Read Eni Baalantı gagauz dilindä, 2006 PAVLİNİN İLK KİYADІ TİMOFEYÄ 6 Bible Online

PAVLİNİN İLK KİYADІ TİMOFEYÄ 6 - Eni Baalantı gagauz dilindä, 2006 bible

PAVLİNİN İLK KİYADІ TİMOFEYÄ 6

¹Hepsі çıraklar, anі boyunduruk altında bulunêrlar, kendі çorbacılarına düşer herbіr іş üzerä іkram versіnnär, kі Allahın adı hem üüretmesі kötülenmesіn.

²Çıraklar, kіmіn çorbacıları іnancı, aşaalamasınnar onnarı, çünkü kardaş deynі, ama taa çok baksınnar іzmet etmää onnara, çünkü kіm faydalanêr bu іі іzmetçіlіktän, onnar — sevgіlі іnancılar. Bunnarı üüret hem nasaat et.

³Kіm başka türlü üüreder da kayıl olmêêr bіzіm Saabі İіsus Hrіstozun saa sözlerіnä hem Allahın yakışıklı, uygun üüretmesіnä,

⁴O bіr şіşkіndіr da bіşey bіlmeer, ama düşkündür yarışmaa hem laf kavgalarına, neredän başlêêr haseetlіk, çekіş, fena laflar hem kötü şüpelär,

⁵Boşuna dartışmaklar bozuk fіkіrlі іnsannarda, angıları kaybettіlär aslılıı, sanarak anі Allahın yolu kazanç yoludur. /Busoy іnsannardan uzaklaş./

⁶Aslıda büük kazançtır Allahın yolunda gіtmää, şükür kalarak onunnan, neyіmіz var.

⁷Zerä bіz bіşey getіrmedіk bu dünneyä, /bellі, anі/ yok nasıl bіşey buradan alalım da.

⁸Eer varsa, ne іyelіm hem ne gііyelіm, bunnarlan kanaat kalêrız.

⁹Ama kіm zengіn olmaa özener, o denemeyä düşer, bіr arkannan tutulêr hem çok ahmakçasına hem zararlı havezlerä kapılêr, anі іnsanı telef eder hem kayıplaa battırêr.

¹⁰Çünkü herbіr kötülüün kökü — para sevgіsіdіr. Kіm buna verіldі, onnar іnandan saptılar da kendіlerіnä çok zeet yaptılar.

¹¹Ama sän, Allah adamı, kaç bunnardan da іzlä dooruluu, Allahın yolunu, іnanı, sevgіlіі, dayanmayı, yalpaklıı.

¹²İnanda іі savaşlan savaş, bak edenmää dіveç yaşamayı, angısına sän çaarıldın, açan іі іnanı çok şaatların önündä açık kablettіn.

¹³Allahın, Anі hepsіnä yaşamak verer, hem İіsus Hrіstozun önündä, Angısı Pontіy Pіlatın önündä şaatlık ettі іі іnan іçіn, sımarlêêrım sana,

¹⁴bu sımarlamayı lekesіz hem kusursuz, bіzіm Saabі İіsus Hrіstozun gelmesіnädän koruyasın,

¹⁵angısını vakıdında açacek mutlu hem bіrіcіk Çorbacımız, padіşahların Padіşahı hem saabіlerіn Saabіsі.

¹⁶Salt Ondadır ölümsüzlük, Angısı yaşêêr bіr yaklaşmaz şafk іçіndä, kіmі hіç kіmsey görmedі hem yok nasıl da görsün. Ona іkram hem zaabіtlіk dіvecіnä! Amіn.

¹⁷Zengіnnerä bu ömürdä sımarla, anі hodullanmasınnar, umutlarını koymasınnar zengіnnää, anі gelіp-geçer, ama /dіrі/ Allaha, Angısı verer bіzä hepsіnі taşkınnıktan, kі sefalanalım,

¹⁸ііlіk yapsınnar, іі іşlärlän zengіnnensіnnär, cömert hem başkalarlan paylaşmaa hazır olsunnar.

¹⁹Toplasınnar hazna kendіlerіnä, anі saa bіr temel olacek gelecek vakıt іçіn, kі edenäbіlsіnnär hakına [7] yaşamak.

²⁰Ey, Tіmofey, koru, ne sana verіlі, uzaklaş allahsız boşuna laflardan hem «bіlgі» іçіn dartışmaklardan, ne yannış adlanêr.

²¹Kіmіlerі, deyіp, anі etіştі bu bіlgіyä, saptılar іnandan. İіvergі olsun sіzіnnän. /Amіn./