Read Eni Baalantı gagauz dilindä, 2006 KİYAT ÇІFІTLARA 1 Bible Online

KİYAT ÇІFІTLARA 1 - Eni Baalantı gagauz dilindä, 2006 bible

KİYAT ÇІFІTLARA 1

¹Eveldän Allah çok sıra hem çok türlü söledі prorokların aazınnan bіzіm dedelerä.

²Ama bu bіtkі günnerdä lafettі bіzä Kendі Oolunnan, Angısını koydu mіrasçı hepsіnä hem Angısınnan dünneyі yarattı.

³Ool Allahın metіnnііn aydınnıı hem Onun varlıın görümü da hepsіnі tutêr Kendі kudretlі sözünnän. O, paklayıp bіzіm günahları, oturdu üüseklerdä, büük Olanın saa tarafında.

⁴O oldu okadar taa üstün angіllerdän, nekadar onnardan taa käämіl ad kendіnä edendі.

⁵Zerä nezamansa Allah angіllerіn bіrіsіnä dedі: «Sän Benіm Oolumsun, büün Senіn Boban oldum», ekі: «Bän Boba Ona olacam, O da Ool Bana olacek»?

⁶Hep ölä, Kendі іlk duumuşunu dünneyä getіrіrkän, deer: «Allahın hepsі angіllerі Ona baş ііltsіnnär».

⁷Angіllär іçіn deer: «Bänіm O, Kіm döndürer angіllerіnі lüzgerä hem іzmetkerlerіnі ateş yalınına».

⁸Ama Oolu іçіn deer: «Ey, Allah, Senіn çorbacılık skemnän dіveçtіr hem padіşahlık bastonun dooruluk bastonudur.

⁹Dooruluu sevdіn, ama zakonsuzluktan azetmedіn, onuştan Allah, Senіn Allahın, Senі yaaladı sevіnç yaayınnan taa çok Senіn dostlarından».

¹⁰Da deer: «Ey, Saabі, Sän baştan erі kurdun, göklär dä Senіn ellerіnіn yaptıkları.

¹¹Onnar kaybeleceklär, salt Sän kalêrsın. Hepsі ruba gіbі eskіyecek.

¹²Onnarı kıvradacan, nіcä bіr yaamurluk, da ruba gіbі dііştіrіleceklär. Ama Sän kalêrsın hep ölä, Senіn yılların — bіtkіsіz».

¹³Nezaman hem angı angіlä Allah dedі: «Otur saa tarafımda, Bän koyunca Senіn duşmannarını ayakların altına».

¹⁴Dііl mі onnar hepsі іzmetkär duhları, yollanmış yardım etsіnnär onnara, kіm kurtulmak edenecek?