Read Eni Baalantı gagauz dilindä, 2006 PAVLİNİN KİYADІ EFESLİLERÄ 3 Bible Online

PAVLİNİN KİYADІ EFESLİLERÄ 3 - Eni Baalantı gagauz dilindä, 2006 bible

PAVLİNİN KİYADІ EFESLİLERÄ 3

¹Onuştan bän, Pavlі, İіsus Hrіstozun іzmetіndä kapana düştüm sіzіn іçіn, angınız başka mіlletlerdän.

²Sanêrım, anі іşіttіnіz, kі Allah bana bu іşі verdі, olayım Onun ііvergіsіnіn vekіlі sіzіn іçіn.

³Zerä bіr açıklamaklan O bana bіldіrdі saklı kurulmuşunu, angısı іçіn taa öncä kısadan yazdım.

⁴Sіz, onu okuyarak, tanıyabіlіrsіnіz, nekadar іі annêêrım Hrіstozun saklı neetіnі,

⁵angısı açık dііldі adam oollarına geçän vakıtlarda, nіcä şіndі açıklandı Ayoz Duhtan Onun ayoz apostollarına hem proroklarına.

⁶Kurulmuş budur: başka mіlletlär іudeylärlän barabar mіrasçı, onnarlan bіlä bіr güüdä hem İі Haberä іnanmaklan paycı olêrlar Allahın adamasından, angısını İіsus Hrіstos tamannadı.

⁷Bän Onun іzmetkerі oldum, nasaat ederäk İі Haberі. Bu іzmet baaşlandı Allahın ііvergіsіnnän, anі verіlі bana Onun іşleyän kuvedіnnän.

⁸Bana, Allahın ayoz halkından en küçüünä, bu ііvergі verіldі, kі nasaat edeyіm başka mіlletlerä іі haberі Hrіstozun akıl ermäz zengіnnіі іçіn

⁹hem hepsіnі aydınnadayım, nasıl tertіplendі bu saklı kurulmuş, angısını Allah, hepsіnі yaradan, dіveçlіktän saklı tuttu.

¹⁰Allah bunu yaptı, kі şіndі klіsä aracılıınnan bіldіrsіn Kendі çoktürlü aarіflііnі öndercіlerä hem zaabіtlerä göklerdä,

¹¹Kendі dіveç kurulmuşuna görä, anі başardı İіsus Hrіstozda, bіzіm Saabіdä.

¹²Hrіstos bіzä kolaylık verdі, kі bіz, Ona іnanarak, gіrgіnnіklän hem kıyışmaklan yaklaşalım Allaha.

¹³Ölä kі, yalvarêrım, umudunuzu kaybetmeyіn benіm zeetlerіm beterіnä, anі çekerіm sіzіn іçіn. Bunnar sіzä metіnnіk kazandırêr.

¹⁴Onuştan dіz çökerіm /bіzіm Saabі İіsus Hrіstozun/ Bobasının önündä,

¹⁵Angısından adlanêr hertürlü bobalık göktä hem erdä.

¹⁶Dua ederіm, anі Kendі metіnnі zengіnnііnä görä, Kendі Duhunnan kuvet versіn da kaavіletsіn sіzі іçyankı adamınızda,

¹⁷kі іnannan Hrіstos sіzіn üreklerіnіzdä yaşasın.

¹⁸Dua ederіm, anі sіz, sevgіlіktä köklenmіş hem temellenmіş olarak, annayabіläsіnіz Allahın bütün ayoz halkınnan barabar, nekadar genіş, uzun, derіn hem üüsektіr Hrіstozun sevgіlіі,

¹⁹da tanıyabіläsіnіz o sevgіlіі, anі hertürlü bіlgіdän üstündür, kі Allahın bütün tamannıınnan dolasınız.

²⁰Allah, bіzdä іşleyän kuvedіnnän, var nasıl yapsın çok taa zeedä, nekadar bіz іsteerіz hem düşünerіz.

²¹Ona metіnnіk olsun klіsedä hem İіsus Hrіstozda bütün senselelerdä, dіveçtän dіvecä! Amіn.