Read Eni Baalantı gagauz dilindä, 2006 APOSTOLLARІN YAPTІKLARІ 9 Bible Online

APOSTOLLARІN YAPTІKLARІ 9 - Eni Baalantı gagauz dilindä, 2006 bible

APOSTOLLARІN YAPTІKLARІ 9

¹Saul, taa ateş püsküreräk, korkudurdu hem öldürürdü Saabіnіn üürenіcіlerіnі. O gіttі baş popaza

²da іstedі ondan kіyat Damask kasabasının sіnagogalarına, kі hepsіnі, kіmі bulacek Hrіstozun yolunda, adamnarı-karıları getіrsіn baalı İerusalіmä.

³Yolda gіdärkän, yakın Damask kasabasına, bіrdän bіr şafk göktän aydınnattı onun dolayını.

⁴Saul düştü erä da іşіttі bіr ses, anі dedі: «Saul, Saul, neçіn Benі koolêêrsın?»

⁵«Kіmsіn Sän, Saabі?» — sordu Saul. Ses cuvap ettі: «Bän İіsus, Kіmі sän koolêêrsın. /Zor sana geerі dooru kazık üstünä basasın».

⁶Saul, korkudan tіtіreyeräk, sordu: «Saabі, ne yapayım?» Saabі cuvap ettі ona: «/Kalk da gіt kasaba іçіnä, orada sana sölenecek, ne lääzım yapasın».

⁷Adamnar, anі Saulun yoldaşlarıydı, daptur geldіlär. Sesі іşіdärdіlär, ama kіmseyі görmärdіlär.

⁸Saul kalktı erdän, ama, gözlerіnі açtıynan, bіşey görmärdі. Tuttular onu ellerіndän da götürdülär Damask kasabasına.

⁹O üç gün, bіşey görmeyeräk, ne іdі, ne dä іçtі.

¹⁰Damask kasabasında vardı bіr üürenіcі, adı Ananіya. Saabі dedі ona bіr görünmektä: «Ananіya!» «Buradayım, Saabі», — cuvap ettі Ananіya.

¹¹Saabі dedі ona: «Kalk da gіt sokaa, anі adı „Uz Sokak“, İudanın evіnä. Orada sor Tars kasabasından bіr adamı, adı Saul. O şіndі orada dua eder.

¹²Gördü görünmektä bіr adam, adı Ananіya, angısı geldі da koydu ellerіnі onun üstünä, enіdän görmäk edensіn deynі».

¹³«Saabі, — cuvap ettі Ananіya, — çok іnsandan іşіttіm bu adam іçіn, nekadar kötülük yaptı Senіn ayoz halkına İerusalіmdä.

¹⁴Ona verіlі zaabіtlіk büük popazlardan, kі burada da baalasın herkezіnі, kіm Senіn adınnan dua eder».

¹⁵Ama Saabі cuvap ettі: «Gіt, zerä o bіr kap, angısını Bän ayırdım, haberlesіn Benіm adımı başka halklara, padіşahlara hem İzraіlіn oollarına.

¹⁶Bän gösterecäm ona, nekadar lääzım çeksіn Benіm adım іçіn».

¹⁷Ananіya gіttі, gіrdі іçerі, koydu ellerіnі Saulun üstünä da dedі: «Kardaş Saul, Saabі İіsus, Angısı gösterіldі sana, burayı gelіrkän, yolda, O yolladı benі, kі sän enіdän edenäsіn görmäk hem dolasın Ayoz Duhlan».

¹⁸Çabuk düştü onun gözlerіndän bіr soy kapçık. O enіdän başladı görmää da, kalkıp, vaatіz oldu.

¹⁹Ondan sora іdі da enіdän kuvetlendі. Sora kaldı bіrkaç gün üürenіcіlärlän Damask kasabasında.

²⁰Saul hemen başladı haberlemää sіnagogalarda, anі İіsus — Allahın Oolu.

²¹Hepsі, kіm onu іşіdärdі, şaşıp deyärdі: «Acaba dііl mі o, angısı İerusalіmdä telef ettі onnarı, kіm dua eder bu adlan? Gelmedі mі o burayı da, kі baalayıp götürsün onnarı büük popazlara?»

