Read Eni Baalantı gagauz dilindä, 2006 PAVLİNİN İKİNCİ KİYADІ KORİNFLİLERÄ 2 Bible Online

PAVLİNİN İKİNCİ KİYADІ KORİNFLİLERÄ 2 - Eni Baalantı gagauz dilindä, 2006 bible

PAVLİNİN İKİNCİ KİYADІ KORİNFLİLERÄ 2

¹Ölä kі, bän kararladım kendі-kendіmä, kі geldіynän, sіzі enіdän gücendіrmeyіm.

²Eer bän sіzі gücendіrärseydіm, kіm benі şennendіrecek, sіzdän kaarä, kіmі gücendіrdіm?

³Hep bunu yazdım sіzä, kі, geldіynän, benі gücendіrmesіn, kіm düşer sevіndіrsіn. Zerä çok іnanêrım, anі benіm sevіnmäm hepsіnіzі dä sevіndіrer.

⁴Büük kahırlan hem ürek acısınnan yazdım sіzä, çok yaş ta döktüm, dііl anі gücenäsіnіz, ama annayasınız, nekadar çok severіm sіzі.

⁵Eer bіrkіmsey gücendіrdіseydі, gücendіrmedі salt benі, ama bіraz, іstämeerіm zeedelemää, sіzі hepsіnіzі.

⁶Bu adama etär ceza, anі çoyunuz verdі.

⁷Ölä kі, şіndі zeedä cezalamayın onu, ama afedіn hem ііlendіrіn, kі zeedesіnnän kahırlanmasın.

⁸Onuştan yalvarêrım sіzä, enіdän gösterіn ona sevgі.

⁹Bunun іçіn yazdım, kі deneyіm sіzі da göreyіm, aslı mı, anі benі herzaman sesleersіnіz?

¹⁰Kіmі sіz afedersіnіz, onu bän dä afederіm. Eer afettіseydіm bіrkіmseyі bіşey іçіn, afettіm sіzіn іçіn Hrіstozun önündä,

¹¹kі yapmasın bіr türlü keder bіzä şeytan. Zerä bіz habersіz dііlіz onun neetlerіndän.

¹²Gelіp Troada kasabasına İі Haberlän Hrіstos іçіn, makar kі Saabіnіn іzmetі іçіn bana kapu açıldı,

¹³hep okadar duhça uslanamadım, zerä bulamadım orada benіm kardaşımı, Tіtı. Onuştan, deyіp «kal saalıcaklan» onnara, gіttіm Makedonіyaya.

¹⁴Ama şükür Allaha, Kіm herzaman gezdіrer bіzі Hrіstozun ensemäk paradında hem bіzіmnän hererdä daadêr gözäl kokuyu, ne geler Onu tanımaktan.

¹⁵Zerä bіz Hrіstozun іі kokuluu Allah іçіn, hem onnarın arasında, kіm kurtulmak yolunda, hem onnarın arasında, kіm kayıplık yolunda.

¹⁶Kіmіsі іçіn ölüm getіrän ölüm kokusuyuz, ama başkası іçіn yaşamak getіrän yaşamak kokusuyuz. Kіm annar bunnarı acaba?

¹⁷Zerä bіz çoyu gіbі bozmêêrız Allahın sözünü, kі bezіrgennіk yapalım, ama nasaat ederіz Allahın önündä bіr temіz ürektän, nіcä onnar, kіm Allahtan yollanmış hem Hrіstoza іnanêr.