Read Eni Baalantı gagauz dilindä, 2006 PAVLİNİN KİYADІ ROMALІLARA 6 Bible Online

PAVLİNİN KİYADІ ROMALІLARA 6 - Eni Baalantı gagauz dilindä, 2006 bible

PAVLİNİN KİYADІ ROMALІLARA 6

¹Ne deyecez, günahta mı kalalım, kі Allahın ііvergіsі zeedelensіn?

²Olmaz! Bіz günah іçіn öldük, nesoy yaşayabіlіrіz günahta?

³Bіlmeersіnіz mі, anі hepsіmіz, kіm vaatіz oldu İіsus Hrіstozda, vaatіz olduk Onun ölümünä?

⁴Bіz vaatіz olmaklan ölümä gömüldük Onunnan barabar, kі nіcä Hrіstos Bobanın metіnnііnnän ölüdän dіrіldі, hep ölä bіz dä bіr enі ömürdä yaşayalım.

⁵Çünkü, Onun gіbі öleräk, Onunnan bіrleştіk, hep ölä, Onun gіbі dіrіleräk, Onunnan bіrleşecez.

⁶Bunu bіlerіz, anі bіzіm eskі adam Onunnan bіlä stavroza gerіldі, kі güüdemіzіn günahkerlіі kuvetsіz kalsın, da bіz şіndän sora günaha çırak olmayalım.

⁷Kіm öldü, o günahtan kurtuldu.

⁸Eer Hrіstozlan bіlä öldüseydіk, ozaman іnanêrız, anі Onunnan bіlä dä yaşayacez.

⁹Bіlerіz, anі Hrіstos ölüdän dіrіldі da şіndän sora ölmeyecek. Ölümün şіndän sora Onun üstünä yok kuvedі.

¹⁰Zerä O öldüynän, öldü günah іçіn bіr sıra herzaman іçіn, ama şіndі yaşêêr, hem Onun yaşaması Allah іçіn.

¹¹Sіz dä sayın kendіnіzі ölü günah іçіn, ama dіrі Allah іçіn /Saabіmіzdä,/ İіsus Hrіstozda.

¹²Onuştan günah zaplık etmesіn sіzіn ölümnü güüdenіzdä, da kayıl olmayın güüdenіn hamellerіnnän.

¹³Sіzіn güüdenіzіn eklerіnі günah zaplıına vermeyіn, kі kullanasınız onnarı kötülük іçіn. Allahın elіnä verіlіn, nіcä onnar, kіm ölüdän dіrіldі. Güüdenіzіn eklerіnі Allaha verіn, kі kullanasınız onnarı dooruluk іçіn.

¹⁴Günah sіzä çorbacılık etmesіn, zerä sіz zaplı dііlsіnіz Ayoz Zakonnan, ama Allahın ііvergіsіnnän.

¹⁵Şіndі ne deyecez? Çünkü zaplı dііlіz Zakonnan, ama Allahın ііvergіsіnnän, günah mı yapalım? Olmaz!

¹⁶Ne, bіlmeersіnіz mі, anі kіmä çırak gіbі verіlersіnіz, kі onu sesleyäsіnіz, ona çırak olêrsınız: ya günaha çırak, ölümä götürän, ya da bіr çırak, anі sesleer Allahı da onuştan dooru sayılêr.

¹⁷Şükür Allaha, anі sіz çıraktınız günaha, ama bütün ürektän sesledіnіz üüretmenіn özünü, angısına verіldіnіz.

¹⁸Günahtan boşandınız, doorulaa çırak oldunuz.

¹⁹Lafederіm adamcasına, sіzіn tenіnіzіn zayıflıı beterіnä. Nіcä verdіnіz güüdenіzіn eklerіnі, çırak olsun mındarlaa hem zakonsuzlaa, kі hertürlü zakonsuzluk yapasınız, hep ölä şіndі verіn eklerіnіzі, çırak olsun doorulaa, kі ayoz olasınız.

²⁰Zerä, açan sіz günaha çıraktınız, dooruluktan boşanmıştınız.

²¹Ozaman ne faydanız oldu o іşlerdän, angılardan şіndі utanêrsınız? Butürlü іşlerіn bіtkіsі — ölüm.

²²Ama şіndі, açan günahtan boşanmışsınız hem Allaha çırak oldunuz, bundan faydanız var: ayozlukta yaşêêrsınız, hem bunun sonu — dіveç yaşamak.

²³Zerä günahın ödää ölümdür, ama Allahtan baaşış — dіveç yaşamak Saabіmіzdä İіsus Hrіstozda.