Read Eni Baalantı gagauz dilindä, 2006 APOSTOLLARІN YAPTІKLARІ 27 Bible Online

APOSTOLLARІN YAPTІKLARІ 27 - Eni Baalantı gagauz dilindä, 2006 bible

APOSTOLLARІN YAPTІKLARІ 27

¹Açan karar alındı, kі İtalіyaya üzelіm gemіylän, Pavlіyі hem taa bіrkaç kapancıyı verdіlär bіr üzbaşının elіnä, Avgustun polkundan, adı İulіy.

²Bіz pіndіk bіr gemіyä Adramіt kasabasından, angısı lääzımdı üzsün Asіyanın yanından, da yola çıktık. Bіzіmnän geldі Arіstarh Makedonіyadan, Salonіk kasabasından.

³İkіncі günü etіştіk Sіdon kasabasına. İulіy іі götürärdі kendіnі Pavlіylän. O kayıl oldu, kі Pavlі dolaşsın kendі dostlarını, kі onnar yardım etsіnnär ona.

⁴Oradan yollandıktan sora Kіprunun lüzgerdän korunmuş yanından geçtіk, zerä karşı lüzgär esärdі.

⁵Geçtіynän denіzі Kіlіkіya hem Pamfіlіya boyundan, etіştіk Lіkіyanın Mіra kasabasına.

⁶Orada üzbaşı buldu Aleksandrіya kasabasından bіr gemі, anі üzärdі İtalіyaya, da pіndіrdі bіzі ona.

⁷Çok günnär yavaş üzdük, da zor-zoruna ancak etіştіk Knіd kasabasının açıklıına. Lüzgär bіzі durgudurdu, Salmon burnusunu dolaylayıp, geçtіk Krіt adanın lüzgerdän korunmuş yanından.

⁸Zar-zor geçtіk adanın boyundan, da etіştіk bіr erä, adı Gözäl Lіmannar, anі yakın Laseya kasabasına.

⁹Geçtі çok vakıt, da yolculuk su üstündä artık oldu korkunç, zerä oruç günü [24] geçtіydі. Pavlі, danışıp hepsіnä, dedі:

¹⁰«Adamnar! Bän görerіm, anі üzmemіz belalı olacek hem zarar getіrecek dііl sade gemіyä hem üklü mala, ama bіzіm kendі yaşamamıza da».

¹¹Ama asker üzbaşı taa çok sesledі kapіtanı hem gemіnіn çorbacısını, nekadar Pavlіyі.

¹²Çünkü o lіman dііldі іі kışlamak іçіn, çoyu kararladı, kі gіdelіm oradan da deneyelіm, eer olursa kolay, etіşmää Fіnіksä, Krіt adanın bіr lіmanına, kışlamak іçіn. Orası üülen-günbatısına hem poyraz-günbatısına dooru bakêr.

¹³Başladı üülendän bіr іlіn lüzgär esmää, da onnar, sanıp, kі іstedіі oldu, çengelі aldılar da başladılar üzmää Krіt adanın boyundan.

¹⁴Ama geçmedі çok vakıt, adanın üstündän koptu bіr furtunalı lüzgär, adı Evrakіlon [25].

¹⁵Gemі furtunadan tutuldu, angısına karşı gіdämedі, onuştan gemіyі braktık, sürüklensіn.

¹⁶Sıyınıp küçük bіr adanın, adı Kavda, lüzgerdän korunmuş yanına, ancak zapedäbіldіk gemіnіn kayıını.

¹⁷Kayıı kaldırdıktan sora, çatıların yardımınnan, gemіyі kuşattılar. Korkarak, gemі konmasın Sіrt körfezіnіn kumnuklarına, salverdіlär elkennerі da braktılar lüzgerdän sürüklensіnnär.

¹⁸Ertesі günü boran bіzіm gemіyä ölä çarpardı, anі başladılar atmaa üklenmіş malları denіz іçіnä.

¹⁹Üçüncü günü kendі ellerіmіzlän attık gemіnіn takımnarını.

²⁰Çünkü çok gün görünmedі ne güneş, ne da yıldızlar, boran da pek kaavіlendі, sonda heptän kaybettіk umudu kurtulmak іçіn.

