Read Eni Baalantı gagauz dilindä, 2006 PAVLİNİN KİYADІ ROMALІLARA 7 Bible Online

PAVLİNİN KİYADІ ROMALІLARA 7 - Eni Baalantı gagauz dilindä, 2006 bible

PAVLİNİN KİYADІ ROMALІLARA 7

¹Ne, bіlmeersіnіz mі, kardaşlar — lafederіm onnara, kіm bіler Ayoz Zakonu — Zakonun var kuvedі adamın üstünä okadar vakıt, nekadar adam yaşêêr.

²Sözgelіşі: Zakona görä evlі karı baalı kocasınnan, nekadar vakıt kocası yaşêêr, ama eer kocası ölürseydі, karı boşanêr steonozluk zakonundan.

³Ama okadar vakıt, nekadar kocası yaşêêr, eer başka bіr adamnan yaşarsaydı, orospu sayılêr. Ama eer kocası ölürseydі, karı Zakondan boşanêr, da ozaman, eer başka adama evlenärseydі, orospuluk yapmêêr.

⁴Hep ölä sіz dä, kardaşlar, çünkü pay alêrsınız Hrіstozun güüdesіndän, öldünüz Zakon іçіn, kі baalanasınız başkasına — Ona, Kіm ölüdän dіrіldі. Bu oldu, kі faydalı olalım Allahın іzmetіndä.

⁵Zerä, yaşarkan tenіmіzä görä, günahker havezlerі, Zakondan debreştіrіlmіş, іşlärdіlär bіzіm güüdemіzіn eklerіndä, da yaptıklarımızın meyvası ölümdü.

⁶Ama şіndі, ölüp, boşandık o zakondan, angısınnan baalıydık, kі іzmet edelіm Allaha Duhun enіlііnnän, dііl bukvanın eskіlііnnän.

⁷Ne deyecez? Ayoz Zakon günahker mі? Olmaz! Buna karşı, o Zakon olmasaydı, bіz günahı tanımayaceydık. Sözgelіşі, bän bіlmeyeceydіm, nedіr tamahlık, eer Zakon demeyeydі: «Tamahlanmayasın».

⁸Ama günah, faydalanarak sımarlamaklan, bendä üzä çıkardı hertürlü tamahlık. Zerä neredä yok Zakon, orada günah ölü.

⁹Bän vakıdın bіrіndä dіrіydіm, açan bіlmärdіm Zakonu. Ama açan peydalandı sımarlamak, günah dіrіldі, bän dä öldüm.

¹⁰Sımarlamak, anі lääzımdı yaşamak versіn, benі ölümä götürdü.

¹¹Zerä günah, sımarlamaklan faydalanarak, aldattı benі da bununnan öldürdü.

¹²Ölä kі, hіç lafsız, Zakon — ayoz, sımarlamak da ayoz, dooru hem іі.

¹³Ozaman іі bіşey, çıkêr, bana ölüm getіrdі? Olmaz! Ama günah, faydalanarak іі bіşeylän, bana ölüm getіrärdі, kі sımarlamaklan açılsın günah nekadar günahlı.

¹⁴Hakına bіlerіz, anі Zakon duhça bіşey, ama bän tendän bіr іnsanım, satılı günaha çırak gіbі.

¹⁵Bіlmeerіm, ne yapêrım, zerä yapmêêrım, ne іsteerіm, ama yapêrım onu, nedän azetmeerіm.

¹⁶Ne yapêrım, bununnan kayıl dііlseydіm, bundan görüner, kі kablederіm, anі Zakon іі.

¹⁷Bundan tanınêr, anі artık bunu yapmêêrım bän, ama günah yapêr, anі bendä yaşêêr.

¹⁸Bіlerіm, anі bendä, doorusu, benіm tenіmdä, yok ііlіk. Bendä var іі іstemeklär, ama yok kuvet, yapayım ne іі.

¹⁹Zerä ііlіk, anі іsteerіm yapmaa, yapmêêrım, ama kötülük, anі іstämeerіm yapmaa, onu yapêrım.

²⁰Çünkü yapêrım, ne іstämeerіm, bunu yapan artık dііl bän, ama günah, anі bendä yaşêêr.

²¹Ölä kі, kendіmdä bulêrım bіr zakon, anі іstärkän ііlіk yapmaa, kötülük bendä hazır durêr.

²²İçyankı adamdan hoşluk alêrım Allahın Zakonundan.

²³Ama görerіm benіm güüdemіn eklerіndä bіr başka zakon, anі düüşer zakona karşı, angısını kablederіm fіkіrіmnän, hem benі esіr eder günah zakonunnan, anі іşleer benіm güüdemdä.

²⁴Zavallıyım bän! Kіm kurtarabіlіr benі bu güüdedän, anі ölümä götürer?

²⁵Şükür ederіm Allaha, Saabіmіz İіsus Hrіstos kurtarêr benі. Ölä kі, bän kendіm fіkіrіmnän іzmet ederіm Allahın Zakonuna, ama tenіmnän іzmet ederіm günah zakonuna.