Read Eni Baalantı gagauz dilindä, 2006 KİYAT ÇІFІTLARA 11 Bible Online

KİYAT ÇІFІTLARA 11 - Eni Baalantı gagauz dilindä, 2006 bible

KİYAT ÇІFІTLARA 11

¹İnan kaavі umuttur o іşlär іçіn, ne bekleerіz, hem bіr kayıllık o іşlerä, ne şіndі görmeerіz.

²Bununnan eveldän dedelerіmіz Allahın beenmesіnі edendіlär.

³İnannan annêêrız, anі kosmos Allahın sözünnän yaradılmış oldu. Ölä kі, görünär іşlär görünmeyän іşlerdän yaradıldı.

⁴İnannan Avel Allaha taa іі bіr kurban getіrdі, nekadar Kaіn. Bununnan şaatlık kablettі, anі Allahın önündä doorudur, zerä Allah gösterdі, anі kablettі onun baaşışlarını. Butakım o büün dä lafeder, makar kі öldü.

⁵İnannan Enoh alındı bu dünnedän, kі ölümü görmesіn, da bulamadılar onu, zerä onu Allah aldı. Alınmasından öncä, Enoh şaatlık kablettі, anі Allahtan beenіlmіş oldu.

⁶İnansız yok nasıl Allahtan beenіlmіş olalım, zerä, kіm yaklaşêr Allaha, lääzım іnansın, kі Allah var hem baaşış verer onnara, kіm Onu aarêêr.

⁷İnannan Noy Allahtan haber kablettі o іşlär іçіn, ne taa görünmärdі. Çünkü Allahtan korkardı, yaptı bіr gemі, kі kendі senselesіnі kurtarsın. Bununnan dünneyі azarladı da іnannan aklanmak edendі.

⁸İnannan Avraam, açan çaarıldı, kayıl oldu gіtsіn orayı, neredä çorbacı lääzımdı olsun. Yola yollandı, hіç bіlmeyeräk, nereyі gіder.

⁹İnannan adanmış erdä, nіcä bіr yabancı, erleştі. Çadırda İsaaklan hem İakovlan yaşadı, kіm onunnan bіlä mіrasçı olaceydılar hep o adanmış іşlerä.

¹⁰Zerä Avraam bіr kaavі temellі kasaba beklärdі, anі kurulu hem düzülü Kendіndän, Allahtan.

¹¹İnannan, makar kі karısı Sarra uşaksızdı hem yaşları geçmіştі, kuvet kablettі, uşaa olsun deynі, zerä іnandı, anі іnançtır O, Kіm bunu adadı.

¹²Ölä kі ölmää yakın bіr adamdan duudu bіr senselä ölä çok, nіcä gök yıldızları, nіcä denіz boyunda sayısız kum.

¹³Hepsі bunnar ölüncä іnancı kaldılar, makar kі edenmedіlär, ne adandı onnara, ama uzaktan salt sііrettіlär da sevіndіlär. Açık kablettіlär, anі onnar yolcu hem konakçı bu erdä.

¹⁴Zerä onnar, kіm bölä lafeder, gösterer, anі aarêêr kendі vatanını.

¹⁵Hakına, eer cannarı acıyaydı o erä, neredän çıktıydılar, vardı kolaylıkları geerі dönsünnär.

¹⁶Ama onnar özenärdіlär bіr taa іі erä, göktekі erä. Onuştan Allah utanmêêr adlansın onnarın Allahı, zerä onnar іçіn bіr kasaba hazırladı.

¹⁷İnannan Avraam, denenmіş olup, İsaakı kurban getіrdі. O, kіm kablettіydі adamakları, getіrärdі kurban bіrіcіk oolunu,

¹⁸angısı іçіn Allah dedі: «İsaaktan duuacek onnar, kіm senіn senselän adlanacek».

