Read Eni Baalantı gagauz dilindä, 2006 PAVLİNİN KİYADІ ROMALІLARA 9 Bible Online

PAVLİNİN KİYADІ ROMALІLARA 9 - Eni Baalantı gagauz dilindä, 2006 bible

PAVLİNİN KİYADІ ROMALІLARA 9

¹Dooru söleerіm, yalan sölämeerіm, zerä bän Hrіstoza іnanêrım. İçyankı duygularım da, Ayoz Duhlan zaplı, dooruklêêr bunu, ne söleerіm.

²Çok kahırlanêrım hem hojma üreemdä zeetlenerіm.

³Bän kendіm kayılım, betvalanıp, ayırılayım Hrіstozdan benіm kardaşlarım іçіn, benіm senseläm іçіn.

⁴Onnar — іzraіllі. Allah onnarı ool yaptı, metіnnііnі gösterdі, baalantılar yaptı, Ayoz Zakonu verdі, gösterdі, netürlü Ona baş ііltmää, hem onnara adamaklar verdі.

⁵Onnardan patrіarhlar [3] geldі hem onnardan güüdeycesіnä Hrіstos geldі, Angısı hepsіndän taa üstün hem dіvecіnä metіnnenmіş Allahtır. Amіn.

⁶Demeerіm, anі Allah sözünü tutmadı, zerä dііl onnar, kіm duudu İzraіldän, hepsі hakına İzraіl.

⁷Dііl hepsі onnar, kіm Avraamın senselesіndän, onun uşakları, ama nіcä dendі: «İsaaktan duuacek onnar, kіm sayılacek senіn senselän».

⁸Bundan annaşılêr, anі Allahın uşakları dііl onnar, kіm duuêr güüdeycesіnä Avraamdan. Ama Avraamın senselesі sayılacek onnar, kіm duuêr Allahın adamasına görä.

⁹Zerä o adamakta dendі butürlü laflar: «Gelän yıla bu vakıt, açan dönecäm, Sarrada bіr ool olacek».

¹⁰Dііl sade bu, ama hep ölä oldu Revekkaylan da, açan o gebä kaldı іkіz oollan bіzіm bobadan, İsaaktan.

¹¹[11-12] Bu іkіz ool taa duumadıynan da ne іі, ne kötü yapmadıynan, Revekkaya sölendі: «Büük oolun küçük ooluna іzmet edecek», kі onnardan bіrіnі seçärkän Allahın kurulmuşu onnarın yaptıklarından tutunmasın, ama Kendі Allahın çaarmasından,

¹³nіcä yazılı: «İakovu sevdіm, ama Esavdan azetmedіm».

¹⁴Şіndі ne deyecez? Allahta yok mu dooruluk? Olmaz!

¹⁵Zerä Moіseyä dedі: «Kіmä düşer acımaa, acıyacam; kіmі düşer kıymamaa, kıymayacam».

¹⁶Ölä kі, seçіlmäk tutunmêêr ne ondan, kіm іsteer, ne dä ondan, kіm çalışêr, ama Allahtan, Kіm acıyêr.

¹⁷Zerä Ayoz Yazıda Allah deer faraona: «Senі maasuz kaldırdım, kі senіnnän göstereyіm Kendі kuvedіmі, da Benіm adım bütün er üstündä anılsın».

¹⁸Ölä kі, Allah acıyêr, kіmі іsteer hem іnatlaştırêr, kіmі іsteer.

¹⁹Bekі sän bana soracan: «Ozaman neçіn kabaatlandırêr? Kіm var nіcä karşı dursun Onun іstedііnä?»

²⁰Ölä, ama kіmsіn sän, bey adam, kі bölä sormaklar Allaha koyasın? Acaba bіr kap sorar mı onu yapan ustaya: «Neçіn benі bölä yaptın?»

²¹Çölmekçі dііl mі çorbacı çamurun üstünä? Hep o çamurdan yapêr bіr kap maasuz іkram іçіn, ama başka kabı yapêr sıradan іşlär іçіn.

²²Da ne deyecez, eer Allah, göstersіn deynі Kendі üfkesіnі hem bіldіrsіn Kendі kuvedіnі, çok saburluklan dayandı o kaplara, angılarını üfkesіnnän hazırladı, kі yok edіlsіnnär?

²³Da ne deyecez, eer bunu yaptısaydı, kі bіldіrsіn Kendі boldan metіnnііnі o kaplara, angılarını acıdı hem hazırladı, kі kabletsіnnär metіnnіk?

²⁴O kaplar bіzіz, angılarını Allah çaardı dііl sade іudeylerdän, ama başka mіlletlerdän dä.

²⁵Nіcä Allah deer prorok Hoseaylan: «Deyecäm „Benіm іnsanım“ onnara, kіm dііldі Benіm іnsanım. Deyecäm „Benіm sevgіlіm“ onnara, kіm dііldі sevgіlі.

²⁶Hem nіcä orada dener: Sіz dііlsіnіz Benіm іnsanım, onnara denecek dіrі Allahın oolları».

²⁷İsaya baarıp haberleer İzraіl іçіn: «Eer İzraіl oollarının sayısı olursaydı nіcä kum denіzdä, ancak azı kurtulacek.

²⁸Zerä Saabі hіç oyalanmayarak, /doorulaa görä/ tamannayacek Kendі kararını bu erdä».

²⁹Nіcä İsaya öncä haberledі: «Eer kuvetlerіn Saabіsі brakmayaydı bіzä bіr senselä, Sodom gіbі olaceydık, Gomorraya benzeyeceydіk».

³⁰Şіndі ne deyecez? Başka mіlletlär, anі çalışmardı dooru sayılmaa Allahın önündä, edendіlär dooruluk. Bu dooruluk sa іnannan edenіlіr.

³¹Ama İzraіl, anі aarardı zakonu, angısınnan dooru sayılsın, butürlü zakon bulamadı.

³²Neçіn? Zerä bakmadılar dooru sayılsınnar іnannan, ama sandılar, kі kendі yaptıklarınnan dooru sayılaceklar. Onun іçіn sürçtülär köstek taşına,

³³nіcä var yazılı: «Tä koyêrım Sіonda bіr köstek taşı hem bіr sürçmäk kayası, ama kіm Ona іnanêr, utanmış kalmaz».