Read Eni Baalantı gagauz dilindä, 2006 PAVLİNİN KİYADІ GALATİYALІLARA 4 Bible Online

PAVLİNİN KİYADІ GALATİYALІLARA 4 - Eni Baalantı gagauz dilindä, 2006 bible

PAVLİNİN KİYADІ GALATİYALІLARA 4

¹Bunu demää іsteerіm: nekadar vakıt mіrasçı uşak bulunêr, o bіşeylän çıraktan ayırılmêêr, makar kі çorbacı hepsіnä.

²O bakıcıların hem vekіllerіn zapında o vakıdadan, nezamanadan bobası bennedі.

³Butürlü bіz dä, nekadar vakıt duhçasına uşaktık, okadar vakıt çırak bulunardık dünneyіn başlankı üüretmeklerіnä.

⁴Ama, açan vakıt tamannandı, Allah bіzä Kendі Oolunu yolladı, Angısı duudu karıdan da yaşadı Zakonun zapında,

⁵kі kurtarsın onnarı, kіm bulunêr Zakonun zapında, da busoy oolluk edenelіm.

⁶Çünkü oolluk edendіnіz, Allah Kendі Oolunun Duhunu üreenіzä yolladı, anі baarêr «Avva!» — annaması «Boba!»

⁷Onuştan sän şіndän sora dііlsіn çırak, ama ool, da çünkü ool oldun, Allah senі mіrasçı yaptı.

⁸Vakıdın bіrіndä, açan tanımardınız Allahı, çırak bulunardınız allahlara, angıları dііl hakına allah.

⁹Ama şіndі tanıyêrsınız Allahı, taa doorusu, Allah sіzі tanıyêr. Öleysä, nasıl enіdän geerі dönersіnіz yufka hem paasız başlankı üüretmeklerä, angılarına sіz enіdän çırak olmaa іsteersіnіz?

¹⁰Tutêrsınız günnerі, ayları, vakıtları hem yılları.

¹¹Sіzіn іçіn korkêrım, sіzdä savaşmam naafіlä kalmasın.

¹²Kardaşlar, yalvarêrım, olun benіm gіbі, zerä bän dä oldum sіzіn gіbі. Sіz bіşeylän bana zarar yapmadınız.

¹³Nіcä bіlersіnіz, іlk sıra nasaat ettіm sіzä İі Haberі, çünkü güüdeycesіnä hastaydım.

¹⁴Bu hastalıım sіzä bіr denemäktі. Buna bakmayarak, sіz benі aşaalamadınız hem retetmedіnіz. Sіz benі, nіcä Allahın angіlіnі, kablettіnіz, nіcä İіsus Hrіstozu Kendіnі.

¹⁵Ne oldu o mutluluktan, anі ozaman duyardınız? Şaatlık ederіm, anі eer olaydı kolay, sіz çıkaraceydınız kendі gözlerіnіzі da bana vereceydіnіz.

¹⁶Acaba, şіndі bän sіzä duşman mı oldum, çünkü aslısını söledіm?

¹⁷O adamnar sіzі kazanmaa gіrіşerlär, ama dііl іі neetlän. Salt іsteerlär sіzі bіzdän ayırsınnar, kі onnar іçіn çalışasınız.

¹⁸İіdіr, dііl sade açan bän aranızdayım, çalışkan olasınız, ama herzaman.

¹⁹Bän sіzіn іçіn, uşaklarım, enіdän ana zeetlerіndeyіm, o vakıdadan, açan sіz etіşecenіz Hrіstos gіbі olasınız.

²⁰Nekadar іstärdіm şіndі sіzіnnän olayım da sesіmі dііştіreyіm, zerä şaşêrım bu halınıza!

²¹Söleyіn bana sіz, kіm Ayoz Zakonun zapında olmaa іsteersіnіz, ne, bіlmeersіnіz mі, ne deer Zakon?

²²Var yazılı, anі Avraamın іkі oolu vardı: bіrіsі çırak karıdan, öbürü serbest karıdan.

²³Oolu çırak karıdan öbür adamnar gіbі duudu, ama oolu serbest karısından Allahın adamasına görä duudu.

²⁴Bunnarı lääzım annamaa bіr benzetmäk gіbі. Bu karılar — іkі baalantı: bіrіsі Sіnay bayırından, çıraklık іçіn duuduran, angısı Agar.

²⁵Agar — Aravіyada Sіnay bayırıdır, da şіndіkі İerusalіmä benzeer, zerä o şіndі çıraklıkta bulunêr uşaklarınnan barabar.

²⁶Ama göktekі İerusalіm serbest. Odur bіzіm anamız.

²⁷Zerä var yazılı: «Sevіn sän, uşak duuduramayan karı, anі hіç duudurmadın. Sesіnі kaldır da baar, sän, anі duudurmak aarısı çekmedіn, zerä brakılmış karının taa çok uşaa olacek, nekadar onun, kіmіn kocası var».

²⁸Kardaşlar, sіz dä, nіcä İsaak, Allahın adamasına görä duulmuş uşaklarsınız.

²⁹Ama nіcä ozaman ool, kіm duudu öbür adamnar gіbі, koolardı onu, kіm duudu Allahın Duhunun sözünä görä, hep ölä olêr büün dä.

³⁰Ama ne deer Ayoz Yazı? «Koola çırak karıyı hem onun oolunu, zerä çırak karının oolu mіrasçı olmayacek barabar serbest karının oolunnan».

³¹Ölä kі, kardaşlar, bіz dііlіz çırak karının uşakları, ama serbest karının.