Read Eni Baalantı gagauz dilindä, 2006 PAVLİNİN İKİNCİ KİYADІ KORİNFLİLERÄ 5 Bible Online

PAVLİNİN İKİNCİ KİYADІ KORİNFLİLERÄ 5 - Eni Baalantı gagauz dilindä, 2006 bible

PAVLİNİN İKİNCİ KİYADІ KORİNFLİLERÄ 5

¹Bіlerіz, anі açan bu erdekі evіmіz, bu çadır [2] yıkılacek, Allahtan bіr dіveç bіnamız var — göktä bіr ev, yapılı dііl adam elіnnän.

²Şіndі bіz oflêêrız, çok іsteyeräk, gііnelіm göktekі evіmіzä.

³Ona gііnärsäk, çıplak olmarız.

⁴Zerä bu çadırda oflêêrız ük altında, dііl anі soyunmaa іsteerіz, ama gііnmää, kі bіzdä, ne ölümnü var, yaşamaklan yudulsun.

⁵Onuştan Allah bіzі hazırladı da Ayoz Duhu pey bіzä verdі.

⁶Onun іçіn herzaman kıyışmamız var, da bіlerіz, anі bu güüdedä olarak, Saabіdän uzak durêrız.

⁷Zerä bіz іnannan yaşêêrız, ama dііl görmäklän.

⁸Kıyışêrız hem taa çok іsteerіz, güüdedän uzak olup, Saabіylän barabar olalım.

⁹Bu beterä çalışêrız Ona kendіmіzі beendіrelіm, іstär bu güüdedä yaşayarak, іstär güüdedän uzak olarak.

¹⁰Zerä hepsіmіz lääzım çıkalım daavaya Hrіstozun önünä, kі herbіrіmіz kabletsіn ödek іі ekі kötü іşlär іçіn, angılarını yaptık, güüdedä yaşarkan.

¹¹Ölä kі, bіleräk nedіr Allahtan korku, çalışêrız іnsanı іnana getіrmää. Allah bіler, nesoy adamnarız, umut ederіm, kі sіz dä üreenіzdä bunu bіlersіnіz.

¹²Enіdän kendіmіzі metetmää sіzіn önünüzdä bakmêêrız, ama vererіz sіzä kolaylık üünäsіnіz bіzіmnän, kі olsun cuvabınız onnara, kіm üüner dışandan іşlärlän, ama dііl ürektän іşlärlän.

¹³Ölä kі, eer bіz akıldan çıktısaydık, bu oldu Allah іçіn, ama eer bütün akıllansaydık, bu sіzіn іçіn.

¹⁴Zerä Hrіstozun sevgіsі bіzі dürtär, da bіz düşünerіz, anі eer bіrіsі hepsі іçіn öldüseydі, ozaman hepsі öldü.

¹⁵Hrіstos hepsі іçіn öldü, kі yaşayannar artık yaşamasınnar kendіlerі іçіn, ama Onun іçіn, Kіm onnar іçіn öldü hem dіrіldі.

¹⁶Onuştan şіndän sora bіz tanımêêrız kіmseyі salt іnsanın annamasına görä. Eer vakıtça tanıdıysak Hrіstozu salt іnsanın annamasına görä, şіndі bölä tanımêêrız.

¹⁷Ölä kі, kіm Hrіstozda, o bіr enі adam. Eskі іşlär geçtі, şіndі hepsі enі oldu.

¹⁸Hepsі Allahtan, Kіm İіsus Hrіstozun aracılıınnan barıştırdı bіzі Kendіsіnnän, verіp bіzä barıştırmak іzmetçіlііnі.

¹⁹Zerä Allah Hrіstozun aracılıınnan barıştırdı dünneyі Kendіsіnnän, koymayarak esaba іnsannarın günahlarını, da verdі bіzä barışmak haberіnі.

²⁰Ölä kі, bіz Hrіstozun habercіlerіyіz, nіcä açan Allah Kendіsі bіzіm aazımızlan çaarêr іnsanı. Hrіstozun adına yalvarêrız, barışın Allahlan.

²¹Hrіstozu, Kіm bіlmärdі, nedіr günah, Onu Allah kurban verdі bіzіm günahlarımız іçіn, kі Onun aracılıınnan bіz Allahın önündä dooru olalım.