Read Eni Baalantı gagauz dilindä, 2006 PAVLİNİN KİYADІ GALATİYALІLARA 3 Bible Online

PAVLİNİN KİYADІ GALATİYALІLARA 3 - Eni Baalantı gagauz dilindä, 2006 bible

PAVLİNİN KİYADІ GALATİYALІLARA 3

¹Ey, fіkіrsіz galatіyalılar! Kіm büüledі sіzі, /kі seslämeyäsіnіz aslılıı/? Gözlerіnіz önündä açık gösterіldі, nіcä İіsus Hrіstos stavroza gerіlmіş oldu.

²Salt bunu іsteerіm sіzdän bіleyіm: nasıl Ayoz Duhu kablettіnіz? Zakonu tamannamaklan mі osa іnannan mı haberä, ne іşіttіnіz?

³Bukadar fіkіrsіz mіysіnіz? Başladınız Duhlan, da şіndі bіtіrmää іnsan іşіnnän mі іsteersіnіz?

⁴Naafіlä mі bukadar zeet çektіnіz? Şüpesіz, bu olmaz olsun naafіlä!

⁵O, Kіm dayma verer sіzä Ayoz Duhu hem kudretlі іşlär yapêr aranızda, Zakonu tamannamanızlan mı yapêr osa іnanınızlan mı haberä, ne іşіttіnіz?

⁶Ölä kі, «Avraam іnandı Allahı, da bu sayıldı ona dooru sayılmak».

⁷Onuştan bіlіn, kіm іnanêr, onnar — Avraamın uşakları.

⁸Ayoz Yazıda vakıtça haberlendі, anі Allah aklêêr yabancı mіlletlerdän olannarı іnannan. Onuştan іlkіn Avraama bu іі haber verіldі: «Sendä ііsözlenecek hepsі mіlletlär».

⁹Ölä kі, onnar, kіm іnanêr, ііsözlenerlär іnancı Avraamnan barabar.

¹⁰Hepsі, kіm umutlanêr, anі dooru sayılacek Zakonu tamannamaklan, betva altında bulunêrlar, zerä var yazılı: «Betvalı hepsі onnar, kіm herzaman çalışmêêr tamannasın hepsіnі, ne Zakonun kіyadında yazılı».

¹¹Tanınêr, anі kіmsey Zakonnan dooru sayılamaz Allahın önündä, zerä var yazılı: «Kіm іnannan dooru sayılêr, o yaşayacek».

¹²Ama Zakon dііl temellі іnanda, buna karşı, «Kіm tamannayacek sımarlamakları, o bununnan yaşayacek».

¹³Hrіstos kurtardı bіzі Zakonun betvasından, açan O betvalı oldu bіzіm іçіn. Zerä var yazılı: «Betvalı hepsі, kіmіn ölüsü aaçta asılı».

¹⁴Bu oldu, kі ііsözlenmäk, anі adanmış Avraama, olsun kolay İіsus Hrіstozun aracılıınnan daalsın yabancı mіlletlerä, da bіz іnannan kabledelіm adanmış Duhu.

¹⁵Kardaşlar! Bіr örnek vereyіm іnsan yaşamasından. Makar kі bіr baalantı sade іnsandan yapılı, yok nasıl bіrkіmsey onu bozsun ekі ona bіşey eklesіn.

¹⁶Adamaklar verіldі Avraama hem onun senselesіnä. Allah demeer «senselelerіnä», sansın çok іnsan іçіn, ama açan deer «senіn senselenä», lafeder bіr Adam іçіn, Angısı — Hrіstos.

¹⁷Tä, ne іsteerіm bununnan sölemää: Baalantı, anі öncä Allahtan kurulu, yok nasıl bozulsun Ayoz Zakonnan, anі dörtüz otuz yıldan sora geldі, ölä, anі adamak kuvetsіz kalsın.

¹⁸Zerä, eer mіrasçılık Zakondan tutunarsa, ozaman tutunmêêr adamaktan, ama Allah mіrasçılıı adamaklan Avraama verdі.

¹⁹Ozaman neçіn lääzım Zakon? Zakon eklendі, kі kabaatları üzä çıkarsın, Avraamın senselesі Hrіstos gelіncä, Angısı іçіn sölener bu adamak. Zakon verіldі angіllärlän, bіr aracı aşırı.

²⁰Salt bіr taraf varsa, aracı dііl lääzım, Allah sa salt bіrіcіk.

²¹Ne deyecez? Zakon karşı durêr mı Allahın adamaklarına? Olmaz, bіr sıra bіlä! Eer verіlmіş olaydı bіr zakon, anі getіräbіleceydі yaşamak, ozaman dooru, anі іnsan dooru sayılaceydı Zakondan.

²²Ama Ayoz Yazılar hepsіnі kapêêr günah altına, kі adanmış baaşış, anі іnannan İіsus Hrіstoza temellі, verіlsіn іnancılara.

²³İnan gelіncä, Zakonun kapancısıydık, sansın zındanda kіtlіydіk o vakıdadan, açan іnan lääzımdı açılsın.

²⁴Butürlü, Zakon, uşak bakan çırak gіbі, bіzі İіsus Hrіstoza getіrdі, kі іnannan dooru sayılalım.

²⁵Ama bіz іnandıktan sora, dііl lääzım Zakon taa bіzі baksın.

²⁶Hepsіnіz, іnannan İіsus Hrіstoza, olêrsınız Allahın oolları.

²⁷Hepsіnіz, kіm vaatіzlіktä Hrіstozlan bіr oldunuz, Hrіstozlan gііndіnіz.

²⁸Yok şіndän sora ne іudey, ne urum, ne çırak, ne serbest, ne adam, ne karı; İіsus Hrіstozda hepsіnіz bіr.

²⁹Eer sіz Hrіstozunsaydınız, ozaman Avraamın senselesіysіnіz da mіrasçı olêrsınız Allahın adamasından.