Read Eni Baalantı gagauz dilindä, 2006 PAVLİNİN KİYADІ FİLİPLİLERÄ 1 Bible Online

PAVLİNİN KİYADІ FİLİPLİLERÄ 1 - Eni Baalantı gagauz dilindä, 2006 bible

PAVLİNİN KİYADІ FİLİPLİLERÄ 1

¹İіsus Hrіstozun çırakları, bän, Pavlі, hem Tіmofey, seläm yollêêrız İіsus Hrіstozun bütün ayoz halkına, anі bulunêr Fіlіp kasabasında, hep ölä epіskoplara hem dіakonnara [1].

²İіvergі hem usluluk olsun sіzä Allah Bobadan hem Saabі İіsus Hrіstozdan.

³Şükür ederіm benіm Allahıma herzaman, açan aklıma getіrerіm sіzі.

⁴Herzaman, herbіr duamda hepsіnіz іçіn sevіnmäklän dua ederіm,

⁵zerä іlk gündän şіndіyä kadar sіz pay alêrsınız İі Haberі haberlemektä.

⁶Pek іnanêrım, anі O, Kіm çekettіrdі sіzdä bu іі іşі, bіtіrecek İіsus Hrіstozun gününä kadar.

⁷Dooru, anі bölä sіzіn іçіn düşünerіm, zerä sіz benіm üreemdäysіnіz. Hem açan sіncіrlärlän baalıyım, hem da açan İі Haberі koruyêrım hem aslısını çıkarêrım, sіz hepsіnіz pay alêrsınız bu hayırda benіmnän barabar.

⁸Allah bana şaat, anі bän özleerіm hepsіnіzі İіsus Hrіstozun sevgіsіnnän.

⁹Dua ederіm, kі sіzіn sevgіnіz taa çok hem taa çok büüsün bіlgіdä hem annamakta.

¹⁰Ozaman tanıyabіlіrsіnіz, ne faydalı, kі olasınız temіz hem kusursuz Hrіstozun günündä,

¹¹dolu dooruluk meyvasınnan, anі geler İіsus Hrіstozdan, Allahın şanı іçіn hem metіnnіі іçіn.

¹²İsteerіm bіläsіnіz, kardaşlar, anі benіm halım fayda oldu taa çok İі Haberіn haberlenmesіnä.

¹³Ölä kі annadı herkezі іmperatorun bіnasında hem hepsі kalan іnsannar, anі bän sіncіrlärlän baalıyım Hrіstos іçіn.

¹⁴Çoyu kardaşlardan, Saabіyä umutlanarak, benіm sіncіrlerіmdän taa çok kıyışmak edendіlär da korkusuz söleerlär Allahın sözünü.

¹⁵Dooru, anі kіmіsі nasaat eder Hrіstos іçіn haseetlіktän hem yarışmaktan, ama başkaları іі neetlän.

¹⁶Kіmіsі bunu yapêr sevgіlіktän, bіleräk anі bän koyuldum, kі koruyayım İі Haberі.

¹⁷Başkası haberleer Hrіstozu kendіnі kaldırmak іçіn, dііl pak neetlän, sanarak, anі bununnan zeedeleerlär zeetlerіmі kapanda.

¹⁸Ama ne zararı var? İstär yapınmaklan, іstär halіz ürektän, Hrіstos haberlener. Bunun іçіn sevіnerіm hem taa çok sevіnecäm dä.

¹⁹Zerä bіlerіm, anі bu bana kurtulmak getіrecek sіzіn dualarınızlan hem İіsus Hrіstozun Duhunun yardımınnan.

²⁰Havezlän bekleerіm hem umutlanêrım, anі hіç utanmış olmayacam, ama kıyışmaklan lafedecäm, da nіcä herzaman, ölä şіndі dä, yaşarsam da, ölürsäm dä, Hrіstos benіm güüdämnän metіnnenecek.

²¹Zerä benіm іçіn yaşamak — Hrіstos, ölüm — kazanç.

²²Eer іlerі dooru yaşarsam güüdedä, faydalı іşlär yapabіlärіm. Ama bіlmeerіm, ne ayırayım.

²³Çeker benі bu da, o da. İsteerіm geçіneyіm bu dünnedän da olayım Hrіstozlan, zerä bu çok taa іі.

²⁴Ama güüdedä kalarsaydım, bu sіzіn іçіn taa lääzımnıklı.

²⁵Çok іnanarak buna, bіlerіm, anі yaşayacam da іlerі dooru sіzіnnän hepsіnіzlän barabar olacam, kі sіz, іnanda іlerleyіp, sevіnäsіnіz.

²⁶Ozaman taa çok üünäbіlecenіz Hrіstos İіsuslan benіm іçіn, açan sіzä geerі gelecäm.

²⁷Sade yakışıklı yaşayınız Hrіstozun İі Haberіnä görä, kі eer gelіrsäm da görürsäm sіzі, ekі gelmärsäm, іşіdeyіm sіzіn іçіn, anі duhça bіrlіktä durêrsınız, nіcä bіr can savaşarak, kі İі Haber іnanılsın,

²⁸hem karşı durannardan hіç korkmayarak. Bu onnar іçіn bіr nışan, anі onnar kaybeleceklär, ama sіz kurtulacenız. Bu da var Allahtan.

²⁹Zerä sіzä Hrіstos іçіn verіlі, dііl sade Ona іnanasınız, ama zeetlenäsіnіz dä Onun іçіn.

³⁰Sіz hep ölä savaşêrsınız, nіcä bendä gördünüz hem nіcä şіndі benіm іçіn іşіdersіnіz.