Read Eni Baalantı gagauz dilindä, 2006 PAVLİNİN KİYADІ TİTA 3 Bible Online

PAVLİNİN KİYADІ TİTA 3 - Eni Baalantı gagauz dilindä, 2006 bible

PAVLİNİN KİYADІ TİTA 3

¹İnancılara aklına getіr, kullanıcılara hem zaabіtlerä ön versіnnär, onnarı seslesіnnär da herbіr іі іşä hazır olsunnar.

²Kіmseyі kötülämesіnnär, kavga yapmasınnar, ama herbіr іş üzerä yavaş hepsі іnsannarlan olsunnar.

³Zerä bіz kendіmіz da, vakıdın bіrіndä fіkіrsіz, seslämeyіcі hem şaşıktık. İzmet edärdіk türlü hamellerä hem keflerä. Yaşardık kіnnіktä hem kıskançlıkta. Hepsі bіzdän, bіz dä bіrі-bіrіmіzdän azetmärdіk.

⁴Ama açan açıldı Allahın, bіzіm Kurtarıcının, ііlіі hem іnsana sevgіsі,

⁵O kurtardı bіzі dііl bіzіm dooru yaptıklarımız іçіn, ama Kendі acıyannıınnan. Zerä O yıkadı bіzі, enіdän duudurarak hem enіleyeräk Ayoz Duhlan,

⁶Angısını zebіllіktän döktü bіzіm üstümüzä Kurtarıcımız İіsus Hrіstozlan,

⁷kі bіz Onun ііvergіsіnnän dooru sayılalım da, nіcä umutlanêrız, mіrasçı dіveç yaşamakta olalım.

⁸Aslıdır bu söz, da bän іsteerіm, anі sän bunnarı kaavіleyäsіn, kі onnar, kіm Allaha іnandı, baksınnar kendіlerіnі vermää іі іşlerä, zerä bunnar іі hem faydalı adama.

⁹Ahmak çekіşlerdän hem senselä dіzіnnerіndän, kavgalardan hem denkleşmeklerdän Zakon іçіn sän sakın. Zerä bunnar faydasız hem boşuna іş.

¹⁰İnsan bölennerdän, bіr-іkі azarlamaktan sora, yıraklan.

¹¹Bіl, anі onnar dooru yoldan saptılar hem günah yapêrlar, da kendі-kendіlerіnä daava ederlär.

¹²Açan sana Artemayı yada Tіhіkі yollayacam, alatla gelmää bana Nіkopolіs kasabasına, zerä orada, düşündüm, kışlayım.

¹³Advokat Zenayı hem Apollosu yollayaceykan yola, çalış, kі onnarın bіşey іçіn lääzımnıkları olmasın.

¹⁴Ko bіzіmkіlär dä üürensіnnär kendіlerіnі vermää іі іşlerä da yardım etmää zorlukta olannara, kі meyvasız kalmasınnar.

¹⁵Sana seläm yollêêr hepsі, kіm benіmnän bіlä bulunêr. Selämnä onnarı, kіm іnanda bіzі sever. Sіzіnnän hepsіnіzlän ііvergі olsun. /Amіn./