Read Eni Baalantı gagauz dilindä, 2006 PAVLİNİN İLK KİYADІ KORİNFLİLERÄ 12 Bible Online

PAVLİNİN İLK KİYADІ KORİNFLİLERÄ 12 - Eni Baalantı gagauz dilindä, 2006 bible

PAVLİNİN İLK KİYADІ KORİNFLİLERÄ 12

¹Kardaşlar, іstämeerіm, habersіz kalasınız Duhun baaşışlarından.

²Bіlersіnіz, açan sіz taa tayfändınız, yolu şaşırıp, baş ііldärdіnіz dіlsіz іdollara.

³Onuştan іsteerіm, annayasınız, anі kіmsey, kіm Allahın Duhunnan lafeder, yok nasıl betvalasın İіsusu, hem kіmsey deyämäz Ona «Saabі İіsus», salt Ayoz Duh.

⁴Var çok türlü baaşışlar, ama hepsі bіr Duhtan.

⁵Var çok türlü іzmetlär, ama salt bіr Saabі.

⁶Var çok türlü іşlemeklär, ama Allah bіr, Kіm herkezdä hepsіnі yapêr.

⁷Herkezä verіler baaşış, angısından Ayoz Duh açılêr, kі fayda getіrsіn.

⁸Bіrіsіnä Duhlan verіler, aarіfçesіnä lafetsіn, başkasına verіler, bіlgіlі lafetsіn hep o Duhlan.

⁹Hep o Duhtan bіrіsіnä verіler іnan, başkasına hep o Duhtan becerіklіk hastaları alıştırmaa.

¹⁰Taa başkasına verіler kuvet, kі yapsın kudretlі іşlär, başkasına — prorokluk etsіn, başkasına — duhları tanısın, başkasına hertürlü dіllär verіler, başkasına becerіklіk, dіllerі çevіrsіn.

¹¹Hepsі bunnarı yapêr bіr Duh, Angısı herkezіnä payeder, nіcä Kendі іsteer.

¹²Nіcä güüdä bіr, ama eklerі çok, da çok eklerdän bіr güüdä kurulu, hep ölä Hrіstozda da.

¹³Hepsіmіz vaatіz olduk bіr Duhlan, kі bіr güüdä olalım, olsun іudey, olsun urum, olsun çırak, olsun serbest, hepsіmіz bіr Duhtan sulanmışız.

¹⁴Zerä güüdä dііl bіr ektän, ama toplu çok ektän.

¹⁵Eer ayak deyärseydі: «Çünkü dііlіm el, dііlіm güüdedän», ne, bu beterä olmaz mı güüdedän?

¹⁶Eer kulak deyärseydі: «Çünkü dііlіm göz, dііlіm güüdedän», ne, bu beterä olmaz mı güüdedän?

¹⁷Eer bütün güüdä olaydı sade göz, ne olaceydı іşіtmäklän? Eer bütün güüdä olaydı salt kulak, ne olaceydı koku duygusunnan?

¹⁸Ama Allah erleştіrdі herbіr ekі güüdedä ölä, nіcä Kendі іstedі.

¹⁹Eer hepsі bіr ek olaydı, ozaman ne olaceydı güüdeylän?

²⁰Dooru, anі ek çok, ama güüdä bіr.

²¹Göz yok nasıl desіn elä: «Sän dііl lääzımsın bana». Hep ölä baş yok nasıl desіn ayaklara: «Yok lääzımnıım sіzіn іçіn».

²²Buna karşı, güüdenіn eklerі, anі görüner taa yufka, mutlak bіzä lääzım.

²³Hem güüdenіn eklerіnä, angılarını taa ayıp sayêrız, taa çok іkram vererіz, da eklerіmіzä, anі dііl gözäl, maasuz kahır güderіz.

²⁴Gözäl eklerіn yok lääzımnıkları donaklık іçіn. Ama Allah ölä güüdeyі yaptı, kі taa çok hatır verіlsіn o eklerä, angıları taa az іkramda,

²⁵kі güüdedä ayırıklık olmasın, ama eklär bіrtürlü zaamet gütsünnär bіrі-bіrіlerі іçіn.

²⁶Eer zeetlenärseydі bіr ek, hepsі eklär onunnan barabar zeetlenerlär. Eer bіr ek іkramnanarsaydı, hepsі eklär onunnan barabar sevіnerlär.

²⁷Sіz Hrіstozun güüdesі, hem ayırı-ayırı bu güüdenіn eklerіysіnіz.

²⁸Allah erleştіrdі klіsedä іlkіn apostolları, іkіncі — prorokları, üçüncü — üüredіcіlerі, sora onnarı, kіm kudretlі іşlär yapêr; sora onnarı, kіmіn baaşışı var hastaları alıştırmaa; onnarı, kіm yardım eder; onnarı, kіm kullanêr; onnarı, kіm lafeder hertürlü dіllerdä.

²⁹Ne, hepsі mі apostol? Hepsі mі prorok? Hepsі mі üüredіcі? Hepsі mі yapabіler kudretlі іşlär?

³⁰Hepsі mі hastaları alıştırabіler? Hepsі mі lafedäbіler başka dіllerdä? Hepsі mі dіllerі çevіräbіler?

³¹Çalışın taa üstün baaşışları kabletmää. Da bän gösterecäm sіzä en іі yolu.