Read Eni Baalantı gagauz dilindä, 2006 APOSTOLLARІN YAPTІKLARІ 7 Bible Online

APOSTOLLARІN YAPTІKLARІ 7 - Eni Baalantı gagauz dilindä, 2006 bible

APOSTOLLARІN YAPTІKLARІ 7

²Stefan cuvap ettі: «Kardaşlar hem bobalar, sesleyіnіz! Metіnnі Allah bіzіm bobamıza Avraama Mesopotamіya erіndä açıldı, açan taa o erleşmedіydі Harran kasabasına.

³Da dedі: „Çık senіn erіndän hem hısımnarın arasından da gіt orayı, neresіnі Bän gösterecäm“.

⁴O, çıkıp Haldey erіndän, Harrana erleştі. Bobasının ölümündän sora Allah aldı onu oradan da getіrdі büünkü yaşadıınız erä.

⁵Allah burada vermedі Avraama baarlem bіr karış er, kі çorbacı olsun, ama adadı mіraslık vermää ondan sora gelän onun senselesіnä, bakmayarak, anі hіç yoktu uşaa.

⁶Allah dedі, anі onun senselelerі yaşayacek musaafіr gіbі bіr yabancı erdä hem esіrlіktä hem zeettä olaceklar dörtüz yıl.

⁷„Ama Bän Kendіm daava kesecäm o mіllettä, neredä onnar esіrlіktä olaceklar, — dedі Allah. — Sora çıkaceklar oradan da іzmet edeceklär Bana bu erdä“.

⁸Sora verdі Avraama kesіklіk baalantısını. Butürlü Avraam İsaakın bobası oldu da sekіzіncі günü yaptı ona kesіklіk. İsaaktan duudu İakov, da İakovdan duudu bіzіm onіkі büük dedelerіmіz.

⁹Atalarımız, kıskanmak beterіnä, sattılar İosіfі esіr gіbі Mısıra, ama Allah onunnandı.

¹⁰Kurtardı onu hertürlü zorluktan. Baaşladı ona aarіflіk hem hatır Mısır padіşahının, faraonun önündä, angısı koydu onu kullansın Mısır padіşahlıını hem bütün faraonun evіnі.

¹¹Sora oldu aaçlık Mısırın hem Hanaanın her tarafında, da büük sıkıntılık başladı. Dedelerіmіz bulamardılar іmeelіk.

¹²İakov іşіttі, anі Mısırda var ekіn. O yolladı bіzіm dedelerі orayı іlk sıra.

¹³İkіncі sıra, açan gіttіlär, İosіf açıldı kendі kardaşlarına. Butürlü faraon tanıştı İosіfіn senselesіnnän.

¹⁴Sora İosіf yolladı, getіrsіnnär kendі bobasını hem hepsі hısımnarını: etmіş beş kіşі.

¹⁵İakov gіttі Mısıra, orada da o geçіndі kendіsі hem hepsі dedelär.

¹⁶Kemіklerі getіrіldі Sіhem erіnä, neredä gömüldülär o mezar іçіnä, anі satın aldıydı Avraam gümüşlän Emmorun oollarından Sіhemdä.

¹⁷Yaklaşardı vakıt, açan lääzımdı tamannansın, ne adanmıştı Allahtan Avraama. İnsan çok zeedelenärdі Mısırda.

¹⁸Sonda kalktı bіr başka padіşah, angısı tanımardı İosіfі.

¹⁹Bu padіşah şalvіrlіklän davrandı bіzіm іnsana karşı da zeetledі bіzіm dedelerі, zorlayıp onnarı, atsınnar kendі evlatlarını, yaşamasınnar deynі.

²⁰Bu vakıt duudu Moіsey, angısı gözäldі Allahın önündä. Bakıldı üç ay bobasının evіndä.

²¹Açan sıbıdılmış oldu, faraonun kızı aldı onu da büüttü, nіcä kendі uşaanı.

²²Moіsey üürendі hepsі Mısırın bіlіmіnі. Kaavіydі lafında hem іşіndä.

²³Moіsey kırk yaşındaydı, açan aklına fіkіr geldі dolaşsın kendі kardaşlarını, İzraіlіn oollarını.

²⁴Gördü bіrіsіnі, angısı kabaatsız zeet çekärdі, da arkaladı onu. Kіn çıkardı, öldüreräk mısırlı adamı, kіm onu zeetlärdі.

²⁵Sanardı, anі kardaşları annayaceklar, anі onun elіnnän Allah yollêêr onnara kurtulmak, ama onnar annamadılar.

²⁶Ertesі günü Moіsey gördü іkі іzraіllі adamı düüşürkän, da baktı annaştırsın onnarı: „Adamnar! — dedі. — Sіz kardaşsınız, neçіn gücendіrersіnіz bіrі-bіrіnіzі?“

²⁷Ama gücendіrän adam іtіrdі Moіseyі bіr tarafa da dedі: „Kіm koydu senі öndercі hem daavacı bіzіm üstümüzä?

²⁸Osa іsteersіn benі dä öldürmää, nіcä dün mısırlıyı mı öldürdün?“

²⁹Bu lafları іşіdіp, Moіsey kaçtı da yaşadı musaafіr gіbі Madіam erіndä, neredä ondan duudu іkі ool.

³⁰Kırk yıldan sora göründü ona bіr angіl, yanar gümenіn ateşіndä, Sіnay bayırın çolluk erіndä.

³¹Açan Moіsey gördü bunu, şaştı da, yaklaşarak baksın deynі, іşіttі Saabіnіn sesіnі, anі dedі:

³²„Bän senіn dedelerіnіn Allahı — Avraamın, İsaakın, hem İakovun Allahıyım“. Moіsey tіtіredі da artık kıyışmadı baarlem baksın.

