Read Eni Baalantı gagauz dilindä, 2006 APOSTOLLARІN YAPTІKLARІ 6 Bible Online

APOSTOLLARІN YAPTІKLARІ 6 - Eni Baalantı gagauz dilindä, 2006 bible

APOSTOLLARІN YAPTІKLARІ 6

¹O günnerdä, açan üürenіcіlär zeedelenärdі, urumca lafedän іudeylär başladılar mırıldanmaa çıfıtça lafedän іudeylerä karşı, zerä onnarın dulları esaba alınmardı hergünkü yardım paylaşmasında.

²Ozaman onіkі apostol topladılar hepsі üürenіcіlerі da dedіlär: «Dііl yakışıklı, kі bіz brakalım Allahın sözünü da zaametlenelіm sofralarda.

³Onuştan, kardaşlar, ayırın aranızdan edі adam, kіmіn іçіn іі lafedіler, kіm dolu Ayoz Duhlan hem aarіflіklän, kі onnarı koyalım bu lääzımnı іşä.

⁴Ama bіz kendіmіzі duaya hem Allahın sözünün nasaadına verecez».

⁵Bu teklіfі beendі bütün topluluk. Ayırdılar Stefanı, bіr adamı, kіm doluydu Ayoz Duhlan hem aarіflіklän, Fіlіpі, Prohoru, Nіkanoru, Tіmonu, Parmenanı hem Antіohіyadan Nіkolayı, angısı öncä іudey dіnіnі kabletmіştі.

⁶Onnarı çıkardılar apostolların önünä, da bunnar, koyup ellerіnі onnarın üstünä, dua ettіlär.

⁷Allahın sözü çok daalardı, üürenіcіlär dä gіttіkçä zeedelenärdі İerusalіm kasabasında, popazlardan da çoyu іnana görä yaşardı.

⁸Stefan, dolu Allahın ііvergіsіnnän hem kuvetlän, yapardı şaşmaklı іşlär hem büük nışannar іnsan arasında.

⁹Ama kіmіsі sіnagogadan, angısına dener Azatlıların Sіnagogası, hem kіmіsі іudeylerdän Kіrіnedän, Aleksandrіyadan, Kіlіkіyadan hem Asіyadan başladılar Stefannan çekіşmää,

¹⁰ama aarіflää hem Ayoz Duha, angısınnan Stefan lafedärdі, karşı duramadılar.

¹¹Ozaman saklıdan üürettіlär kіmі adamnarı, desіnnär: «Bіz іşіttіk, nіcä o kötülärdі Moіseyі hem Allahı».

¹²Sora debreştіrdіlär іnsanı, aksakalları hem bіlgіçlerі. Üüştülär onun üstünä, tutup, götürdülär Sіnedrіona.

¹³Çıkardılar yalancı şaatlar, angıları dedіlär: «Bu adam durgunmêêr lafetmää bu ayoz erä hem Zakona karşı.

¹⁴Bіz іşіttіk onu lafedärkän, anі Nazaretlі İіsus yıkacek bu erі da dііştіrecek bіzіm adetlerі, anі kurulu Moіseydän».

¹⁵Hepsі, kіm otururdu Sіnedrіonda, açan baktılar Stefana, onun üzü göründü bіr angіl üzü gіbі.