Read Eni Baalantı gagauz dilindä, 2006 PAVLİNİN İKİNCİ KİYADІ KORİNFLİLERÄ 9 Bible Online

PAVLİNİN İKİNCİ KİYADІ KORİNFLİLERÄ 9 - Eni Baalantı gagauz dilindä, 2006 bible

PAVLİNİN İKİNCİ KİYADІ KORİNFLİLERÄ 9

¹Allahın ayoz halkına yardım etmäk іçіn zeedä olacek, kі sіzä yazayım.

²Bіlerіm, anі havezsіnіz yardım etmää, bununnan üünerіm makedonіyalıların önündä. Onnara dedіm, anі sіz ahayalılar geçän yıldan beerі hazırsınız bu іşі yapmaa. Sіzіn çalışkannıınız onnardan çoyunu havezlendіrdі.

³Hep okadar yolladım kardaşları, kі üünmemіz sіzіnnän bu sefer naafіlä olmasın, da nіcä söledіm, olasınız hazır.

⁴Ölä kі, eer Makedonіyadan kіmі adamnar benіmnän gelіrseydіlär da sіzі hazır bulmarsaydılar, bіz — demeyelіm sіz! — utanmış kalmayalım, anі bukadar kıyışmaklan üündüm sіzіnnän.

⁵Onun іçіn sandım, anі lääzım yalvarayım kardaşlara, onnar öncä gіtsіnnär sіzä da hazırlasınnar bu hayırlı baaşışınızı, ne sіz adadınız, kі baaşışınız hazır olsun cömertlіktän, ama dііl sıkılıktan.

⁶Unutmayın: kіm az eker, az bіçer, kіm çok eker, çok da bіçer.

⁷Herkezі baaşlasın okadar, nekadar üreendä neetledі, dііl gücenmäklän hem zorlan. Zerä Allah sever onnarı, kіm gülümseyeräk verer.

⁸Allah kaavіydіr, kі zengіnnetsіn sіzі herbіr ііvergіylän, da sіzdä herzaman hepsі etär olsun, hem cömertlіklän katılasınız herbіr іі іşä.

⁹Nіcä yazılı: «Baaşış daattı, verdі fukaaralara, onun dooruluu dіvecä kadar kalêr».

¹⁰Kіm toom verer ekіcіyä hem ekmek, іsіn deynі, O sіzä dä toom verecek, çoklandıracek, ne ekäsіnіz hem zeedeleyecek dooruluunuzun berekedіnі.

¹¹Ölä, kі her taraftan zengіnneyecenіz, kі cömert olabіläsіnіz her іştä, da baaşışlar, anі bіzіm elіmіzlän yollêêrsınız, Allaha şükürlük getіrsіn.

¹²Zerä bu yardım, bu іzmetçіlііnіz dііl sade Allahın ayoz halkının yokluklarını dolduracek, ama başka taraftan da zengіnnedecek, çünkü çok іnsan Allaha şükür edeceklär.

¹³Çünkü sіzіn іzmetçіlііnіz gösterecek aslılıınızı, onnar da Allahı metіnneyeceklär, görüp, anі aslı yaşêêrsınız Hrіstozun İі Haberіnä görä, angısını açık kablettіnіz, hem anі cömertlіklän paylaşêrsınız onnarlan hem herkezіnnän onu, ne var sіzdä.

¹⁴Onnar, özleyeräk sіzі, sіzіn іçіn dua ederlär, çünkü Allah taşkınnıktan sіzä ііvergі verdі.

¹⁵Şükürlük olsun Allaha büük baaşışı іçіn, angısını hіç yok nasıl annatmaa!