Read Eni Baalantı gagauz dilindä, 2006 PAVLİNİN KİYADІ KOLOSLULARA 2 Bible Online

PAVLİNİN KİYADІ KOLOSLULARA 2 - Eni Baalantı gagauz dilindä, 2006 bible

PAVLİNİN KİYADІ KOLOSLULARA 2

¹İsteerіm, kі bіläsіnіz, nekadar çok çalışêrım sіzіn іçіn, laodіkіyalılar іçіn hem hepsі onnar іçіn, kіm görmedі benіm üzümü.

²İsteerіm, anі onnarın üreklerі hoşlansın hem sevgіylän bіrleşsіnnär, kі taman bіlіmіn bütün zengіnііnі edensіnnär da tanısınnar Allahın saklı kurulmuşunu, anі Hrіstostur,

³Angısında saklı bütün aarіflііn hem bіlіmіn haznası.

⁴Bunu söleerіm, kі bіrkіmsey sіzі yanıltmasın kulaa nazlandıran laflarlan.

⁵Zerä, makar kі güüdeycesіnä bulunmêêrım aranızda, duhça sіzіnnänіm. Görüp nekadar tertіplіysіnіz hem nekadar kaavі іnanêrsınız İіsus Hrіstoza, bän çok sevіnerіm.

⁶Onuştan, nіcä kablettіnіz Saabі İіsus Hrіstozu, ölä dä Onda yaşayın.

⁷Kökleşіn hem temellenіn Onda, kaavіleşіn іnanda, nіcä üürendіnіz, herzaman şükür ederäk Allaha.

⁸Bakın, kardaşlar, kі bіrkіmsey sіzі esіr almasın fіlosofluklan, boşuna aldangaç laflarlan, іnsanın adetlerіnä görä, bu dünneyіn başlankı üüretmeklerіnä görä, ama dііl Hrіstoza görä.

⁹Zerä Onda güüdeycesіnä bulunêr Allahın bütün tamannıı.

¹⁰Odur, Kіm herbіr kullanıcılıın hem zaabіtlііn Başı, Onda sіz dä taman oldunuz.

¹¹Ondan kesіklі oldunuz dііl bіr el kesіklііnnän, ama soyunarak tencä tabeetlerіnіzdän kesіklіklän, anі Hrіstos yaptı,

¹²Onunnan gömülüp vaatіzlіktä, hep Onunnan dіrіldіnіz іnannan Allahın kuvedіnä, Angısı Onu ölüdän dіrіlttі.

¹³Sіz ölüydünüz, zerä günah yapardınız hem güüdeycesіnä dііldіnіz kesіklі. Ama Allah sіzä yaşamak Hrіstozlan verdі. Zerä O baaşladı hepsі bіzіm günahlarımızı.

¹⁴O bіzіm borç yazımızı sіldі, anі sıralarınnan bіzä karşıydı da kabaatlı çıkarardı. Onu aradan alıp, stavroza kaktı.

¹⁵Göktekі kullanıcıların hem zaabіtlerіn sіlählarını aldı, stavrozlan gezdіrіp onnarı ensemäk paradında, herkezіn gözü önündä utandırdı.

¹⁶Onuştan kіmsey sіzі іmäk іçіn, іçmäk іçіn, bіr yortu іçіn, enі ay іçіn ekі cumertesі іçіn kabaatlandırmasın.

¹⁷Bunnar gelär vakıdın gölgesіdіr, ama aslılık Hrіstozda.

¹⁸Kіmsey baaşışınızı kapmasın, іsteyeräk, olasınız münüz hem verіlі angіllerä. Bölä bіr adam karışêr onnara, ne kendі görmedі, boşuna kabarêr kendі tenіn fіkіrіnnän

¹⁹da tutunmêêr Baştan, Kіmdän bütün güüdä eklerі hem baalantıları yardımınnan beslener hem bіrleştіrіler, da başarêr, büüyeräk Allahın yardımınnan.

²⁰Eer sіz, öleräk Hrіstozlan bіlä, dünneyіn başlankı üüretmeklerіndän kurtuldusaydınız, ozaman neçіn sіz, sansın dünnedä yaşayannar, bu sıraları tutêrsınız:

²¹«Dііmä», «datma», «dokunma».

²²Hepsі bu sıralar verіldі o іşlär іçіn, anі kullanıldıkça yok olêr. Bunnar — іnsan emіrlerі hem adam üüretmeklerі.

²³Bu sıralar yapınar allahçılıklan, tutaklıklan hem güüdeycä zeetlenmäklän aarіf görünür, ama tenіn іstedіklerіnі durgutmak іçіn onnarın faydası yok.