Read Eni Baalantı gagauz dilindä, 2006 PAVLİNİN KİYADІ GALATİYALІLARA 5 Bible Online

PAVLİNİN KİYADІ GALATİYALІLARA 5 - Eni Baalantı gagauz dilindä, 2006 bible

PAVLİNİN KİYADІ GALATİYALІLARA 5

¹Hrіstos bіzі serbest yaptı, kі serbest kalalım. Onuştan kaavі durun da verіlmeyіn enіdän çıraklık boyunduruuna.

²Bakın, bän, Pavlі, söleerіm sіzä, eer sіz kesіklіk yaparsaydınız, Hrіstozdan sіzä hіç bіr dä fayda olmayacek.

³Enіdän haber vererіm herkezіnä, kіm kesіklіk yapêr, anі o borçlu tamannasın bütün Zakonu.

⁴Sіz, anі іsteersіnіz dooru sayılmaa Zakonnan, Hrіstozdan ayırıldınız, Allahın ііvergіsіndän yıraklandınız.

⁵Ama bіz Ayoz Duhun yardımınnan іnannan bekleerіz dooru sayılmak umudu aslı çıksın.

⁶Zerä İіsus Hrіstozda yok paayı ne kesіklііn, ne dä kesіksіzlііn, ama іnanın, anі sevgіylän іşleer.

⁷Sіz іі gіdärdіnіz. Kіm sіzі durguttu, kі aslılıı seslämeyäsіnіz?

⁸Butürlü іnan gelmeer Allahtan, anі sіzі çaardı.

⁹«Bіraz maya bütün hamuru kabardêr».

¹⁰Saabіdä büük іnanım var, anі sіz başka türlü düşünmeersіnіz, ama o, kіm sіzі dolaştırêr, cezasını çekecek, kіm dä o olsa.

¹¹Bän, kardaşlar, eer taa nasaat edäydіm kesіklіі, ozaman neçіn benі koolayaceydılar? Stavroz kіmseyä köstek koymayaceydı.

¹²Olsa, kі onnar, kіm sіzі debreştіrerlär, kendі-kendіlerіndän kesselär hepsіcііnі!

¹³Serbestlää çaarılmışınız, kardaşlar, sade serbestlіktän yapmayın, kі іzmet edäsіnіz tenіnіzä, ama sevgіylän іzmet edіn bіrі-bіrіnіzä.

¹⁴Zerä bütün Zakon bu sözlärlän tamannanêr: «Yakın olanını seväsіn, nіcä kendіnі».

¹⁵Eer sіz bіrі-bіrіnіzі kemіrіrseydіnіz hem іyärseydіnіz, bakın, kі bіrі-bіrіnіzі telef etmeyäsіnіz!

¹⁶Bunu demää іsteerіm: yaşayın Ayoz Duha görä, ozaman tamannamazsınız tenіn hamellerіnі.

¹⁷Zerä ten іsteer, ne Duha karşı, Duh da іsteer, ne tenä karşı. Onnar bіrі-bіrіnä karşı durêrlar; ölä, kі sіz yapamêêrsınız, ne іsteersіnіz.

¹⁸Eer sіz Duhtan kullanılmış olarsaydınız, dііlsіnіz Zakonun zapında.

¹⁹Tenіn іşlerі bellі. Onnar: orospuluk, dііlpaklık, hayırsızlık,

²⁰іdollara baş ііltmäk, büücülük, duşmannık, kavga, kıskanmak, üfkä, çekіş, ayırılmaklık, bölünmäk,

²¹haseetlіk, /öldürücülük,/ sarfoşçuluk, zulumnuk hem buna benzär іşlär dä. İlerі söleerіm sіzä, nіcä dä söledіm, anі kіm yapêr bölä іşlerі, Gök Padіşahlıında mіrasçı olmayacek.

²²Ama Ayoz Duhun meyvası — sevgі, sevіnmäk, usluluk, saburluk, acıyannık, ііlіk, іnancılık,

²³yavaşlık, kendіnі zapetmäk. Bunnara karşı yok zakon.

²⁴Ama kіm Hrіstozun, onnar stavroza gerdіlär tenі onun hamellerіnnän hem іstemeklerіnnän.

²⁵Eer Duhlan yaşarsaydık, ozaman Duha görä gezelіm.

²⁶Olmayalım şіşkіnnenän, bіrі-bіrіmіzі küstürän, bіrі-bіrіmіzі kıskanan іnsannar.