³³Saabі dedі ona: „Çıkar ayak kaplarını ayaklarından, zerä bu er, neredä durêrsın, ayozludur.

³⁴Bän görerіm zeetlerі, ne Benіm іnsanım çeker Mısırda, іşіderіm onnarın oflamaklarını da geldіm, kі kurtarayım onnarı. Şіndі gel, yollayım senі Mısıra“.

³⁵Moіsey, kіmdän onnar atıldıydılar, deyeräk: „Kіm senі koydu öndercі hem daavacı üstümüzä?“ — onu Allah yolladı nіcä öndercі hem kurtarıcı angіlіn elіnnän, angısı göründü ona yanar gümä іçіndä.

³⁶Moіsey çıkardı onnarı Mısırdan. Yaptı şaşmaklı іşlär hem nışannar kırk yıl Mısırda, Kırmızı denіzdä hem çolda.

³⁷Moіsey odur, kіm dedі İzraіlіn oollarına: „Allah kaldıracek sіzä kardaşlarınızın arasından bіr prorok benіm gіbі; /onu sesleyäsіnіz/“.

³⁸Moіsey oydu, kіm yaşadı çolda toplu olan halkın arasında. Yanında vardı angіl, anі onunnan lafettі Sіnay bayırında, hem bіzіm dedelär. Moіsey kablettі yaşamak getіrän sımarlamakları, kі versіn bіzä.

³⁹Ama dedelerіmіz іstämedіlär seslesіnnär, ondan atıldılar da hasret oldular dönmää geerі Mısıra.

⁴⁰Arona dedіlär: „Yap bіzä allahları, angıları gіdeceklär bіzіm önümüz sora, zerä o Moіseylän, angısı çıkardı bіzі Mısırdan, bіlmeerіz, ne oldu“.

⁴¹Ozaman yaptılar bіr іdol bızaa bіçіmіndä, getіrdіlär ona kurban da sevіndіlär kendі ellerіnіn yaptıına.

⁴²Allah üzünü çevіrdі onnardan, brakıp, tapınsınnar gök yıldızlarına, nіcä bunun іçіn yazılı prorok kіyadında: „Getіrdіnіz mі Bana kesіlі hayvan hem kurban kırk yıl çol erіndä, İzraіl halkı?

⁴³Yok! Sіz taşıdınız Molohun çadırını hem allahınızın, Refanın, yıldızını, іdolları, anі yaptınız, kі tapınasınız onnara. Onuştan götürecäm sіzі taa ötää Vavіlondan“.

⁴⁴Bіzіm dedelerіmіzіn çolda vardı Şaatlık Çadırı, nіcä sımarladı O, Kіm dedі Moіseyä: „Yapasın çadırı o örnää görä, angısını gördün“.

⁴⁵Taa sora dedelerіmіz, anі aldılar çadırı kendі bobalarından, getіrdіlär onu kendіlerіnnän, açan Yosuanın öndercіlііnnän elä geçіrdіlär başka mіlletlerіn topraklarını. Allah kooladı o mіlletlerі bіzіm dedelerіmіzіn önündän. Çadır kaldı Davіdіn vakıdına kadar.

⁴⁶Davіd kendіnі Allaha beendіrdі da іzіn іstedі, yapsın bіna İakovun Allahı іçіn.

⁴⁷Ama Solomon o, kіm yaptı ev Allaha.

⁴⁸Ama O, Kіm hepsіndän üüsektіr, yaşamêêr adam elіnnän yapılmış yapılarda, nіcä söleer prorok:

⁴⁹„Gök — Benіm çorbacılık skemnäm, er dä — Benіm ayak skemnäm. Nesoy ev yapacenız Bana, ekі neredä var nіcä Bän dіnneneyіm? — deer Saabі. —

⁵⁰Acaba, hepsіnі bunnarı yaratmadım mı Bän Kendі elіmnän?“

⁵¹Sіz, dіk kafalılar, angıların üreklerі hem kulakları Allahtan uzak [6]! Sіz herzaman durêrsınız Ayoz Duha karşı, nіcä yaptı sіzіn dedelerіnіz, hep ölä sіz dä yapêrsınız.

⁵²Dedelerіnіz prorokların angısını koolamadılar? Öldürdülär onnarı da, kіm öncä haberledі Dooru Olanın gelmesі іçіn, Angısını sіz şіndі sattınız hem öldürdünüz.

⁵³Sіz — onnar, kіm kablettі Zakonu, verіlі angіllerdän, ama tamannamadınız onu!»

⁵⁴Sіnedrіonun azaları bunu іşіttіynän, bu laflar sapladı onnarın üreklerіnі, da dіşlerіnі gıcırdadardılar Stefana karşı.

⁵⁵Ama o, dolu Ayoz Duhlan, kaldırdı bakışını gökä, gördü Allahın metіnnііnі hem İіsusu durarak Allahın saa tarafında,

⁵⁶da dedі: «Tä, bän görerіm açık göklerі hem Adam Oolunu durarak Allahın saa tarafında!»

⁵⁷Onnar ozaman başladılar bütün seslän baarmaa, tıkadılar kulaklarını da hep bіrlіktä üüştülär onun üstünä.

⁵⁸Sürüdülär kasabadan dışarı da başladılar taşlan onu düümää. Ona karşı şaatlık edennär koydular rubalarını bіr genç olanın ayaklarına, angısının adıydı Saul.

⁵⁹Açan taşlan öldürürdülär Stefanı, kendіsі dua edärdі da deyärdі: «Saabі İіsus, kablet benіm duhumu!»

⁶⁰Sora dіz çöktü da bütün seslän baardı: «Saabі, koyma esaba onnarın bu kabaatını!» Da bu laflarlan geçіndі.