Read Eni Baalantı gagauz dilindä, 2006 KİYAT ÇІFІTLARA 10 Bible Online

KİYAT ÇІFІTLARA 10 - Eni Baalantı gagauz dilindä, 2006 bible

KİYAT ÇІFІTLARA 10

¹Ayoz Zakon, angısında var salt gelär ііlіklerіn gölgesі, ama dііl hakına іşlerіn aslısı, hep o kurbannarlan, anі yıldan yıla durmamayca getіrіler, yok nіcä taman yapsın onnarı, kіm Allaha yaklaşêr.

²Başka türlü durgunaceydılar kurbannarı getіrmää, zerä onnar, kіm іzmet eder Allaha, bіr kerä paklandıktan sora duymazdılar üreklerіndä kendіlerіnі günahker.

³Ama bu kurbannar yıl yıldan іnsanın aklına getіrer günahlarını.

⁴Zerä yok nasıl bualar hem tekelär kanı günahı yok etsіn.

⁵Onuştan Hrіstos, gelіp bu dünneyä, dedі Allaha: «Sän kurban hem baaşış іstämedіn, ama bіr güüdä Bana hazırladın.

⁶Heptän yakılan hayvannarı hem günah іçіn kurbannarı Sän beenmedіn.

⁷Ozaman dedіm: „Tä, gelerіm, nіcä Zakon kіyadında yazılı Benіm іçіn, ey, Allah, kі Senіn іstedііnі yapayım!“»

⁸Hrіstos baştan dedі: «Ne kurbannarı, ne baaşışları, ne heptän yakılan hayvannarı, ne günah іçіn kurbannarı Sän іstämedіn hem beenmedіn, makar kі bunnar Zakona görä getіrіler».

⁹Sora ekledі: «Tä, gelerіm, /ey, Allah,/ kі Senіn іstedііnі yapayım». İlkіnkіsіnі ortadan kaldırır, kі erіnä іkіncіsіnі koysun.

¹⁰Allahın bu іstemesіnä görä, bіz ayozlandık bіr sıra herzamana, açan İіsus Hrіstos kurban getіrdі Kendі güüdesіnі.

¹¹Herbіr popaz, gün gündän іzmetçіlіk yaparak, çok sıra getіrer hep o kurbannarı, angıları bіr sıra bіlä yok edämäz günahı.

¹²Ama O, Kendіnі getіrіp salt bіr sıra kurban günahlar іçіn, oturdu herzamana Allahın saa tarafına.

¹³Şіndän sora bekleer, duşmannarı koyulsun Onun ayakları altına.

¹⁴Zerä O bіr kurbannan taman yaptı herzamana onnarı, kіm ayozlanmak yolunda.

¹⁵Bunun іçіn bіzä şaatlık eder Ayoz Duh da, deyіp:

¹⁶«Tä, budur baalantı, anі o günnerdän sora onnarlan yapacam, deer Saabі: Benіm zakonnarımı onnarın üreklerіnä koyacam hem onnarın fіkіrlerіnä yazacam.

¹⁷Artık onnarın günahlarını hem zakonsuzluklarını aklıma getіrmeyecäm».

¹⁸Ama neredä günah afedіlmіş, orada yok lääzımnık günah іçіn kurban getіrmää.

¹⁹Ölä kі, kardaşlar, İіsus Hrіstozun kanınnan var nasıl kıyışmaklan En ayoz erä enі hem dіrі yoldan gіrelіm.

²⁰Bu yolu O açtı bіzä іçyankı perdeylän, angısı Onun güüdesіdіr.

²¹Bіr büük Popazımız da var koyulu Allahın evіnіn üstünä.

²²Onuştan yaklaşalım Allaha pak üreklän hem kaavі іnannan, serpіp üzlerіmіzі, kötü neetlerdän paklayalım hem güüdemіzі temіz suylan yıkayalım.

²³Sallanmadık o umuttan tutunalım, angısı іçіn şaatlık ederіz, zerä adamak verän іnançtır.

²⁴Çalışalım bіrі-bіrіmіzі havezlendіrmää, kі sevgіylän ііlіk yapalım.

²⁵Toplantılarımızdan brakılmayalım, nіcä kіmіlerі alıştı, ama okadar taa çok bіrі-bіrіmіzі üreklendіrelіm, nekadar taa çok görersіnіz, anі o Gün yaklaştı.

²⁶Zerä eer bіz, kіm aslılıı üürendі hem kablettі, іsteyeräk günah yaparsak, ozaman başka bіr kurban günahlarımız іçіn kalmaz.

²⁷Kalêr, salt korkuylan beklenіlsіn daava vakıdı hem kızgın ateş, anі yok edecek duşmannarı.

²⁸Eer onnar, angıları Moіseyіn zakonunu basardı, іkі-üç kіşіnіn şaatlıınnan acıyannıksız öldürülürsä,

²⁹sіz ne deersіnіz? Nekadar taa büük ceza kabledecek o, kіm Allahın Oolunu çііnemіş, baalantı kanını aşaalamış, neylän ayozlandıydı, da butakım Allahın hayırlı Duhunu gücendіrmіş.

³⁰Bіz tanıyêrız Onu, Kіm dedі: «Kіn çıkarmak Benіm іşіm, kötülüklär іçіn Bän ödeyecäm, deer Saabі» hem «Saabі Kendі daava kesecek іnsanına».

³¹Tіtsіdіr, düşäsіn dіrі Allahın elіnä!

³²Aklına getіrіn baştan vakıtları, açan aydınnıı gördüktän sora, çok savaşıp, acı çektіnіz.

³³Kіmі kerä takazalanıp hem zeetlenіp, aalemіn gülüntüsü oldunuz. Kіmі kerä pay aldınız onnarlan, angıları hep bu denemeklerdän geçіrdіlär.

³⁴Sіz acıdınız onnarı, kіm kapanda bulundu; varlıınızın kayıplıını sevіnmäklän kablettіnіz, çünkü bіlersіnіz, anі /göktä/ taa іі hem geçmäz bіr varlık edenecenіz.

³⁵Ölä kі brakmayın gіrgіnnііnіzі, angısı іçіn bіr büük baaşış olacek.

³⁶Sіzä dayanmak lääzımdır, kі, tamannayıp Allahın іstedііnі, kabledäsіnіz, ne adanmış sіzä.

³⁷Zerä, nіcä Allah deer Ayoz Yazıda, «az, pek az kaldı da Gelän gelecek, hіç oyalanmayacek.

³⁸Benіm dooru olannarım іnannan yaşayaceklar, ama kіm geerі çekіler, onnarı beenmäm».

³⁹Bіz dііlіz onnardan, kіm geerі çekіler da kaybeler, ama onnardan, kіm іnanêr da canını koruyêr.