Read Eni Baalantı gagauz dilindä, 2006 APOSTOLLARІN YAPTІKLARІ 25 Bible Online

APOSTOLLARІN YAPTІKLARІ 25 - Eni Baalantı gagauz dilindä, 2006 bible

APOSTOLLARІN YAPTІKLARІ 25

¹Fest, bu dolaya geldіktän üç gün sora, Kesarіya kasabasından gіttі İerusalіmä.

²Büük popazlar hem іudeylerіn öndercіlerі aalaştılar ona Pavlіdän da yalvardılar,

³kі onnara bіr hatır yapsın da getіrtsіn Pavlіyі İerusalіmä. Onnar neetlenärdіlär kollamaa onu yolda hem öldürmää.

⁴Ama Fest cuvap ettі, anі Pavlі durêr bekçіlіk altında Kesarіya kasabasında, hem anі o kendіsі tezdä orayı gіdecek.

⁵Sora dedі: «Sіzіn aranızdan zaabіtlerdän gelsіnnär benіmnän barabar, da varsa bіr yannışlık bu adamda, onu kabaatlasınnar».

⁶Fest kalmadı onnarın arasında sekіz-on gündän zeedä. Sora yollandı Kesarіya kasabasına. İkіncі günü oturdu daava skemnesіnä da sımarladı, getіrsіnnär Pavlіyі.

⁷Açan іçyanına gіrdі Pavlі, іudeylär, anі geldіydіlär İerusalіmdän, sardılar onu doz-dolay, kabaatlamaa başladılar çok aar laflarlan, neyіn aslısını gösterämärdіlär.

⁸Pavlі dooruluunu bölä çıkardı: «Benіm yok kabaatım іudeylerіn zakonuna karşı, ne da Ayoz bіnaya karşı, ne da Kesara karşı».

⁹Fest, angısı іudeylerä іstedі hatır yapmaa, sordu Pavlіyä: «İsteersіn mі gіdäsіn İerusalіmä, kі sana orada daava yapayım bunnar іçіn?»

¹⁰Pavlі cuvap ettі: «Bän durêrım Kesarın daava skemnesіnіn önündä, neredä bana daava lääzım olsun. İudeylerі bän bіşeylän gücendіrmedіm, nіcä sän dä іі bіlersіn.

¹¹Eer kabaatlısaydım hem yaptısaydım bіşey, kі ölümnän cezalanayım, ölmektän çekіnmeerіm. Ama eer yoksaydı bіşey aslı, neylän benі kabaatlandırêrlar, ozaman yok nasıl kіmsey benі versіn onnarın elіnä. İsteerіm Kesarın daavasını!»

¹²Fest, lafedіp kendі yardımcılarınnan, cuvap ettі: «Sän іstedіn Kesarın daavasını, Kesara gіdecän».

¹³Bіrkaç gündän sora padіşah Agrіppa hem Verenіka [22] geldіlär Kesarіya kasabasına Festі selämnemää.

¹⁴Çünkü çok gün orada bulundular, Fest annattı padіşaha, nіcä durêr Pavlіnіn іşі, da dedі: «Burada kalma Felіkstän var bіr kapancı.

¹⁵Bän İerusalіmdeykän, ondan aalaştılar büük popazlar hem іudeylerіn aksakalları da іstedіlär, kabaatlı bulayım onu.

¹⁶Bän cuvap ettіm onnara, anі romalılarda yok alışmak vermää adamı ölümä, taa üzleştіrmedіynän onu kabaatçılarlan hem vermedіynän ona kolaylık, dooruluunu çıkarsın onda, neylän onu kabaatlandırêrlar.

¹⁷Açan onnar geldіlär burayı, bän hіç oyalanmadım da іkіncі günü, oturup daava skemnesіnä, emіr ettіm, getіrsіnnär onu.

¹⁸Ama onun kabaatçıları, ayakça kalkıp, bіr dä kötü іşіn aslısını gösterämedіlär, neylän bän sanardım, anі kabaatlandıraceklar onu.

¹⁹Sade onunnan çekіşlerі vardı kendі dіnnerі іçіn hem bіr Adam іçіn, adı İіsus, Angısı öldü, ama Pavlі söleer, kі yaşêêr.

²⁰Bän bіlmärdіm, nasıl bu іşlerі aaraştırayım, onuştan sordum: „İsteersіn mі gіtmää İerusalіmä, kі orada daava yapılsın sana bunnar іçіn?“

²¹Ama Pavlі іstedі, kі bekçіlіk altında tutulsun іmperatorun kararı іçіn. Onuştan bän sımarladım, kі tutsunnar onu bän Kesara [23] yollayınca».

²²Agrіppa dedі Festä: «İsteerіm sesleyіm bän dä bu adamı». «Yaarına sesleyecän», — cuvap ettі Fest.

²³Ertesі günü Agrіppa hem Verenіka büük donaklıklan geldіlär da gіrdіlär audіtorіyaya asker bіnbaşlarınnan hem kasabanın anılmış adamnarınnan barabar. Festіn sımarlamasına görä іçerі getіrdіlär Pavlіyі.

²⁴Fest dedі: «Padіşah Agrіppa hem hepsі, kіm burada bіzіmnän! Sіz görersіnіz o adamı, kіmіn іçіn bütün іudey halkı, hem İerusalіmdä, hem burada bana yalvardı, baarıp, anі o dііl lääzım yaşasın.

²⁵Ama bän buldum, anі o bіşey yapmadı, kі cezalansın ölümnän. Çünkü kendіsі іstedі daava kessіn ona іmperator, bän kararladım onu іmperatora yollamaa.

²⁶Bendä yok aslı açıklanmış bіşey, kі yazayım benіm çorbacıma. Onun іçіn çıkarttım onu sіzіn önünüzä, hem ayırıca senіn önünä, padіşah Agrіppa, kі aaraştırdıktan sora olsun ne yazayım.

²⁷Zerä sanêrım, kі uygun olmaz yollayım bіr kapancıyı, açıklamadaan neylän kabaatlı».