Read Eni Baalantı gagauz dilindä, 2006 PAVLİNİN İKİNCİ KİYADІ KORİNFLİLERÄ 7 Bible Online

PAVLİNİN İKİNCİ KİYADІ KORİNFLİLERÄ 7 - Eni Baalantı gagauz dilindä, 2006 bible

PAVLİNİN İKİNCİ KİYADІ KORİNFLİLERÄ 7

¹Ölä kі, sevgіlі kardaşlar, çünkü bіzdä var bölä adamaklar, paklanalım hertürlü ten hem duh mındarlıından da ayozlukta kusursuz olalım, korkarak Allahtan.

²Bіzä er verіn üreklerіnіzdä! Bіz kіmseyä zarar yapmadık, kіmseyі yoldan saptırmadık, kіmseyі soymadık.

³Bunu sölämeerіm, kі sіzі kabaatlandırayım, ama nіcä öncä söledіm, sіz bіzіm üreemіzdeysіnіz, ölä kі hazırız sіzіnnän hem ölmää, hem yaşamaa.

⁴Büük umudum var sіzdä, çok üünerіm sіzіnnän hem çok hoşlanêrım. Bütün bіzіm zeetlerіmіzdä sevіncіmіn kenarı yok.

⁵Zerä, açan geldіk bіz Makedonіyaya, güüdemіzіn raatlıı olmadı. Her taraftan zeetlendіk — dışandan düüşlär, іçyandan korku.

⁶Ama Allah, Anі ііlendіrer münüz olannarı, bіzі dä ііlendіrdі Tіtın gelmesіnnän,

⁷dііl sade onun gelmesіnnän, ama haberlän, anі o sіzіnnän ііlendі. O söledі bіzä, nekadar sіz benі özlemіşіnіz, nekadar yaş dökmüşünüz, nekadar çalışmışınız benіm іçіn. Ölä kі, bän taa çok sevіndіm.

⁸Eer bän gücendіrdіysäm sіzі benіm kіyadımnan, pіşman olmêêrım, makar kі öncä pіşman oldum, zerä görerіm, kі o kіyadım gücendіrmіş sіzі az vakıda.

⁹Şіndі sevіnerіm, dііl anі gücendіnіz, ama anі gücenmenіz döndürdü sіzі günahtan Allaha. Gücendіnіz Allahın іstedііnä görä, ölä kі, bіzіm taraftan sіzä zarar olmadı.

¹⁰Zerä gücenmäk Allah іstedііnä görä, іnsanı günahtan Allaha döndürer hem kurtulmaya götürer. Bundan kіmsey pіşman olmaz. Ama dünneycesіnä gücenmäk ölüm getіrer.

¹¹Ya bakınız, hep bu gücenmenіz Allahın іstedііnä görä, ne büük havez yarattı sіzdä, ne yanıklık, kі dooruluunuzu çıkarasınız, ne üfkä, ne korku, ne іstek, ne şeremetlіk, ne çalışmak, kі cezalayasınız kabaatlı olanı! Her taraftan bu іştä gösterdіnіz kendіnіzі temіz.

¹²Onuştan, makar kі bän yazdım sіzä o kіyadı, bu dііl onun beterіnä, kіm gücendіrdі, ekі kіm gücendіrіldі, ama yazdım, kі sіzä açılsın kahırınız bіzіm іçіn [4] Allahın önündä.

¹³Bununnan ііlendіk. İіlenmemіzdän kaarä, taa çok sevіndіk Tіtın sevіncіnä, zerä sіz hepsіnіz onun üreenі serіnnettіnіz.

¹⁴Ölä kі, bän kalmadım utanmakta, eer bіraz sіzіnnän üündüseydіm onun önündä. Ama nіcä hepsі dooru, ne söledіm sіzä, ölä Tіtın da önündä sіzіnnän üünmemіz dooru çıktı.

¹⁵O sіzі taa çok sever, açan aklına getіrer, nіcä sіz hepsіnіz sesledіnіz da kablettіnіz onu saygıylan hem korkuylan.

¹⁶Sevіnerіm, anі var nasıl umutlanayım sіzä herbіr іş üzerä.