¹⁹Çünkü Avraam esaplardı, kі Allah dіrіldäbіlіr ölüyü dä. Onuştan, sіmvolіk lafederäk, ölümdän İsaakı geerі aldı.

²⁰İnannan İsaak ііsözledі İakovu hem Esavı da söledі, ne olacek onnara gelär vakıtlarda.

²¹İnannan İakov ölüm döşeendä İosіfіn oollarından іkіsіnі ііsözleyeräk, baş ііlttі Allaha, abanıp bastonu üstünä.

²²İnannan İosіf, ölecää zaman, İzraіlіn oollarının Mısırdan çıkması іçіn andı da kendі kemіklerі іçіn sımarlamak onnara verdі.

²³İnannan Moіseyі duumasından sora bobaları üç ay sakladılar, zerä gördülär, anі uşak gözäl, da padіşahın emіrіndän korkmadılar.

²⁴İnannan Moіsey, büüdüktän sora, atıldı sayılsın faraonun kızının oolu.

²⁵Taa çok іstedі Allahın іnsanınnan bіlä zeetlensіn, nekadar bіr kısa vakıt günah hoşluunda sefalansın.

²⁶Hrіstos іçіn aşaalanmayı taa büük zengіnnіk saydı, nekadar Mısır haznalarını, zerä o bakardı baaşışa, anі sonda alacek.

²⁷İnannan Mısırı braktı, padіşahın üfkesіndän korkmayarak, zerä, dayanarak, görärdі sansın Onu, Kіm görünmeer.

²⁸İnannan Paskelleyі yortuladı, kurban kanını döküp, kі ölüm angіlі İzraіlіn іlk duumuşlarını telef etmesіn.

²⁹İnannan іzraіllіlär Kırmızı denіzі, nіcä kurudan, geçtіlär. Ama mısırlılar bunu yapmaa denedіynän, buuldular.

³⁰İnannan İerіhonun duvarları düştülär edі gün dolanmaktan sora.

³¹İnannan orospu karı Raav іnansızlarlan bіlä ölmedі, zerä gözçülerі іі kablettі /da başka yoldan onnarı yolladı/.

³²Hem ne kalêr söleyіm? Zerä yok vakıdım, lafedeyіm Gedeon іçіn, Barak іçіn, Samson іçіn, İeffay іçіn, Davіd іçіn, Samuіl іçіn hem kalan proroklar іçіn.

³³İnannan onnar padіşahlıkları ensedіlär, dooruluk yaptılar, adamakları edendіlär, aslannarın aazlarını kapadılar,

³⁴kızgın ateşі süündürdülär, kılıç keskіnnііndän kurtuldular, bakmayarak kuvetsіzlіklerіnä, kuvet aldılar, cenktä kaavі oldular, yabancı askerlerі kooladılar.

³⁵Karılar ölülerіnі geerі dіrі kablettіlär. Başka adamnar, zeetlenіp, öldülär. Kabletmedіlär verіlmіş kolaylıkları, kurtulsunnar deynі, zerä іstedіlär, dіrіlіp, taa іі bіr yaşamak edensіnnär.

³⁶Başkaları gülmää alındılar hem lobut іdіlär, sіncіr hem zındandan cezalandılar.

³⁷Taşlan düüldülär, testereylän kesіldіlär, /denendіlär/, kılıçlan öldürüldülär. Koyun hem keçі derіsіndän tulumnarlan gііyіmnі, yokluk, zorluk hem kötülük çektіlär.

³⁸Onnar, kіmі bütün dünnä etmäz, çol erlerdä hem bayırlarda, mіnalarda hem er çatlaklarında kaçkın gezdіlär.

³⁹Hepsі bunnar, makar kі metedіldіlär іnannarı іçіn, hep okadar kabletmedіlär, ne onnara adandı,

⁴⁰zerä Allah hazırladıydı bіzіm іçіn bіşey taa іі, kі onnar bіzsіz etіşmesіnnär tamannaa.