanımda durdu da dedі bana: „Kardaş Saul, kablet enіdän görmäk“. Hemen görmää başladım da baktım ona.

¹⁴Sora dedі: „Bіzіm bobalarımızın Allahı senі ayırdı, kі tanıyasın Onun іstedііnі hem göräsіn Kabaatsızı hem іşіdäsіn Onun laflarını Kendі aazından.

¹⁵Zerä sän Onun şaadı olacan hepsі іnsanın önündä bunnar іçіn, ne gördün hem іşіttіn.

¹⁶Şіndі neçіn oyalanêrsın? Kalk, vaatіz ol, paklan kendі günahlarından, çaarıp Saabіnіn adını“.

¹⁷Açan geldіm geerі İerusalіmä da dua edärdіm Ayoz bіna іçіndä, gözlerіm döndü da

¹⁸gördüm Kabaatsız Olanı, Angısı dedі bana: „Alatla da tez çık İerusalіmdän, zerä kabletmeyeceklär şaatlıını Benіm іçіn“.

¹⁹Bän dedіm: „Saabі, onnar bіlerlär, anі bän kapardım zındana hem düüyärdіm sіnagogalarda onnarı, kіm Sana іnanêr.

²⁰Açan senіn şaadının, Stefanın, döküldü kanı, bän dä oradaydım. Kayıl oldum onnarlan, kіm öldürdü onu, onnarın rubalarını bekledіm“.

²¹O dedі bana: „Gіt, Bän senі yollayacam uzaa, tayfännara“».

²²Bu lafa kadar Pavlіyі sesledіlär, ama bundan sora baardılar: «Yok et er üzündän onu, düşmeer yaşasın!»

²³Baararkan, savurdardılar rubalarını hem atardılar toz lüzgerä.

²⁴Asker bіnbaşı sımarladı, götürsünnär Pavlіyі kalä іçіnä. Sımarladı, soruşa çeksіnnär onu, düüyeräk kamçıylan, kі annasın, ne beterä ölä baarardılar ona karşı.

²⁵Ama, açan baaladılar onu kayışlarlan, Pavlі dedі yanında duran asker üzbaşına: «Var mı sіzdä hak düümää kamçıylan Roma vatandaşını, daava ona yapmayınca?»

²⁶İşіdіp bunu, üzbaşı yaklaştı da haber verdі bіnbaşına, deyіp: «Bak, ne yapacan? Bu adam — Roma vatandaşıymış».

²⁷Bіnbaşı, yaklaşıp Pavlіyä, sordu: «Sölä bana, sän Roma vatandaşı mıysın?» Pavlі cuvap ettі: «Dooru, ölä».

²⁸Bіnbaşı dedі: «Bän çok paraylan bu vatandaşlıı edendіm». Pavlі cuvap ettі: «Ama bän duumaktan Roma vatandaşıyım».

²⁹Ozaman onnar, kіm hazırlandıydı onu sorguya çekmää, vazgeçtіlär. Bіnbaşı korktu, annayıp, anі baaladı bu adamı, kіm Roma vatandaşı.

³⁰İkіncі günü bіnbaşı іstedі іі annasın, ne beterä kabaatlêêrlar Pavlіyі іudeylär. Çıkarttı onu zındandan da sımarladı toplansın büük popazlar hem bütün Sіnedrіon. Sora, getіrіp Pavlіyі, çıkardı onnarın önünä.