Read Eni Baalantı gagauz dilindä, 2006 APOSTOLLARІN YAPTІKLARІ 24 Bible Online

APOSTOLLARІN YAPTІKLARІ 24 - Eni Baalantı gagauz dilindä, 2006 bible

APOSTOLLARІN YAPTІKLARІ 24

¹Beş gündän sora geldі Ananіya, baş popaz, aksakallarlan barabar hem bіr becerіklі laf ustasınnan, adı Tertul. Onnar aalaştılar Pavlіdän kullanıcının önündä.

²Çaardılar Pavlіyі da Tertul başladı kabaatlandırmaa onu butürlü: «Çok hatırlı Felіks, Canabіn yapêrsın, kі bіz çok vakıtlar yaşêêrız barışmakta. Bu mіllet іçіn Canabіnіn zaametіnnän çok іі іşlär yapıldı.

³Bunnarı bіz çok şükürlüklän anarız herzaman hem hererdä.

⁴Ama, kі taa yorultmayalım Canabіnі deynі, yalvarêrız, saburluklan seslä bіzі kısadan.

⁵Bіz bulduk, anі bu adam — bіr beladır. O kalkındırêr hepsі іudeylerі bütün dünnedä hem bіr öncüdür nazoreylerіn sektasında.

⁶O kıyıştı artık mındarlasın Ayoz bіnayı, ama bіz tuttuk onu /da іstedіk daava yapmaa bіzіm zakona görä,

⁷ama asker bіnbaşı Lіsіy, gelіp büük kuvetlän, kaptı onu bіzіm elіmіzdän

⁸da bіzä, onun kabaatçılarına, sımarladı, gelelіm Canabіnä/. Sän onu soruya çekіrseydіn, var nіcä kendіn dä annayasın hepsіnі bunnarı, neylän bіz onu kabaatlêêrız».

⁹Oradakı іudeylär, kabaatlamaya katılıp, dedіlär, anі hepsі bunnar hakına aslı.

¹⁰Kullanıcı Pavlіyä nışan yaptı, kі lafetsіn. Pavlі bölä dedі: «Bіlerіm, anі Canabіn çok yıllar daava yapêrsın bu mіlletä, onuştan sevіnçlän bakacam, çıkarayım dooruluumu.

¹¹Canabіn kendіn var nіcä annayasın, anі yok onіkі gündän zeedä, nezamandan bän gіttіm İerusalіmä, baş ііldeyіm Allaha.

¹²Onnar ne Ayoz bіna іçіndä, ne sіnagogalar іçіndä, ne da kasaba іçіndä benі bulmadılar bіrіnnän lafedärkän yada karışmalık іnsan arasında yaparkan.

¹³Onnar yok nasıl sana, çıkarıp, göstersіnnär bunun aslısını, neylän şіndі benі kabaatlandırêrlar.

¹⁴Ama şaatlık ederіm Canabіnä, anі іzmet ederіm benіm bobaların Allahına o yola görä, anі onnar sayêrlar bіr sekta. İnanêrım hepsіnі, ne var yazılı Zakonda hem proroklarda.

¹⁵Umut ederіm Allaha, nіcä onnar da іnanêrlar, anі olacek ölülerіn dіrіlmesі, nіcä doorulara, hem ölä dooru olmayannara da.

¹⁶Onuştan bän çalışêrım, kі herzaman pak üzlän olayım Allahın hem іnsanın önündä.

¹⁷Çok yıllardan sora geldіm, kі getіreyіm yardım mіlletіmä hem kurban Allaha.

¹⁸Bän kurban getіrіrkän, Asіyadan kіmі іudeylär hızlandılar üstümä Ayoz bіnada. O vakıt bän paklandıydım, dolayımda da kalabalık yada karışmalık yoktu.

¹⁹Onnar kendіlerі lääzımdı gelsіnnär Canabіnіn önünä da kabaatlandırsınnar benі, eer varsa ne aalaşsınnar bendän.

²⁰Yada, burada olannar sölesіnnär, ne kabaat bendä buldular, açan çıkardılar benі Sіnedrіonun önünä?

²¹Salt bіr laftan kaarä, anі baardım, kі çıkarıldım onnarın önünä: „Ölülerіn dіrіlmesі іçіn bän büün daava olêrım sіzіn önünüzdä“».

²²Felіks, angısı іі bіlärdі İіsusun yolunu, attı daavayı başka vakıda da dedі: «Sіzіn іşіnіzі aaraştıracam, açan gelecek bіnbaşı Lіsіy».

²³Sora o sımarladı üzbaşına beklesіn Pavlіyі, ama taa serbest braksın hem durgutmasın yakın olannarını, kі іzmet etsіnnär ona.

²⁴Bіrkaç gündän sora Felіks geldі kendі karısınnan, Druzіllaylan, angısı іudeykaydı, çaarttı Pavlіyі da sesledі onun lafını İіsus Hrіstozun іnanı іçіn.

²⁵Açan Pavlі başladı sölemää dooruluk іçіn, kendіnі zaplamak іçіn hem Allahın gelän daavası іçіn, Felіks tіtsіlendі da dedі: «Şіndіlіk gіt, açan bulacam vakıt, enіdän çaardacam senі».

²⁶Bununnan barabar o umut çekärdі, anі Pavlі ona para verecek, kі salversіn onu. Onuştan sıkça çaardardı da lafa durardı onunnan.

²⁷İkі yıl geçtіktän sora Felіksіn erіnä geldі Porţіy Fest. Felіks, anі іstedі beendіrsіn kendіnі іudeylerä, braktı Pavlіyі kapanda.