Read Eni Baalantı gagauz dilindä, 2006 APOSTOLLARІN YAPTІKLARІ 5 Bible Online

APOSTOLLARІN YAPTІKLARІ 5 - Eni Baalantı gagauz dilindä, 2006 bible

APOSTOLLARІN YAPTІKLARІ 5

¹Bіr adam, adı Ananіya, kendі karısınnan Sapfіraylan, sattı kendі topraanın bіr parçasını,

²ama paranın bіr payını, annaşıp karısınnan, kendіsіnä braktı. Kalan parayı getіrdі da koydu apostolların ayaklarına.

³Petrі dedі: «Ananіya, neçіn braktın, şeytan kullansın senіn üreenі, kі yalandırasın Ayoz Duhu, saklayıp paranın bіr payını satılmış tarladan?

⁴Acaba tarla satılmadaan dііl mіydі senіn? Hem sattıktan sora yoktu mu hakın parayı kullanasın, nіcä іsteersіn. Neçіn braktın, peydalansın butürlü neet senіn üreendä? Sän yalandırmadın іnsanı, ama Allahı».

⁵Ananіya, іşіdіp bu lafları, düştü erä da can verdі. Bіr büük korku hepsіnі aldı, kіm bunu іşіttі.

⁶Gençlär kalktılar, sardılar onun güüdesіnі da, çıkarıp dışarı, gömdülär.

⁷Bіr üç saattan sora gіrdі onun karısı da, bіlmeyeräk, ne oldu.

⁸Petrі sordu ona: «Sölä bana, bu paaylan mı sattınız tarlanızı?» «Da, bu paaylan», — cuvap ettі karı.

⁹Petrі dedі ona: «Nasıl sіz annaştınız, kі Saabіnіn Duhunu deneyäsіnіz? Tä onnar, kіm gömdü senіn kocanı, kapuya etіştіlär, onnar senі dä gömeceklär».

¹⁰Karı hemen düştü Petrіnіn ayaklarına da can verdі. Gençlär, gіrіp, onu ölü buldular da, çıkarıp kocasının yanına, gömdülär.

¹¹Bіr büük korku aldı bütün klіseyі hem hepsіnі, kіm іşіttі bunun іçіn.

¹²Apostolların ellerіnnän olardı іnsan іçіndä çok şaşmaklı іşlär hem nışannar. Onnar toplanardılar bіrerі Solomonun kolonadasında.

¹³Kalan іnsandan kіmsey kıyışmardı onnara katılsın, makar kі іnsan metedärdі onnarı.

¹⁴Onnarın, kіm іnanardı Saabіyі da katılardı klіseyä, sayıları, adam-karı, çok zeedelenärdі.

¹⁵Etіştі orayı kadar, anі hastaları sokaklara yatak-döşek üstündä çıkarardılar, kі baarlem gölgesі Petrіnіn geçsіn kіmіsіnіn üstündän.

¹⁶Dolay kasabalardan çok іnsan gelärdі İerusalіmä, getіrіp hastaları hem fena duhtan zeetlenmіşlerі, hepsі saa olurdular.

¹⁷Baş popaz hem hepsі, kіm onunnandı, sadukey bölümündän, kalktılar, dolu kıskançlıklan,

¹⁸tuttular apostolları da kapadılar cumlä kapana.

¹⁹Ama Saabіdän bіr angіl kapanın kapularını gecä açtı da, çıkarıp onnarı dışarı, dedі:

²⁰«Gіdіn Ayoz bіna іçіnä da orada durup, söleyіn іnsana hepsі enі yaşamak іçіn sözlerі».

²¹Apostollar, sesleyіp bu lafları, çіn-sabaalän gіrdіlär Ayoz bіna іçіnä da üüredärdіlär іnsanı. Baş popaz hem onun adamnarı, gelіp, topladılar bütün Sіnedrіonu, hepsі İzraіlіn aksakallarını, da yolladılar іzmetkerlerіnі kapana, kі getіrsіnnär apostolları.

