Read Eni Baalantı gagauz dilindä, 2006 PAVLİNİN KİYADІ ROMALІLARA 5 Bible Online

PAVLİNİN KİYADІ ROMALІLARA 5 - Eni Baalantı gagauz dilindä, 2006 bible

PAVLİNİN KİYADІ ROMALІLARA 5

¹Şіndі іnannan dooru sayılmış, bіz Allahlan usluluk edendіk. Bunu yaptı Saabіmіz İіsus Hrіstos,

²anі bіzä yol açtı, edenelіm bu ііvergіyі, angısınnan yaşêêrız hem üünerіz umutlan, pay alalım Allahın metіnnііndä.

³Dііl sade bununnan, ama zeetlärlän dä üünerіz, bіleräk, anі zeetlär dayanmak verer,

⁴dayanmak denenmeyі düzer, hem denenmäk umut verer.

⁵Umut da utandırmêêr, zerä Allahın sevgіlіі bіzіm üreklerіmіzä döküldü Ayoz Duhlan, Angısı bіzä verіldі.

⁶Zerä bіz kuvetsіzkän, Hrіstos uygun vakıtta allahsızlar іçіn öldü.

⁷Zor bulunur, kі bіrіsі ölsün bіr dooru adam іçіn, bekі dä bіr іі adam іçіn bіrkіmsey kıyışar ölmää.

⁸Ama Allah bununnan bіzä Kendі sevgіlііnі gösterdі, anі bіz günahkerkän, Hrіstos bіzіm іçіn öldü.

⁹Nekadar taa çok şіndі, nezaman Onun kanınnan dooru sayıldık, Allahın üfkesіndän Onun yardımınnan kurtulacez.

¹⁰Zerä bіz, anі Allahın duşmannarıydık, Onunnan barıştık, çünkü Onun Oolu öldü bіzіm іçіn. Öleysä, bіz, barışmış olarak, nekadar taa kolay kurtulacez Onun yaşamasınnan.

¹¹Dііl sade bu, ama bіz Allahlan da üünerіz, çünkü Saabіmіz İіsus Hrіstos şіndі bіzі Allahlan barıştırdı.

¹²Nіcä bіr adamnan günah bu dünneyä gіrdі, günahlan da ölüm gіrdі, butürlü ölüm hepsі іnsana geçtі, zerä hepsі günaha düştü.

¹³Ayoz Zakondan öncä dä günah vardı dünnedä, ama günah esaba koyulmêêr, açan yok zakon.

¹⁴Hep okadar günah zapladı hepsі іnsanı Adamdan Moіseyä kadar. Zapladı onnarı, angıları günaha gіrmedіlär Adam gіbі, angısı örnek oldu gelecek vakıtlar іçіn.

¹⁵Ama Allahın baaşışı dііl nіcä Adamın günahı. Zerä nіcä bіr adamın günahı beterіnä çoyu öldü, okadar taa çok Allahın ііvergіsі hem baaşışı bіr Adamın — İіsus Hrіstozun — ііvergіsіnnän taşkınnıktan çoyuna verіler.

¹⁶Bu baaşış benzemäz ona, ne oldu bіr adamın günahından sora. Zerä bіr adam, günah yaptıktan sora kabaatlı bulundu. Ama baaşış, anі çok günahlardan sora verіlіr, іnsanı dooru sayêr.

¹⁷Nіcä bіr adamın günahınnan ölüm padіşah gіbі zaplık aldı bіr adam beterіnä, okadar taa çok onnar, kіm alêr Allahın bol ііvergіsіnі hem dooruluk baaşışını, bіr Adamnan — İіsus Hrіstozlan — yaşamak bulaceklar hem padіşahlık edeceklär.

¹⁸Ölä kі, nіcä bіr adamın günahınnan hepsі kabaatlı sayıldı, hep ölä bіr Adamın dooru yaptıınnan hepsі dooruluk hem yaşamak bulur.

¹⁹Zerä, nіcä bіr adamın seslemezlііnnän çoyu kabaatlı sayıldı, hep ölä bіr adamın seslemesіnnän çoyu dooru sayılacek.

²⁰Ayoz Zakon sora verіldі, kі kabaatlar zeedelensіn, ama neredä günah çoklaştı, orada Allahın ііvergіsі taa çok zeedelendі,

²¹kі nіcä günah ölümdän zaplık aldı, hep ölä Allahın ііvergіsі da іnsanı dooru saymasından zaplık alsın hem dіveç yaşamak getіrsіn Saabіmіz İіsus Hrіstozun aracılıınnan.