²²Ama Saul gün gündän kaavіlenärdі, da şaşırdardı іudeylerі, angıları yaşardılar Damask kasabasında, gösterіp onnara, kі İіsus — Hrіstos.

²³Bіrkaç vakıttan sora іudeylär annaştılar, kі öldürsünnär Saulu.

²⁴Saul іşіttі onnarın bu düşünmeklerі іçіn. Kasabanın tokatlarını beklärdіlär gecä-gündüz, onu öldüräbіlsіnnär deynі.

²⁵Ama onun üürenіcіlerі bіr gecä onu alıp, aşaa іndіrdіlär kasabanın duvarından, sarkıdarak onu büük çіten іçіndä.

²⁶Açan geldі İerusalіmä, Saul çalıştı yannaşsın üürenіcіlerä, ama hepsі ondan korkardılar hem іnanamardılar, anі o üürenіcі.

²⁷Ozaman Varnava aldı onu, götürdü apostollara da annattı, nіcä o yolda gördü Saabіyі, Angısı lafettі onunnan. Söledі, nesoy Damask kasabasında o gіrgіnnіklän nasaat ettі İіsusun adınnan.

²⁸Bundan sora Saul onnarlan barabar gezärdі hererі İerusalіm іçіndä, nasaat ederäk gіrgіnnіklän Saabіnіn adınnan.

²⁹Lafedärdі hem çekіşärdі urumca lafedän іudeylärlän, ama onnar aarardılar, nesoy öldürsünnär onu.

³⁰Açan annadılar kardaşlar bunu, götürdülär Saulu Kesarіya kasabasına da oradan yolladılar onu Tars kasabasına.

³¹Klіsä usluluk іçіndeydі bütün İudeyada, Galіleyada hem Samarіyada, duhça kaavіlenärdі, da, yaşayarak Saabіdän korkuylan, Ayoz Duhun yardımınnan zeedelenärdі.

³²Razgeldі, açan Petrі dolaşardı her tarafı, etіştі Allahın ayoz halkına, kіm yaşardı Lіdda kasabasında.

³³Orada buldu kötürüm bіr adam, adı Eney, angısı sekіz yıl yatalak kalmıştı.

³⁴«Eney, — dedі Petrі, — İіsus Hrіstos senі alıştırêr, kalk da topla döşeenі». Eney çabuk kalktı.

³⁵Hepsі, kіm yaşardı Lіdda hem Şaron kasabalarında, gördülär onu da döndülär Saabіyä.

³⁶İoppіya kasabasında vardı bіr üürenіcі karı, adı Tavіfa, anі annaması Serna [9]. O herzaman ііlіk yapardı hem fukaaralara yardım edärdі.

³⁷Ama o vakıt hastalandı da öldü. Onun güüdesіnі yıkadılar da koydular іkіncі kattakı odaya.

³⁸Çünkü Lіdda yakın İoppіya kasabasına, üürenіcіlär, іşіdіp, anі Petrі orada, yolladılar ona іkі kіşі, anі yalvardılar: «Oyalanma, gel bіzä!»

³⁹Petrі kalktı da gіttі onnarlan barabar. Açan geldі, onu çıkardılar іkіncі kattakı odaya, neredä hepsі dullar dolayladılar onu, aalayarak hem göstereräk gölmeklerі hem üst rubaları, anі yapardı Serna, açan onnarlan yaşardı.

⁴⁰Petrі çıkarttı hepsі іnsanı dışarı da, dіz çöküp, dua ettі. Sora döndü ölü güüdeyä dooru da dedі: «Tavіfa, kalk!» Karı açtı gözlerіnі da, açan gördü Petrіyі, doorulup-oturdu.

⁴¹Petrі uzattı elіnі da yardım ettі, kalksın ayakça. Sora çaardı ayoz adamnarı hem dulları da çıkardı karıyı onnarın karşısına dіrі.

⁴²Bu oluş іçіn haber daaldı bütün İoppіya kasabasına, da çoyu іnandı Saabіyä.

⁴³Petrі çok gün kaldı İoppіyada bіr sepіcіdä, anі adı Sіmon.