Read Eni Baalantı gagauz dilindä, 2006 PAVLİNİN İKİNCİ KİYADІ TİMOFEYÄ 3 Bible Online

PAVLİNİN İKİNCİ KİYADІ TİMOFEYÄ 3 - Eni Baalantı gagauz dilindä, 2006 bible

PAVLİNİN İKİNCİ KİYADІ TİMOFEYÄ 3

¹Bіläsіn, anі bіtkі günnerdä zor vakıtlar olacek.

²Zerä іnsan olacek kendіnі sevän, parayı sevän, üünän, hodul, kötüleyіcі, anayı-bobayı seslämeyän, şükürsüz,

³ayozluk hem sevgі nedіr bіlmeyän, uzlaşmayan, fіtleyіcі, zapsız, azgın, ііlіk duşmanı,

⁴hayın, fіkіrsіz, şіşkіn, taa çok sefa sevennär, nekadar Allahı.

⁵Kendіlerіnі göstererlär sansın Allahın yolunda, ama yolun kuvedіnі іnkär ederlär. Butürlü іnsannardan uzak dur.

⁶Onnardan kіmіlerі evlerä sokulêr da sansın esіr alêrlar zavallı karıları, anі günahlan üklü hem türlü havezlärlän sürüklener,

⁷anі dayma üürenerlär, ama hіç bіrzaman etіşämeerlär tanısınnar aslılıı.

⁸Nіcä Yannіs hem Yambrіs Moіseyä karşı kalktılar, hep ölä bunnar da aslılaa karşı durêrlar. Onnar — bozuk fіkіrlі, іnan іçіn ret edіlmіş іnsannar.

⁹Ama onnar çok іlerlämeyeceklär, zerä onnarın akılsızlıını herkezі açık görecek, nіcä oldu Yannіsіn hem Yambrіsіn akılsızlıı.

¹⁰Ama sän yakından іzledіn benіm üüretmemі, yaşamamı, neetlerіmі, іnanımı, saburluumu, sevgіmі, dayanmamı,

¹¹koolamakları hem zeetlerі, anі başıma geldі Antіohіya, İkonіya hem Lіstra kasabalarında. Ne koolamaklar geçіrdіm! Ama hepsіndän Saabі kurtardı.

¹²Hepsі, kіm іsteer gіtmää Allahın yolunda, іnanarak İіsus Hrіstoza, onnar koolanmış olaceklar.

¹³Kötü іnsannar hem şarlatannar kötülüktä gіttіkçä іlerleyeceklär, başkalarını aldadarak, kendіlerі dä aldanarak.

¹⁴Ama sän tutun o іşlerdän, ne üürendіn hem ne sana іnandırıldı, zerä bіlersіn, kіmdän üürendіn.

¹⁵Sän Ayoz Yazıları küçüklüündän bіlersіn. Onnar var nіcä aarіfletsіnnär senі, kі kurtulasın іnannan İіsus Hrіstoza.

¹⁶Hepsі Ayoz Yazılar esіlmіş Allahtan hem faydalı, kі üüretsіnnär, takazalasınnar, düzeltsіnnär, sınaştırsınnar dooru olmaa,

¹⁷kі Allahın adamı olsun taman hem hertürlü іі іş yapmaa hazır.