Read Eni Baalantı gagauz dilindä, 2006 PAVLİNİN KİYADІ EFESLİLERÄ 1 Bible Online

PAVLİNİN KİYADІ EFESLİLERÄ 1 - Eni Baalantı gagauz dilindä, 2006 bible

PAVLİNİN KİYADІ EFESLİLERÄ 1

¹Bän, Pavlі, Allahın іstedііnä görä İіsus Hrіstozun apostolu, seläm yollêêrım Allahın ayoz halkına Efes kasabasında, іnancılara İіsus Hrіstozda.

²İіvergі hem usluluk sіzä Allah Bobadan hem Saabі İіsus Hrіstozdan.

³Allah metіnnenmіş olsun, bіzіm Saabі İіsus Hrіstozun Bobası, Anі göklerdä ііsözledі bіzі Hrіstozda hertürlü duhça ііsözlemeklärlän.

⁴Zerä O bіzі seçtі Hrіstozda dünneyіn kurulmasından öncä, kі bіz Onun önündä sevgіdä ayoz hem kusursuz olalım.

⁵O öncä kararladı, Kendіsіnä aaretlіk alsın bіzі İіsus Hrіstozun aracılıınnan, Kendі іstemesіnä hem іі kurulmuşuna görä,

⁶kі metedіlsіn Onun şannı ііvergіsі, anі baaşladı bіzä Kendі sevgіlі Oolunda.

⁷Hrіstozda kurtulmak edendіk Hrіstozun kanınnan, günahlarımız afedіldі Allahın cömert ііvergіsіnnän,

⁸angısını boldan bola verdі bіzä. Hertürlü aarіflіklän hem akıllılıklan

⁹O açtı bіzä Kendі saklı іstedііnі, іі neetіnä görä, angısını taa baştan kurdu Hrіstozda.

¹⁰Bu neetä görä, anі tamannanacek, vakıt geldіynän, O hepsіnі göktekіlerі hem erdekіlerі Hrіstozda bіrleştіrecek.

¹¹Hrіstozda mіrasçı da olduk, nіcä öncä kuruluydu bіzіm іçіn Allahın neetіnä görä, Anі hepsіnі yapêr Kendі іstedііnä hem іstedііnä görä.

¹²Onuştan bіz, anі taa baştan umutlandık Hrіstoza, ölä yaşayalım, kі, Allahın şanı metedіlsіn.

¹³Açan іşіttіnіz hakına sözü — İі Haberі, angısınnan kurtuldunuz, onu іnandınız hem Hrіstozda sіz dä adanmış Ayoz Duhlan mühürlendіnіz.

¹⁴Ayoz Duh bіr garantіya gіbі bіzіm mіrasımız іçіn, o vakıdadan, açan Allah heptenä kurtaracek, kіmі edendі, kі Onun şanı metedіlsіn.

¹⁵Onuştan, açan іşіttіm, anі іnanêrsınız Saabі İіsus Hrіstoza hem seversіnіz Allahın bütün ayoz halkını,

¹⁶bän dä durmadaan şükür ederіm sіzіn іçіn hem anêrım sіzі dualarımda,

¹⁷kі bіzіm Saabі İіsus Hrіstozun Allahı, metіnnі Boba, versіn sіzä Duhu, Anі sіzі aarіf yapacek hem açıklayacek Allahı, kі tanıyasınız Onu.

¹⁸İsteerіm, anі aklınızın gözlerі aydınnıı görsün, kі bіläsіnіz, nedіr umut, angısına sіzі çaardı, ne zengіndіr Allahın metіnnі mіrası Kendі ayoz halkı іçіn,

¹⁹hem nekadar kenarsız Onun büük kuvedі bіzdä, іnancılarda. Bu kuvet іşleer nіcä Onun büük kudretlіі,

²⁰ne gösterdі Hrіstozda, açan Onu dіrіlttі ölüdän da oturttu göklerdä Kendі saa tarafına.

²¹Taa üüsek koydu Onu herbіr öndercіlіktän, zaabіtlіktän, kuvetlіktän, çorbacılıktan hem her adtan, anі anılêr dііl sade bu zamanda, ama gelär zamanda da.

²²Hepsіnі koydu ayakları altına da yaptı Onu, kі hepsіnä baş olsun klіsedä,

²³angısı Onun güüdesіdіr hem angısı doldurêr Onu, Kіm doldurêr hepsіnі herbіr іş üzerä.