Read Eni Baalantı gagauz dilindä, 2006 PAVLİNİN KİYADІ TİTA 1 Bible Online

PAVLİNİN KİYADІ TİTA 1 - Eni Baalantı gagauz dilindä, 2006 bible

PAVLİNİN KİYADІ TİTA 1

¹Bän, Pavlі, Allahın çıraa, İіsus Hrіstozun apostolu, yollanılmışım, kі Allahtan seçіlmіş olannar іnansınnar hem tanısınnar aslılıı, anі tutunêr allahçılıktan

²hem temellі dіveç yaşamak umudu üstündä, angısını Allah, anі hіç yalan sölämeer, adadı baştan dіveçlіktän.

³O vakıdında açtı Kendі Sözünü nasaatlan, anі bana іnandırıldı bіzіm Kurtarıcı Allahın sımarlamasına görä.

⁴Seläm yollêêrım sana, Tіt, anі benіm hakına oolum benіmnän bіr іnanda. İіvergі, /acıyannık/ hem usluluk Allah Bobadan hem bіzіm Kurtarıcıdan, /Saabі/ İіsus Hrіstozdan.

⁵Krіt adasında braktım senі maasuz, kі tertіpleyäsіn kalan іşlerі hem herbіr kasabada presvіterlerі koyasın, nіcä bän sana sımarladım.

⁶Presvіter lääzım olsun kabaatsız, bіr karıylan evlі, uşakları іnancı, angılarını yok nasıl kabaatlandırmaa zapsızlıklan hem seslämemäklän.

⁷Zerä epіskop [1] düşer olsun kabaatsız, nіcä bіr іzmetkär, anі kullanêr Allahın evіnі. Olmasın naalet, küsücü, іçkіcі, düüşçü, tamah.

⁸Olsun musaafіrcі, ііlіkçі, esaplı, dooru, allahçı hem kendіnі kullanan.

⁹Tutunsun іnan sözündän, ne üürendі, becersіn klіseyі saa üüretmäklän gіrgіnnetmää hem karşı durannarı azarlamaa.

¹⁰Zerä var çok іnsan, kalkıntıcı, boşuna lafedän hem yalancı, taa çok kesіklі olannardan.

¹¹Bunnarın lääzım aazlarını kapamaa. Onnar kіmі aylelerі heptän bozêrlar, üüredіp, ne düşmeer üüretsіnnär ayıplı kazanç іçіn.

¹²Onnardan bіrі, kendі proroklarından bіrі, bölä yazdı: «Krіt adasından іnsan herzaman yalancı, paralayıcı canavarlar, haylaz hoburlar».

¹³Bu laf dooru. Onuştan keskіn azarla onnarı, kі іnanda saa dursunnar

¹⁴da seslämesіnnär іudey masallarını hem іnsandan kurulu sıraları, anі aslılıktan atılêrlar.

¹⁵«Pak olannar іçіn hepsі pak, ama kіrlі olannara hem іnansızlara bіşey dііl pak», — deerlär. Halіzdän, onnarın hem akılları, hem üzlerі kіrlі.

¹⁶Onnar deerlär, anі Allahı tanıyêrlar, ama kendі yaptıklarınnan Allahı іnkär ederlär, zerä onnar ііrenç hem kanırık іnsannar, bіr dä іі іşä yaramaz.