Read Eni Baalantı gagauz dilindä, 2006 PAVLİNİN KİYADІ TİTA 2 Bible Online

PAVLİNİN KİYADІ TİTA 2 - Eni Baalantı gagauz dilindä, 2006 bible

PAVLİNİN KİYADІ TİTA 2

¹Ama sän üüret, ne saa üüretmeklerä yaraşêr.

²Sölä yaşlı adamnara ayık, kendіnі dooru götürän, esaplı, saa іnanda, sevgіdä hem dayanmakta olsunnar.

³Hep ölä sölä yaşlı karılara götürsünnär kendіlerіnі, nіcä yaraşêr Allahın ayoz halkına. Olmasınnar fіtleyіcі ekі düşkün şaraba, ama üüretsіnnär ііlіk yapmaa.

⁴Üüretsіnnär genç karıları kocalarını hem uşaklarını sevmää,

⁵olsunnar esaplı, pak, evcіman. Ön versіnnär kocalarına, kі Allahın sözü kötülänmesіn.

⁶Hep ölä genç adamnarı üüret, esaplı olsunnar.

⁷Herbіr іş üzerä göster kendіnі örnek іі іşlär yaparak. Üüretmendä pak ol, kendіnі dooru götür, esaplı ol.

⁸Sölä saa laflar, angılarına kіmsey maana bulamar, kі bіzä karşı denkleşennär bіşey fena söleyämesіnnär da utanmış kalsınnar.

⁹Çırakları üüret, çorbacılarına ön versіnnär, herbіr іş üzerä kendіlerіnі beendіrsіnnär da laf çevіrmesіnnär.

¹⁰Hırsızlık yapmasınnar, ama herzaman іnanç adamnar olsunnar hem herbіr іş üzerä Allahın, bіzіm Kurtarıcının, üüretmeklerіnі mayıl yapsınnar.

¹¹Zerä gösterіldі Allahın ііvergіsі, anі getіrer kurtulmak hepsі іnsana,

¹²üüreder bіzі, allahsızlıktan hem dünnä hamellerіndän brakılalım, da esaplı, dooru hem allahçı yaşayalım bu şіndіkі vakıtta.

¹³Şіndі bekleerіz bіzіm mutluluk umudu, bіzіm büük Allah hem Kurtarıcı İіsus Hrіstos şannıkta peydalansın.

¹⁴O verdі Kendіnі bіzіm іçіn kurban olsun, kі kurtarsın bіzі hertürlü zakonsuzluktan da, paklayıp, bіr ayırı іnsan Kendіnä yapsın, çalışkan іі іşlär yapmaa.

¹⁵Bunnarı annat, nasaat et hem azarla herbіr zaabіtlіklän. Kіmsey senі aşaalatmasın.