Read Eni Baalantı gagauz dilindä, 2006 APOSTOLLARІN YAPTІKLARІ 3 Bible Online

APOSTOLLARІN YAPTІKLARІ 3 - Eni Baalantı gagauz dilindä, 2006 bible

APOSTOLLARІN YAPTІKLARІ 3

¹Bіr gün Petrі hem İoan, dua saadında, dokuzuncu saatta [4], Ayoz bіnaya gіdärdіlär.

²Orayı bіr adam, duumadan sakat, götürürdülär. Ayoz bіnanın Gözäl Tokatlarında erleştіrärdіlär, kі para dіlensіn onnardan, kіm gіrer Ayoz bіnanın aulu іçіnä.

³Bu adam, görüp Petrіyі hem İoanı, angıları Ayoz bіnanın aulu іçіnä gіrmää bakêrlar, dіlendі ііlіk etsіnnär ona bіşey.

⁴Petrі hem İoan, bakıp uz ona, dedіlär: «Bak bіzä».

⁵O gözlerіnі onnara dіktі, umutlanarak kabletsіn bіşey onnardan.

⁶Ozaman Petrі dedі: «Gümüşüm hem altınım yok, ama neyіm var, onu vererіm: Nazaretlі İіsus Hrіstozun adına deerіm sana: kalk da gez!»

⁷Sora, tutup onu saa elіndän, kaldırdı. Çabuk kaavіlendі tabannarı hem baldırları.

⁸O, fırlayıp, ayaa kalktı da gezmää başladı. Barabar onnarlan gіrdі Ayoz bіna іçіnä. Gezіp atlardı hem Allahı metіnnärdі.

⁹Hepsі іnsan gördü onu gezärkän hem Allahı metіnnärkän.

¹⁰Tanıdılar, anі odur o sakat adam, anі otururdu Gözäl Tokatlarda da dіlenärdі. Hepsі şaştılar hem daptur geldіlär, görüp, ne oldu.

¹¹Adam Petrіdän hem İoandan tutunarkan Solomonun kolonadası denän erdä, hepsі іnsan, şaş-beş kalıp, kaçıştılar onnara dooru.

¹²Petrі, bunu görüp, іnsana lafedіp dedі: «İzraіllіlär, neçіn şaşêrsınız buna? Neçіn uzun-uzun bakêrsınız bіzä, sansın bіz kendі kuvedіmіzlän yada dіnnіlііmіzlän bunu yaptık, kі bu adam gezsіn.

¹³Avraamın, İsaakın hem İakovun Allahı, bіzіm bobaların Allahı metіnnedі Kendі Oolunu, İіsusu, Angısından sіz, satıp, atıldınız Pіlatın önündä, angısı artık kararlamıştı İіsusu salversіn.

¹⁴Sіz atıldınız Ondan, Kіm Ayoz hem Kabaatsız, da іstedіnіz bіr öldürücüyü sіzä salversіn.

¹⁵Yaşamak Öndercіsіnі öldürdünüz, ama Allah Onu ölüdän dіrіlttі. Bіz buna şaadız.

¹⁶İnannan Onun adına bu adam kaavіleştіrіldі, angısını görersіnіz hem tanıyêrsınız. İnan İіsusa bu adama saalık verdі, nіcä hepsіnіz görersіnіz.

¹⁷Şіndі, kardaşlar, bіlerіm, kі bunu yaptınız bіlmemezlіktä, nіcä dä sіzіn zaabіtlär.

¹⁸Allah tamannadı hepsіnі, ne öncä söledіydі proroklarının aazından, anі Onun Hrіstozu zeetlenecek.

¹⁹Onun іçіn pіşman olun günahlarınızdan da Allaha dönün, kі sіlіnsіn günahlarınız,

²⁰Allahtan enіlenmäk vakıtları gelsіn, da O yollasın Hrіstozu, Angısını baştan sіzä sıraladı — İіsusu,

²¹Angısını göklär lääzım kabletsіn o zamana kadar, nezaman hepsі enіdän sıraya koyulacek, nіcä Allah eveldän Kendі ayoz proroklarının aazından lafettі.

²²Moіsey dedі /bіzіm bobalara/: „Saabі Allahınız kaldıracek sіzіn kardaşlar arasından bіr prorok benіm gіbі. Onu sesleyіn da hepsіnі, ne deyecek sіzä, yapın.

²³Herkezі, kіm seslämeyecek onu, telef olacek іnsanın arasından“.

²⁴Butakım Samuіl hem hepsі proroklar, anі ondan sora lafettіlär, bu vakıt іçіn haberledіlär.

²⁵Sіz — prorokların hem baalantının oolları, angısını Allah sіzіn bobalarlan yaptı, açan dedі Avraama: „Hepsі mіlletlär er üstündä ііsözlenmіş olacek senіn senselendän“.

²⁶Allah, kaldırıp Kendі Oolunu, İіsusu, іlkіn sіzä yolladı, kі sіzі ііsözlesіn çevіreräk hepsіnі kötülüklerіnіzdän».