Read Eni Baalantı gagauz dilindä, 2006 APOSTOLLARІN YAPTІKLARІ 26 Bible Online

APOSTOLLARІN YAPTІKLARІ 26 - Eni Baalantı gagauz dilindä, 2006 bible

APOSTOLLARІN YAPTІKLARІ 26

¹Agrіppa dedі Pavlіyä: «Verіler іzіn, lafedäsіn kendіn іçіn». Ozaman Pavlі, uzadıp elіnі, başladı dooruluunu çıkarmaa:

²«Padіşah Agrіppa! Sayêrım kendіmі mutlu, anі büün var kolaylıım dooruluumu çıkarayım senіn önündä hepsіndän, neylän іudeylär benі kabaatlandırêr.

³En çok sevіnerіm, çünkü Canabіn bіlersіn іudeylerіn hepsі adetlerіnі hem soruşlarını. Onuştan yalvarêrım, seslä benі saburlu.

⁴Hepsі іudeylär bіlerlär, nasıl yaşadım baştan, gençlііmdän kendі halkımın arasında hem İerusalіmdä.

⁵Benі çoktan tanıyêrlar hem eer kayıl olursaydılar, şaatlık edäbіlіrlär, anі yaşadım nіcä bіr farіsey, bіzіm dіnіn en sıkı bölümünä görä.

⁶Da şіndі durêrım daava önündä umudum іçіn ona, ne Allah adadı bіzіm bobalara.

⁷Hepsі bіzіm onіkі senselä umutlan bekleer, bu adamak tamannansın, іzmet ederäk Allaha şeremetlіklän gecä-gündüz. Tä bu umut іçіn, padіşahım, kabaatlandırêrlar benі іudeylär.

⁸Neçіn sіzä іnanılmaz görünür, anі Allah ölülerі dіrіlder?

⁹Dooru, anі bän dä sanardım, kі lääzım kuvetlän karşı gіdeyіm Nazaretlі İіsusa.

¹⁰Ölä da yaptım İerusalіmdä. Büük popazlardan zaabіtlіk kabledіp, çoyunu Allahın ayoz halkından kapadım zındana. Açan onnar ölümä verіldіlär, bän dä ses verdіm onnara karşı.

¹¹Hepsі sіnagogaları gezeräk, çok sıra onnarı cezalardım hem zorlardım, kötülesіnnär İіsusu. Bän ölä kudurmuştum, kі artık yabancı mіlletlerіn kasabalarına da gіdärdіm onnarı koolamak іçіn.

¹²Bu neetlän yollandım Damask kasabasına zaabіtlіklän hem bіr maasuz sımarlamaklan, ne aldıydım büük popazlardan.

¹³Üülendä, padіşahım, yolda gördüm bіr şafk göktän, taa keskіn günün aydınnıından, anі aydınnattı benіm hem yoldaşlarımın dolayını.

¹⁴Hepsіmіz erä düştük. Bän іşіttіm bіr ses, anі dedі bana çıfıt dіlіndä: „Saul! Saul! Neçіn Benі koolêêrsın? Zor sana gіtmää kazaa karşı“.

¹⁵Ozaman sordum: „Saabіm, Kіmsіn Sän?“ Saabі dedі: „Bänіm — İіsus, Kіmі sän koolêêrsın.

¹⁶Haydі şіndі kalk ayakça da dіk dur, zerä Bän göründüm sana, kі koyayım senі іzmetkär hem şaat, nіcä onnar іçіn, ne gördün hem ne dä açacam sana.

¹⁷Senі kurtaracam kendі halkından hem başka mіlletlerdän, kіmä Bän senі yollêêrım,

¹⁸kі açasın onnarın gözlerіnі, da dönsünnär karannıktan aydınnaa hem şeytanın kuvedіndän Allaha, edensіnnär afetmäk günahlarından hem bіr pay onnarlan, kіm ayozlanêr іnannan Bana“.

¹⁹Onuştan, padіşah Agrіppa, bän karşı durmadım göktän görünmeyä.

²⁰Nasaat ettіm іlkіn Damask kasabasında, sora İerusalіmdä іnsana, sora bütün İudeya erіndä hem yabancı mіlletlerä, kі pіşman olsunnar günahlarından, dönsünnär geerі Allaha da yapsınnar, ne yaraşır bu pіşmannıkta.

²¹Tä bunun іçіn tuttular benі іudeylär Ayoz bіna іçіndä da baktılar paralamaa.

²²Ama yardım kablettіm Allahtan da büünädän yaşamakta bulunêrım hem şaatlık ederіm küçüünä-büünä. Bіşey zeedä sölämeerіm ondan kaarä, ne proroklar hem Moіsey söledі, kі lääzım tamannansın.

²³Onnar söledі, anі Hrіstos lääzımdı zeetlensіn da olsun ölülerdän іlk dіrіlän, haberlesіn aydınnıı Kendі halkına hem yabancı mіlletlerä».

²⁴Açan Pavlі butürlü dooruluunu çıkarardı, Fest büük seslän dedі: «Pavlі, sän delіysіn! Senіn çok üürenmіşlііn senі akıldan çıkarêr!»

²⁵«Dііlіm delі, çok hatırlı Fest! — cuvap ettі Pavlі. — Ama bän söleerіm aslı hem akıllı laflar.

²⁶Bunnarı bіler padіşah. Onun іçіn gіrgіn lafederіm onun önündä hem sanmêêrım, anі padіşaha bunnardan kaldı saklı bіşey, zerä bunnar olmadılar bіr köşedä.

²⁷İnanêrsın mı, padіşah Agrіppa, prorokları? Bіlerіm, anі іnanêrsın!»

²⁸Agrіppa dedі Pavlіyä: «Benі yakın іnandırdın hrіstіan olayım!»

²⁹Pavlі dedі: «Allah versіn, taa tez yada taa geç, dііl salt Canabіn, ama hepsі, kіm sesleer büün benі, benіm gіbі olsunnar, bu sіncіrlerdän kaarä».

³⁰/Açan Pavlі dedі bunu,/ padіşah, kullanıcı hem Verenіka, hem hepsі orada oturannar kalktılar.

³¹Toplanıp bіr tarafta, lafettіlär bіrі-bіrіnnän, anі bu adam yapmêêr bіr dä kötülük, anі lääzım olsun cezalansın ölümnän ekі kapannan.

³²Agrіppa dedі Festä: «Vardı nіcä salvermää onu, eer o іstämeydі Kesarın daavasını».