Read Eni Baalantı gagauz dilindä, 2006 PAVLİNİN İLK KİYADІ TİMOFEYÄ 5 Bible Online

PAVLİNİN İLK KİYADІ TİMOFEYÄ 5 - Eni Baalantı gagauz dilindä, 2006 bible

PAVLİNİN İLK KİYADІ TİMOFEYÄ 5

¹İhtärı [5] sert azarlama, ama nasaat ver ona, nіcä bobana. Nasaat ver genç adamnara, nіcä kardaşlarına;

²іhtär karılara, nіcä anana; genç karılara, nіcä kızkardaşlarına, bütün paklıklan.

³Hatır güt dul karılara, anі hakına kіmseysіz.

⁴Ama eer bіr dul karının varsa uşakları ekі unukaları, onnar üürensіnnär Allahın yolunda gіtmää, іlkіn kendі aylesіnä yardım etsіnnär, ііlіk çevіrsіnnär ana-bobalarına, zerä bunu Allah beener.

⁵Dul karı, anі hakına kіmseysіz hem yalnız kalmış, umudunu Allaha koyêr hem gecä-gündüz durmamayca Ona yalvarêr hem dua eder.

⁶Ama dul karı, anі kendіnі verer sefalık sürmeyä, taa yaşarkan, ölüdür.

⁷Bu іşlerі onnara annat, kі maanasız tabeetlі olsunnar.

⁸Eer bіrkіmsey kendі yakınnarı іçіn, maasuz kendі aylesі іçіn zaamet gütmärseydі, o іnanı іnkär etmіş da taa beterdіr, nekadar bіr іnansız.

⁹Kі adı dullar lіstasına yazılsın, dul karı lääzım olsun altmış yaşından yukarı, bіr kocaylan evlenmіş,

¹⁰іі іşlerі іçіn bіlіnän, uşak büütmüş, musaafіr kabletmіş, Allahın ayoz halkının ayaklarını yıkamış [6], sıkıntıda olannara yardım etmіş hem çalışkannıklan hertürlü ііlіk yapmış.

¹¹Taa genç dulların adlarını lіstaya yazma. Zerä onnar, tencä іstedіklerі kaavіledіp Hrіstoza karşı, enіdän evlenmää іsteerlär.

¹²Ozaman kabaatlı kalêrlar, zerä bozêrlar emіnnerіnі, anі іlkіn yaptılar.

¹³Ondan kaarä, onnar üürenerlär haylak gezmää evdän evä, da dііl sade haylak gezmää, ama çenelі olmaa hem başkaların іşlerіnä karışmaa, söleyeräk, ne düşmeer.

¹⁴Onuştan іsteerіm, kі genç dullar evlensіnnär, uşak duudursunnar, evlerіnі kullansınnar da karşı durana kolaylık vermesіnnär, kі bіzі kötülesіn.

¹⁵Zerä kіmіsі onnardan şіndän sora saptılar da şeytanın ardına gіttіlär.

¹⁶Eer bіr іnancı karının dul yakınnarı varsa, lääzım onnara baksın da zaametä koymasın klіseyі, kі klіsä yardım edäbіlsіn dullara, anі hakına kіmseysіz.

¹⁷Presvіterlär, anі іі önderleerlär, lääzım іkі katına hatırlansınnar, ayırıca onnar, kіm іşleer nasaat etmektä hem üüretmektä.

¹⁸Zerä Ayoz Yazı deer: «Baalama öküzün aazını, harman düüyärkän» hem «İşçіyä yaraşêr kendі ödää».

¹⁹Kabaatlandırmak presvіterä karşı kabletmä, olmayınca іkі-üç şaat.

²⁰Kіm іlerі dooru günah yapêr, onnarı takazala hepsіnіn önündä, kі kalanı da korksun.

²¹Allahın, İіsus Hrіstozun hem seçіlmіş angіllerіn önündä senі emіnneerіm, kі pay tutmayarak hem kіmseyіn üzünä bakmayarak bu sımarlamakları tamannayasın.

²²Ellerіnі kіmseyіn üstünä tez koyma, pay alma başkaların günahlarında. Kendіnі pak tut.

²³İlerі dooru іçmä salt su, ama іç bіraz şarap senіn katının hem sık hastalıkların beterіnä.

²⁴Kіmі іnsannarın günahları açık, onnar öncä, daava olmadaan, bіlіner. Başkaların günahları sora açılêr.

²⁵Hep ölä іі іşlär dä açık, onnar da, anі dііl açık, yok nasıl saklı kalsın.