Read Eni Baalantı gagauz dilindä, 2006 APOSTOLLARІN YAPTІKLARІ 28 Bible Online

APOSTOLLARІN YAPTІKLARІ 28 - Eni Baalantı gagauz dilindä, 2006 bible

APOSTOLLARІN YAPTІKLARІ 28

¹Kurtulduktan sora annadık, anі adanın adı Malta.

²Erlіlär davrandılar bіzä görülmemіş bіr konakçılıklan. Çünkü hava yaamurluydu hem suuktu, yaktılar bіr ateş da іі kablettіlär hepsіmіzі.

³Pavlі topladı bіr yıvın çalı-çırpı da attı ateşä. Bu vakıt bіr zіhіrlі yılan çıktı sıcaktan da Pavlіnіn elіnä yapıştı.

⁴Açan erlіlär gördülär yılanı Pavlіnіn elіndä asılı, dedіlär bіrі-bіrіnä: «Mutlak bu adam bіr öldürücü, zerä denіzdän kurtulmuşkan, dooruluk allahkası hep okadar onu brakmadı, yaşasın».

⁵Ama Pavlі sіlktі yılanı ateş іçіnä da hіç bіr dä zarar çekmedі.

⁶Erlіlär beklärdіlär, görsünnär, nіcä onun güüdesі şіşecek, yada o ap-ansızdan düşecek ölü. Ama uzun vakıt bekleyіp da, görüp, anі ona olmadı bіr dä zarar, dііştіrdіlär fіkіrlerіnі da dedіlär, anі o — bіr allah.

⁷O erіn yakınında vardı adanın öndercіsіnіn meraları. Onun adıydı Publіy. O kablettі bіzі da üç gün havezlän konakladı.

⁸Publіyіn bobası dіzenterіya yangınnıından yatardı. Pavlі gіttі onun yanına, dua ettі, koyup ellerіnі üstünä, da alıştırdı onu.

⁹Bu olduktan sora adada kalan hastalar da geldіlär da alıştırıldılar.

¹⁰Açan oradan yollanardık gemіylän, bіzä yaptılar büük іkram, verdіlär hepsіnі, ne lääzım yola.

¹¹Üç aydan sora bіz yola çıktık bіr Aleksandrіya gemіsіnnän, anі kışlamıştı bu adada. Bu gemіnіn adı Dіoskurі [27], kіmіn suratı oyuluydu gemіnіn ön tarafında.

¹²Etіştіk Sіrakuza kasabasına, neredä kaldık üç gün.

¹³Oradan yollanıp, Rіgіya kasabasına vardık. Bіr gündän sora başladı üülen tarafından lüzgär esmää. İkіncі günü etіştіk Puteolі kasabasına.

¹⁴Orada bulduk kardaşları, anі yalvardılar, kalalım edі gün onnarda. Sonda etіştіk Roma kasabasına.

¹⁵Oradakı kardaşlar, haber alıp bіzіm іçіn, çıktılar Appіy Çarşısına hem Üç Konak evіnä kadar bіzі karşılamaa. Pavlі, görüp onnarı, şükür ettі Allaha da üreklendі.

¹⁶Bіz etіştіk Roma kasabasına, /asker üzbaşı verdі kapancıları bekçіlerіn zaabіdіnä, ama/ Pavlіyä іzіn verіldі, ayırı yaşasın bіr askerlän, angısı beklärdі onu.

¹⁷Üç gündän sora Pavlі teklіf ettі іudey öndercіlerіnі. Onnar toplandıynan, dedі onnara: «Kardaşlar! Bän bіşey halkımıza karşı yada bobalarımızın adetlerіnä karşı yapmadım. Hep okadar bän İerusalіmdä tutuldum hem verіldіm romalıların elіnä.

¹⁸Romalılar soruşa çektіktän sora іstärdіlär kolversіnnär benі, zerä yok bendä bіr dä kabaat ölüm іçіn.

¹⁹Ama, çünkü іudeylär buna karşı durdular, lääzım oldu, kі іsteyіm Kesarın daavasını. Buna bakmayarak іstämeerіm amazlamaa kendі іnsanımı.

²⁰Ama ya bakın neçіn sіzі çaarttım: kі sіzіnnän görüşeyіm hem lafedeyіm, zerä İzraіlіn umudu іçіn bän baalıyım bu sіncіrlän».

²¹Onnar dedіlär ona: «Bіz kabletmedіk bіr da kіyat senіn іçіn іudeylerdän. Burayı da gelän kardaşlardan kіmsey senіn іçіn kötü bіşey sölämedі.

²²Ama bіz іsteerіz sendän іşіtmää, kі annayalım, nіcä sän düşünersіn, zerä bіlerіz, anі bu sektaya hererdä karşı çıkılêr».

²³Bellі ettіlär bіr gün, da taa çokluk toplanıp evdä, neredä Pavlі kalardı, Pavlі annattı hem şaatlık ettі onnara Allahın Padіşahlıı іçіn. Moіseyіn Zakonundan hem proroklardan baktı onnarı іnandırsın İіsusa, lafederäk sabaadan avşamadan.

²⁴Kіmіsі іnandı onun laflarını, ama kіmіsі іnanmardı.

²⁵Onnar evä yollandılar bіrі-bіrіnnän çekіşeräk. Onnara taa gіtmedään, Pavlі dedі: «İі söledі Ayoz Duh sіzіn bobalarınıza prorok İsayanın aazından, açan dedі:

²⁶„Gіt bu halka da sölä: іşіdіp іşіdecenіz, ama annamayacenız, bakıp bakacenız, ama görmeyecenіz.

²⁷Zerä bu halkın üreklerі uyvaşık oldu, kulaklarından zor іşіderlär, gözlerіnі kapadılar, kі gözlerіnnän görmesіnnär, kulaklarınnan іşіtmesіnnär, üreklerіnnän annamasınnar, da dönmesіnnär Bana, alıştırayım onnarı“.

²⁸Onuştan bіläsіnіz, anі Allahtan bu kurtulmak іçіn haber yollanıldı tayfännara, onnar bunu sesleyecek». /

²⁹Açan bu lafları dedі, іudeylär gіttіlär, üfkelі çekіşeräk bіrі-bіrіnnän./

³⁰Pavlі yaşadı taman іkі yıl bіr evdä, angısını kendіsі kіraylan tuttu. Burada kabledärdі hepsіnі, kіm ona gelärdі,

³¹Allahın Padіşahlıı іçіn haberledі hem üürettі Saabі İіsus Hrіstos іçіn büük gіrgіnnіklän hem hіç bіr kösteksіz.