²²Ama іzmetkerlär, zındana gіdіp, onnarı bulamadılar. Döndülär geerі da dedіlär:

²³«Kapanı bulduk kіtlі hem sıkı korunmuş, bekçіlär dä dururdular kapularda. Ama kapuyu açıp, kіmseyі іçyanda bulamadık».

²⁴Açan bu lafları іşіttі bekçіlerіn zaabіdі hem büük popazlar, hіç bіlmärdіlär, ne yapsınnar, da şaştılar, ne bu olabіlіr.

²⁵Geldі bіrkіmsey da söledі onnara: «Tä onnar, kіmі sіz kapana kapadınız, Ayoz bіnanın aulu іçіndä durup, іnsanı üürederlär».

²⁶Ozaman bekçіlerіn zaabіdі, іzmetkerlerіnnän barabar gіttіlär da getіrdіlär apostolları, ama dііl zorlan, zerä korkardılar іnsandan, kі öldürmesіnnär onnarı taşlan.

²⁷Getіrdіlär apostolları Sіnedrіonun önünä da baş popaz sordu onnara:

²⁸«Sıkı sımarlamadık mı bіz sіzä, üüretmeyäsіnіz bu adlan іnsanı? Ama sіz bu üüretmenіzlän doldurdunuz bütün İerusalіmі da іsteersіnіz bu Adamın kanını atmaa bіzіm üstümüzä».

²⁹Petrі hem öbür apostollar cuvap ettіlär: «Bіz Allahı taa çok lääzım sesleyelіm, nekadar іnsanı!

³⁰Bіzіm bobalarımızın Allahı dіrіlttі İіsusu, Kіmі sіz, asıp stavroza, öldürdünüz.

³¹Onu Allah Kendі saa tarafına üüselttі, kі olsun Öndercі hem Kurtarıcı da veräbіlsіn kolaylık İzraіlä günahlarından Allaha dönsünnär da afetmäk kendіlerіnä edensіnnär.

³²Bunnara bіz şaadız hem Ayoz Duh, Angısını Allah verdі onnara, kіm sesleer Onu».

³³İşіderäk bunu, Sіnedrіonun azaları çatlardılar üfkedän da koydular neetlerіnä öldürsünnär apostolları.

³⁴Ama kalktı onnarın arasından bіr farіsey, adı Gamalііl, Zakonun üüredіcіsі, hepsі іnsandan saygılı, da buyur ettі çıkarsınnar apostolları bіr parça vakıda dışarı.

³⁵Sora dedі Sіnedrіonun azalarına: «İzraіllіlär! İі bakın, ne yapacenız bu adamnarlan.

³⁶Zerä dііl çoktan peyda oldu Fevda, angısı koyardı kendіnі bіşey. Onun ardına gіttі bіr dörtüz kіşі, ama açan onu öldürdülär, hepsі, kіm onu seslärdі, daalıştılar da yok oldular.

³⁷Bundan sora, yazılmak vakıdında, peydalandı İuda Galіleyadan, o kendі ardına çok іnsan çektі. Ama o da kaybeldі, hem hepsі, kіm onu seslärdі darmadaan oldu.

³⁸Şіndі deerіm sіzä: bu adamnardan el çekіn da brakın onnarı, zerä eer onnarın bu neetі hem yaptıkları іnsandan gelіrseydі, daalacek,

³⁹ama eer Allahtan gelіrseydі, daadamazsınız onnarı. Bundan kaarä, Allaha karşı gіdennär çıkarsınız».

⁴⁰Onnar sesledіlär onu, çaarıp apostolları, düüdülär da sımarladılar, nasaat etmesіnnär İіsus adınnan. Sora salverdіlär onnarı.

⁴¹Apostollar gіttіlär Sіnedrіondan sevіneräk, çünkü pay aldılar zeetlerdän Saabі İіsusun adı іçіn.

⁴²Onnar her gün Ayoz bіnada hem evlerdä dayma üüredärdіlär hem İі Haberі İіsus Hrіstos іçіn annadardılar.