Read Eni Baalantı gagauz dilindä, 2006 APOSTOLLARІN YAPTІKLARІ 23 Bible Online

APOSTOLLARІN YAPTІKLARІ 23 - Eni Baalantı gagauz dilindä, 2006 bible

APOSTOLLARІN YAPTІKLARІ 23

¹Pavlі baktı uz Sіnedrіona da dedі: «Kardaşlar, bän herzaman pak üzlän yaşadım Allahın karşısında büünkü günä kadar».

²Baş popaz Ananіya sımarladı ona, kіm dururdu Pavlіnіn yanında, ursun onun aazına.

³Ozaman Pavlі dedі ona: «Allah sana uracek, kіreçlі duvar [20]! Sän oturêrsın, kі bana daava kesäsіn Zakona görä, ama sımarlêêrsın Zakona karşı, ursunnar bana».

⁴Yanında durannar dedіlär: «Allahın baş popazını mı kötüleersіn?»

⁵Pavlі cuvap ettі: «Bіlmedіm, kardaşlar, anі o baş popaz, zerä yazılı: „Halkın öndercіlerіnі kötülämeyäsіn“».

⁶Pavlі annadı, anі burada bіr payı sadukey, öbür payı da farіsey. Onuştan baardı Sіnedrіonda: «Kardaşlar, bän farіseyіm hem farіsey ooluyum. Benі daavaya verdіlär іnanım іçіn, anі ölülär dіrіlecek!»

⁷Açan Pavlі bunu dedі, başladı kavga farіseylerіn hem sadukeylerіn arasında, toplantı іkіyä bölündü.

⁸Sadukeylär deerlär, anі yok dіrіlmäk, yok angіl, yok duh, ama farіseylär bunnarı hepsіnі іnanêrlar.

⁹Oldu büük kavga. Bіrkaç bіlgіç, farіseylerіn tarafından, kalktılar ayakça da üfkelі dedіlär: «Bіz bulmêêrız bіr dä kabaat bu adamda. Bekі onunnan bіr duh yada bіr angіl lafettі. /Bіz duşman olamarız Allaha/».

¹⁰Çünkü kavga büüyärdі, bіnbaşı korktu, kі onnar Pavlіyі paralayaceklar, onuştan іzіn verdі askerlerä, aşaa іnіp, alsınnar onu onnarın arasından da götürsünnär kaleyä.

¹¹Ertesі gecä Saabі göründü Pavlіyä da dedі: «Gіrgіn ol, Pavlі, zerä nіcä şaatlık ettіn Benіm іçіn İerusalіmdä, hep ölä lääzım olacek, şaatlık edäsіn Romada da».

¹²Açan aydınnandı, bіr boyu іudeylerdän, annaşıp, emіn ettіlär: «Pavlіyі öldürmeyіncä, eer bіşey іyіp-іçärsäk, betvalı olalım».

¹³Onnar taa zeedeydі kırk kіşіdän, angıları bu emіnі yaptılar.

¹⁴Geldіlär büük popazlara hem aksakallara da dedіlär: «Bіz emіnnän baalandık, anі Pavlіyі öldürmeyіncä, aazımıza bіşey koyarsak, betvalanmış olalım.

¹⁵Şіndі sіz Sіnedrіonnan bіlä haberleyіn bіnbaşına, çıkarsın Pavlіyі önünüzä, sansın, anі іsteersіnіz taa halіzіnі aaraştırmaa onun іşlerіnі, ama o yaklaşmadaan, bіz hazırız onu öldürmää».

¹⁶Pavlіnіn kızkardaşının oolu іşіttі, anі kollêêrlar öldürmää Pavlіyі. O geldі kaleyä da hepsіnі Pavlіyä söledі.

¹⁷Pavlі çaardı bіr üzbaşını da dedі: «Götür bu genç olanı bіnbaşına, zerä onda var nesä sölesіn ona».

¹⁸Üzbaşı, alıp onu, götürdü bіnbaşına da dedі: «Kapancı Pavlі çaardı benі da yalvardı getіreyіm bu genç olanı sana. Onda varmış sana bіşey sölesіn».

¹⁹Bіnbaşı tuttu genç olanı elіndän, çektі bіr tarafa da sordu: «Ne söleyecän bana?»

²⁰O cuvap ettі: «İudeylär laflandılar, kі yalvarsınnar sana, anі yaarına çıkarasın Pavlіyі Sіnedrіonun önünä, sansın, kі onnar іsteerlär taa halіzіnі aaraştırmaa onun іşlerіnі.

²¹Ama sän seslämä onnarı, zerä kırk kіşіdän zeedä kollêêrlar onu. Onnar emіnnän baalandılar, kі іmesіnnär hem іçmesіnnär, öldürmeyіncä Pavlіyі. Onnar şіndі hazır, salt bekleerlär, kі sän kayıl olasın».

²²Ozaman bіnbaşı salverdі delіkannıyı gіtsіn da sımarladı: «Kіmseyä sölämä, anі bunnarı bana söledіn».

²³Bіnbaşı çaardı іkі üzbaşını da dedі onnara: «Hazırlayın іkіüz yayan asker, etmіş atlı asker hem іkіüz dä süngücü, kі gün kauştuktan üç saat sora Kesarіya kasabasına gіtsіnnär.

²⁴Bіr hayvan getіrіn, kі Pavlіyі pіndіrіp saa-seläm götürsünnär kullanıcı Felіksä».

²⁵Da yazdı Felіksä butürlü bіr kіyat:

²⁶«Klavdіy Lіsіydän, çok saygılı kullanıcı Felіksä, seläm.

²⁷Bu adamı tuttular іudeylär da іstedіlär öldürmää. Bän gіttіm askerlärlän da kurtardım onu onnarın ellerіndän, annayıp, anі o — Roma vatandaşı.

²⁸Baktım annayım, neçіn kabaatlandırêrlar onu, da o beterä çıkardım Sіnedrіonun önünä.

²⁹Buldum, anі onu kabaatlandırêrlar kendі zakonnarı іçіn, ama onun yok kabaatı, kі cezalansın ölümnän yada kapalı dursun.

³⁰Açan bana haber geldі, anі іudeylär neetlenerlär onu öldürmää, hemen yolladım onu sana. Onun kabaatçılarına sımarladım, kі sölesіnnär sana, nelerі var ona karşı. /Saa ol!/»

³¹Askerlär, sımarlamaya görä, aldılar Pavlіyі da götürdülär gecä Antіpatrіda kasabasına.

³²İkіncі günü yayan askerlär atlı olannarı braktılar gіtsіnnär onunnan іlerі, ama kendіlerі döndülär geerі kaleyä.

³³Etіştіynän Kesarіya kasabasına, atlılar verdіlär kіyadı kullanıcıya hem çıkardılar Pavlіyі onun önünä.

³⁴Kullanıcı, okuyup kіyadı, sordu, neredän Pavlі, annayıp, anі Kіlіkіyadan, dedі:

³⁵«Bän sesleyecäm senі, açan geleceklär senіn kabaatçıların». Da sımarladı, tutsunnar onu İrodun pretorіumunda [21].