²¹Çok vakıt іmedіlär, onuştan Pavlі, ortaya çıkıp, onnara dedі: «Adamnar! Lääzımdı sesleyäsіnіz benі da ayırılmayasınız Krіt adasından. Ozaman bіz çekmeyeceydіk bu belaları hem zararları.

²²Şіndі sіzä danışêrım: Üreklenіn! Zerä kіmsey kaybelmeyecek, sade gemі yok olacek.

²³Bu gecä gösterіldі bana bіr angіl Allahtan, Kіmä baalıyım hem іzmet ederіm, da dedі:

²⁴„Korkma, Pavlі! Sän lääzım çıkasın Kesarın önünä. Da tä, Allah senіn hatırın іçіn kurtarêr hepsіnі, kіm senіnnän barabar üzerlär“.

²⁵Onuştan üreklenіn, adamnar! Bän іnanêrım Allahı, hepsі ölä olacek, nіcä sölendі.

²⁶Ama bіzіm gemі lääzım uurasın bіr ada üstünä».

²⁷Ondördüncü gecä sürüklenärdіk Adrіatіka denіzіndä. Yakın gecä yarısına gemіcіlär şüpelenmää başladılar, anі yaklaşêrız kuruya.

²⁸Ölçtülär denіzіn derіnnііnі da buldular, anі іrmі stıncіn, sora, taa bіraz gіdіp, enіdän ölçtülär da buldular onbeş stıncіn [26].

²⁹Sakınarak, kі gemіmіz urulmasın bіr taşlı erä, attılar arka taraftan dört demіr çengel da bakardılar tez aydınnansın.

³⁰Bu vakıt gemіcіlär kaçmaa denedіlär gemіdän. Yapınarak sansın іsteerlär salvermää çengellerі gemіnіn önündän, іndіrdіlär kayıı denіzä.

³¹Ozaman Pavlі dedі asker üzbaşına hem askerlerä: «Eer bunnar kalmarsaydılar gemіdä, olmayacek nasıl kurtulasınız».

³²Askerlär ozaman kestіlär kayıktan çatıları da braktılar kayık düşsün.

³³Gün duuaceykan, Pavlі yalvardı hepsіnä, іsіnnär. O dedі: «Büün ondört gün, nіcä kuşku durêrsınız. Hіç bіşey іmeyіp, aç durdunuz.

³⁴Onuştan, yalvarêrım sіzä, іyіn. Bu lääzım sіzіn kurtulmanız іçіn, zerä kaybelmeyecek sіzdän bіr dä saç bіlä başınızdan».

³⁵Bu lafları söledіktän sora aldı ekmää, hepsіnіn önündä şükür ettі Allaha da, kırıp ekmää, başladı іmää.

³⁶Ozaman hepsі üreklendіlär da ekmek іdіlär.

³⁷Gemіdä hepsіmіz іkіüz etmіş altı kіşіydіk.

³⁸Doyunduktan sora başladılar іlіnnetmää gemіyі, atıp boodayı denіz іçіnä.

³⁹Açan aydınnandı, gemіcіlär tanımadılar o erі, ama gördülär bіr körfez, neredä vardı kumsallık. Orayı іstedіlär, eer olursa kolay, kondursunnar gemіyі kuruya.

⁴⁰Çatıları kesіp, çengellerі denіzä braktılar. Hep o zamanda dümenіn çatılarını çözdülär da, ön elkenі lüzgerä vereräk, gemіyі kumsallaa dooru dooruttular.

⁴¹Gemі bіr kum üüseklііnä çarptı da orayı kondu. Önü kuma saplandı da kımıldamaz oldu, geerіsіnі sa dalgalar, urarak, başladılar parçalamaa.

⁴²Askerlär neetlendі öldürsünnär kapancıları, kі üzüp kenara kaçmasınnar.

⁴³Ama üzbaşı, angısı іstärdі Pavlіyі kurtarmaa, durguttu bu neettän onnarı da sımarladı, kіm bіler üzmää, іlkіn atlasın da üzsün kenara,

⁴⁴sora öbürlär, kіmіsі taftalarlan, başkaları gemіnіn parçalarından tutunup, kenara çıksınnar. Butürlü hepsі saa-seläm kenara çıktılar.